Mupala'a 17:17 - Ata New Testament

¹⁷ Ane'i i'oxo axone xo Mosinge molu upamu­xanu tane'i laso loxo ane'i, la i'oxo lexe imulinu masaxa noxi'asi. Ia no anu mi e i'oxonu ne Mosinge uxalixu masaxa noxoumo. Xe takingi ipilixinu xavi noxi'a ulai noxou mi vova olele la anene uxalixu nene'axu vaikalaou Mosingesi ane.

Mupala'a 17:17 ပူးပေါင်းရင်းမြစ်များ

Luku 22:22

Xo manina, mimi uxali noxou Itema ane molu noxou Mosinge mu'isalili a loxo Mosinge molu mulalaxinu lu­mamo. Ia masua manina noxou itema ane so upilixinu no avo'a tauluaou.”

Luku 22:3

La Uluaou mu'unalai noxou Iutasi e ilemolu lexe Isikalioti. Anu vile noxi'a tatisaipeli 12.

Luku 22:37

Xo no anu lavukuou Mosinge la vaikala vile mukaukavu no anu aloxo 'o, 'Ane'i tamitema isaxisou lexe anu vile noxi'a tamitema tamasua.' La avikalangengi lexe tamitema i'oxo axone noxilo xo vaikala ma'ia ulemolu silo la uxalixu nene'axu ane.”

Tioni 10:35

Tatei la Mosinge mulanu vaikala axo'o noxi'a mo mumoxo'a lexe ane'i itulu Mosinge no ie'i tamitema. Mulemolu axone mo nenge telavu lexe vaikala no anu lavukuou Mosinge uxolu axonesi, ulapua vitanisi uasi.

Tioni 13:18

Eni alemolu vaikala ano'o so singe mukalusi uasi. Eni alavusi'a ane'i ane eiloune'i lexe tanoxilo. Ia vaikala no anu lavukuou Mosinge uxalixu nene'axu xo ngiou vile uvikala lexe, 'Itema e noxou te'ani no anu ani'anixo la mu'itinu tava'u so utaxapalisilo.'

Tioni 13:2

No anu olovoxoe la Iesua oli'a tatisaipeli mixolu so i'ani. La no voxo ne Uluaou mu'unanu xavutalaou noxou Iutasi tanu mukalu so lexe upilixinu Iesua no avo'a tauluaou. Iutasi ne anu Saimoni Isikalioti olu.

Tioni 19:24

Ta'ami mimalei axone laso ane'i mivikala lexe, “Mamu so takakanu, nenge'a ta'oxonu ilixo so uala so lexe ena'ei uno'u.” Mi'oxo axone la anene muxalixu nene'axu vaikala vile ane uxolu no anu lavukuou Mosinge lexe, “Ane'i mivelunu lavulutixeli xe mi'oxonu ilixo so uala so lexe ena'ei uno'u lasiotixeli veveni.” La ane'i ta'ami mi'oxo axonesi.

Tioni 19:28

Mukalu xe ili'i la Iesua mulavu lexe mimi mukalusi muxali mu'isalilisi. Laso anu muvikala lexe, “Limilaxo esi'esi 'oe.” Muvikala axone mo so uxalixu nene'axu vaikala ane uxolu no anu lavukuou Mosinge.

2 Kolini 8:16

La eni avikala laixe noxou Mosinge xo mu'avutinoxu sexela­singe no oponu Taitusi a iou vilesisi loxo nexi 'o.

Mupala'a 10:7

Xo loxo angelo 7-si'a utaunu piuka noxou xe lauxu uxali, laso ane. Masaxa noxou Mosinge ane muxolu mutatalume tatei ia mupala'anixu noxi'a tamitema so xaixai noxou e tapolopeti ne, anu usivita avilesi.”

Mupala'a 15:1

Ioxe, emaisou mi vilela iou vilemo manina mo so tanengelili no anu mupa no loxotolo. Aloxo 'o. Ta'angelo 7 a mixoxolu la mitete­lisou mimi 7 ane so ulosi'a tamitema tu'utu'umaxu mo umamu­lone'i. Tu'umaxu anene uxali ukalu la mi vile axone uxali ili'ila uasi. Xo no anu mimi 7 ne la usivitanoxu la'ia noxou Mosinge avile.

Mupala'a 17:13

Ane'i itulu takingi axone tava'u vilesisi ane so ipilixinu xavi ilou ualasi'a ulai noxou mi vova olele.

Mupala'a 19:9

La angelo muvikalaleli aloxo 'ola, “Nakaukavunu vaikala 'o. Tamitema ta'ei Mosinge muali'a so ine'e no anu lavilelu so taula'i noxou Sipisipi Ilie la ixalisou osa'ilasi.” Mo mu'oxo lexe anene vaikala manina noxou Mosingesi.

Mupala'a 6:11

Mivikala axone ia milosi'a lavuluti kea veveni noxi'a vilevilesi mo mivi­kalane'i aloxo 'o, “Ngaxolu mo ngama'ila sevile 'o. Ngaxolu xo taxilili a ive'ave'a tavivinge tami­tema so xaixaisio. Xo xe navasi'a umomomo no anu sosovosoui laso ane, Mosinge u'oxonu loxo ngekatu no anu.”