Mupala'a 17:1 - Ata New Testament

¹ Ioxe, vile noxi'a ta'angelo 7 e mitetelisou lisi 7 mune'e muvika­laleli aloxo 'o, “Nane'e 'o mo alosoienixe tilasi'a tasema so vote'i a italupexa no lexalexa loxo'u xo ane a so ixalisou lakolisou ilixo noxie ne.

Mupala'a 17:1 ပူးပေါင်းရင်းမြစ်များ

Luku 24:32

Laso ilou mivikalane'i ngato'o lexe, “Ai manina misevile. Nenge nenge'a temuamua'i no vote'i xe muvivikalanenge mo mupalapalasinoxu laxu vaikalaou Mosinge noxinge la oponenge muleilaxusi.”

Luku 9:30

Sila tamitema tamei a oli'a mitulu mivikala noxou. Tamei ne ane'i Mosisi ilou Elaitia.

Mupala'a 1:1

Ioxe, tatei vaikalasou mimi ane so uxali la mutalumesi. Ia Mosinge mupilixinu noxou Iesua Kalaisiti so upala'anixu lamana noxi'a tami­tema so xaixai noxou. Laso Kalaisiti mupalusou angelou so uvulunu noxilo. Xo eni Tioni 'o, eni amitema so xaixai noxou.

Mupala'a 15:1

Ioxe, emaisou mi vilela iou vilemo manina mo so tanengelili no anu mupa no loxotolo. Aloxo 'o. Ta'angelo 7 a mixoxolu la mitete­lisou mimi 7 ane so ulosi'a tamitema tu'utu'umaxu mo umamu­lone'i. Tu'umaxu anene uxali ukalu la mi vile axone uxali ili'ila uasi. Xo no anu mimi 7 ne la usivitanoxu la'ia noxou Mosinge avile.

Mupala'a 16:19

La taoni tatila ne Vaviloni mumamulo xe muvala muxali pa'usou tatalu mo taotaoni no anu xale tuatuala mumamulo kalumo. Xo Mosinge muxavutalanu ili'ilixo masua noxi'a tatemanu taoni ne Vaviloni la mukolinu. Mukolinu la mixa­mulinu la'ia noxou Mosinge toxoxu a loxo itema uxamulinu uaini no anaxu loxo uiexu.

Mupala'a 18:1

Ioxe, mukalu la emaisou angelo vilela molu no tualasou Mosinge mulu'e. Anu xaviou musuku mo iaxu mutalosou lialia.

Mupala'a 19:2

Xe loxo Mosinge utilovosou xe ukolinu ili'ilixo la manina mo ulapusi. Xo anu mukoline tilasi'a tasema so vote'i e mimasuane'i tatemanu lialia no anu ilixo nuni'u noxie. Xe ane mive'ave'a tamitema so xaixai noxou Mosinge ia anu mukolinu sialuxa'a noxie mukalu.”

Mupala'a 19:9

La angelo muvikalaleli aloxo 'ola, “Nakaukavunu vaikala 'o. Tamitema ta'ei Mosinge muali'a so ine'e no anu lavilelu so taula'i noxou Sipisipi Ilie la ixalisou osa'ilasi.” Mo mu'oxo lexe anene vaikala manina noxou Mosingesi.

Mupala'a 21:15

Ioxe, angelo e muvikalaleli ne mutetelisou tilovo koli vile so utilovosou taoni mo aiaitengaxu ilou vimelusou.

Mupala'a 21:9

Ioxe, mukalu la angelo vile mune'e noxilo. Anu vile noxi'a ta'angelo 7 e mitetelisou lisi koli 7 ane muana'ana no anu kaluxusou tu'utu'umaxu e mumamulone'i tamitema. Mune'e noxilo la muvi­kalaleli lexe, “Nane'e 'o mo eni alosoienixe sema ane milalaxi so itaula'ixu Sipisipi Ilie.”

Mupala'a 4:1

Ioxe, mune'e xe esaxila, sila emaisou aitenga mukisi no loxo­tolo. La xoli utama loxo piuka e elomusou tei muvikalaleli mulu'e aloxo 'o. “Nini natelo 'o mo so apela'inexu mimi so uxali ili'i.”