Mupala'a 16:5 - Ata New Testament

⁵ Sila elomusou angelo e usaxila'u lexalexa muvikala aloxo 'o, “Mosixe, nini nexolu tei tei manina mo vaimomo 'o a naxo­xolusi. Ilixomeni mulapu mo malemalengasi. Nini netilovosi'a tamitema laso nekolinu aloxo 'o la ne'oxonu mulapusi.

Mupala'a 16:5 ပူးပေါင်းရင်းမြစ်များ

Tioni 17:25

O Papa, nini ane ilixomeni mulapusi, tatemanu lialia ilavusine uasi, ia enisisi elavusine. Xe ane'i tamitemaxeli 'o la ilavu lexe nini nepalusilo ene'e 'o.

Lomu 2:5

Ngingi kisinge pakia'u mo tangengi uxilili laso ngingi menge ngamolo la'iasinge. Ia no anu voxo loxo Mosinge utilovosinge ulapu la la'ia noxou singe ne upala'asi.

Lomu 3:5

Ia tamitema se'i masi ivikala aloxo 'o, “Nenge tamitema muka­lusi ta'oxonu susu, ia Mosingesi ili'ilixo noxou iaxusi. Laso loxo nenge ta'oxonu ilixo masua la anu upala'anixu ilixo noxou lexe iou vilemo manina. Xe axone la anu mane ususu so ukolinu ilixo masua noxinge. Xo ilixo masua noxinge ne u'oxonu ilixo noxou iaxu upala'a avile.”

Mupala'a 1:4

Eni Tioni a. Vaikala ano'o ulai noxinge ngingi tatemanu pita 7 ne Esia polovinisi. Mosinge uiaiamangenge mo ulosinge xoluxolu lalavulusi xo anu muxolu tei tei manina mo a uxoxolu vaimomo 'o mo anu a une'e uxolu ili'i kalumo. Xe su'uli anene kalumo ngaxalisou noxou Ulenu ane noxou 7 e uxoxolu no laxunu sia kingi noxou Mosinge.

Mupala'a 1:8

La Tatananenge anu Mosinge uvikala aloxo 'o, “Eni ane tei a xe eni kaluxu uasi a. Evile uua'ulixo uasi, xo tatei eni exoxolu xe vaimomo axoxolu mo ulai ili'i la eni ane'e axolusi.”

Mupala'a 11:17

La mivi­kala aloxo 'o, “Tatananexi, nini Mosixe, nini ninisisi Na'uli'uli avile. Xo tei tei manina nini nexoxolu mo vaimomo 'o naxo­xolu. Xavineni tatila a mupala'a xo naxolu no anu tanixene so na'uli laxunu mimi mukalusi. Laso nexi tavikala laixe noxine.

Mupala'a 16:4

La angelo tatalusi'a munixi'u lisi noxou mulu'elai no lexalexa xe no anu luxuluxu mukalusi la muxali sialusi.

Mupala'a 16:7

La elomusou xoli molu no tanixu navu muvikala aloxo 'ola, “Ani, manina. Tatana­nexi nini Mosixe. Nini na'uli'uli avile, mo loxo nini natilovosou ili'ilixo so nakolinu la manina mo ulapusi.”

Mupala'a 19:2

Xe loxo Mosinge utilovosou xe ukolinu ili'ilixo la manina mo ulapusi. Xo anu mukoline tilasi'a tasema so vote'i e mimasuane'i tatemanu lialia no anu ilixo nuni'u noxie. Xe ane mive'ave'a tamitema so xaixai noxou Mosinge ia anu mukolinu sialuxa'a noxie mukalu.”

Mupala'a 4:8

La tamimi tami'a ne vivivisi'a 6 mukalusi. Ie'i ie'i musu'asou vasi­me'a mo muxolu no laxu vivisi'a kalumo. Mo kakau olovoxo ivikala lexe, “Tatananenge anu Mosinge anusisi U'uli'uli. Anu malema­lenga. Anu malemalenga. Anu malemalenga. Anu muxolu tei tei manina mo a uxoxolu vaimomo 'o mo anu une'e uxolu ili'i avile.” Ane'i ixolu ivikala axone mo italo uasi.

Mupala'a 6:10

Mixolu la mikatu tatila aloxo 'o, “Tatananexi. Nini na'uli'uli no anu mimi mukalusi. Mo ilixomeni malemalenga mo maninasi. Xe nexi 'o tatemanu lialia mivexe mo sialunexe munixi. Laso nakolinu sialunexe a talu?”