Mupala'a 18:11 - Ata New Testament

¹¹ La tamitema so lailoto no xale tuatuala mukalusi opone'i tu'umaxu manina mo mitatamasou mi ane muxalisou tuala ne xo evile so ulotonu lakakoxa'ala uasi.

Mupala'a 18:11 ပူးပေါင်းရင်းမြစ်များ

Matiu 22:5

Laso ane'i tauokuvoiou milai milemolu vaikalaou noxi'a tami­tema ne ia milomua avilesi mo milailai no anu masaxa na'asi. Vile mulai no xaixu xe vile mulai no anu xaixai noxou e so lailoto.

Tioni 2:16

Xe noxi'a tamitema e misali­mune'i tangiala la muvikalane'i lexe, “Ngataxusi'a tangiala mo ngalailai. Mamu so nga'oxonu tasou Mamilo uxali tasou maketi.”

2 Pita 2:3

Mo ane'i tamitema ne iisuxu mimimengi laso ito'omolu kusingengi mole itaxusousi. Ia tatei la Mosinge mulalaxinu mamulo so ukolinu susu noxi'a mo anu a uloloxa'a, anu uai uasi.

Mupala'a 18:15

La tamitema so lailoto itatamasou taoni tatila axone xo ane'i mixalisou lamoli tatila no anu. Itatamasou mo iielielisou ia itulu nopaxa xo i'umolu navunavu ane muxalisou tuala ne.

Mupala'a 18:20

Ane'i tamitema mitamasou Vaviloni axone ia loxo ngingi no tualasou Mosinge xe tamitemaou u'isalili xe ta'aposeli xe tapolopeti, ngingi nga'osa'ilasi. Xo Mosinge mutilovosou mi ma'ia mi'oxonu noxinge la a mukolinu 'oe.”

Mupala'a 18:23

Mo lalamo kaxu uxali noxinela uasi. Xe tamitema ilomusou xoline'i mulu olie sema ane so itaula'i uxali noxinela uasi. Mimi noxine ne tasiaxu avile xo tamitema so lailoto noxine ne ane'i tatiatila manina no anu lialia mo nini ne'oxonu loloxa'a tatemanu xale tuatuala mukalusi.”

Mupala'a 18:3

La ili'ilixo nuni'u so taoni ne a loxo uaini pakia'u. Mole ane'i tatemanu tuatuala mine'e mi'oxonu ili'ilixo nuni'u la loxo miie mo misipaki no anusi. Xe takingi so tuatuala no lialia kalumo milailai no anu ilixo olele. Mo tamitema so lailoto mixalisou lamoli tatila no anu mimi iouiou ane mumomomosou masamasaxa no anu vasime'a tatemanu taoni ne.”

Mupala'a 18:9

Ioxe, ane'i takingi so tuatuala no lialia milai ne so mi'oxonu ili'ilixo nuni'u mo mimomomosou masa­masaxa no anu vasime'a. Laso loxo imaisou umuxu navu u'elaxu taoni ne la iielieli so tamasi.