Mupala'a 17:14 - Ata New Testament

¹⁴ La ane'i i'otoxu Sipisipi Ilie. I'otoxu ia anu oli'a tamitemaou ane mu'avali'a xe musosovosi'a xe milopalanu ne, iua'ulixa'a. Iua'ulixa'a tauluaou Sipisipi Ilie xo anu Tila manina noxi'a tatiatila xe anu Kingi manina noxi'a takingi.”

Mupala'a 17:14 ပူးပေါင်းရင်းမြစ်များ

Matiu 22:14

Xo ngalomu, ava uxali noxi'a tamotu tavu'alo ia sosovo uxali noxi'a tata'eisi so i'unalai.”

Matiu 25:40

Laso kingi ukoline'i lexe, 'Avika­langengi manina aloxo 'o. Mi ma'ia nge'oxonu noxi'a tavivilo tatiatila o tami vitanisi, la nge'o­xonu noxilo ane.'

Matiu 28:18

Xe Iesua mune'e alai noxi'a la muvikalane'i lexe, “Mosinge mulosilo xavi so a'uli laxunu mimi mukalusi no lialia xe no tualasou.

Tioni 15:16

Ngingi ngailouleli uasi, eni melo eiloungengi ane. Xe mukalu la esosovosinge so lexe ngingi ngalailai mo ngaxalixu nene'axu ane so uxolu avile. Laso loxo mi ma'ia ngalingau noxou Maminge no anu ualasilo la anu ulosingesi.

Lomu 1:6

Mo ngingi ne, ngingi pa'usou noxi'a ane'i ane tepitane'i lexe tamitemaou Iesua Kalaisiti.

Lomu 8:30

Xe nenge ane musosovosinge tatei ne mu'ava­linge kalumo. Mu'avalinge mo mumoxo'inge lexe nenge tamale­malenga no iou. Mumo­xo'inge axone laso ili'i la nenge talailai noxou mo xoluxolu noxinge iaxusi no tualasou.

Lomu 8:37

Ia mi vile uasi. Xo Kalaisiti ne anu tanunenge laso mi ma'ia uxali noxinge ne anu usu'ulinenge so taua'ulixusi.

1 Kolini 15:24

Xe mukalui la anene telexusi. Xo Kalaisiti ukalusou xavi noxi'a tatiatila xe ane'i ane i'uli'uli xe tami ane xavine'i musuku. Ukalusou xavi noxi'a ukalu la anu upilixinu mimi mukalusi noxou Mosinge anu Maminge so molu u'uli laxunu avile.

1 Timoti 6:15

Anu uxali ulovo no anu voxo Mosinge musosovosou. Nenge ta'itinu uala­sou Mosinge xo anusisi u'uli'uli. Anu Kingi tatila noxi'a takingi mo anu Tatanane'i tatatananu mimi mukalusi.

2 Timoti 2:4

Xo noxi'a ta'ami loxo i'oxonu xaixai no anu ami la ipitanu no anu xaixai se'i so vasime'ala uasi. Ixolu opone'i ututuluou xaixai noxi'a no anu amisi, mo so tilasi'a u'osasi'axu.

1 Pita 2:9

Ia loxo ngingi ne, Mosinge muilongengi so ngexali laili noxou mu'isalili. Xe ngaxolu tapilisitisou tasou kingi mo lasilili ane malemalengasi mo tamitema ane musosovosinge lexe tanoxou mu'isalili. Laso ngingisi a so ngapala'anixu ilixo lailaixe mu'u­li'uli avile noxou e mu'a­valinge ngela no anu isivoxo so nge'una no anu lamanaxu lailaixe ne.

Mupala'a 1:5

Xe noxou Iesua Kalaisiti kalumo. Anu ua'aloxu vaikalaou Mosinge maninasi mo anu u'uli'uli noxi'a tamitema so itulu no anu soli mo anu tilasi'a takingi no lialia mukalusi. Mo kalumo anu musexelanenge mise­vile laso mulotonenge no anu sialuxu so mu'umenenge no anu susu noxinge.

Mupala'a 11:7

Ioxe, ilou ixolu ilanu vaikalaou Mosinge xo xe ukalui laso ane. Mi vova molu no taxa e ulu'elai avile olele utelo so u'otoxa'a. U'otoxa'a xola uua'ulixa'a mo uve'a ilou isoli.

Mupala'a 16:14

Ta'ulenu ne ane'i ta'angelo tamasua ane ilavusou i'oxonu sosovo so xavi iouiou. Ane'i milailai mipitane'i takingi so xale tuatuala mo so ilalaxi no anu uo. Uo anene so voxo tatila noxou Mosinge e u'uli'uli avile.

Mupala'a 2:10

Xe ngingi la maxuveni uasi la ngata­­vulenu navunavu ia opongengi kalaua uasi. Xo ngalomu, Uluaou upamuxane'i tamitema so ikalavu­sungengi ngingi mose'i. Utovo­ngengi mo ngatavulenu tu'umaxu ulai ulai umomomo no anu voxo 10. Ia ngatetelisou lopala noxinge pumuxu umomomo no anu soli, xo ili'i la eni alosinge mauli so palaisi na'a ngingi.

Mupala'a 2:13

Eni elavu no anu tuala ane ngaxoxolu no anu lexe xavi noxou Uluaxeli u'okisi. La mala'o se'o tamitema mivau Anitipasi xo mulanu vaikalaxeli mo mulopala­­lelisi. Anu vile noxinge ia ngingi ngapilixinu ualasilo uasi, ngeka­makulunusi. Mo ngaxiunu tuma­lingeou lopala noxinge uasi, ngexolu pumungenge no anu tuala ane Uluaxeli ukasou ne.

Mupala'a 3:21

Noxi'a tamitema ane iua'uli la alaixi'a so noxi'a tatalupexa no sia kingi noxilo. Iou vilesisi aloxo eni eua'uli mo a noxou Mamilo tatalupexa no anu sia kingi noxou.