Mupala'a 16:18 - Ata New Testament

¹⁸ La lele'e mulamilami mo mupaupau xe uni'uni tatila e tatila. No voxo loxo tamitema mixali no lialia mo mune'e avile la ixamulinu uni'uni axone uasi.

Mupala'a 16:18 ပူးပေါင်းရင်းမြစ်များ

Matiu 24:21

Voxo anene tu'umaxu e tu'umaxu manina. Musoko'u no voxo loxo lialia muxali xe mune'e muxali avile vaimomo 'o la tu'umaxu axone uxali uasi. Mo uxali ili'i kalumo axone uasi.

Mupala'a 11:13

La no voxo anene kalumo uni'uni tatila uxali no taoni ne. Laso loxo takalipalanu uxali pa'usou 10, la pa'usou vile uma­mulo avile. Xe no anu uni'uni ne tamitema isoisoli navasi'a umo­momo no anu 7000. La ane'i loxo ixoxolusio imama'u laso i'itinu ualasou Mosinge e uxoxolu no tualasou lailaixe.

Mupala'a 11:19

Ioxe, tatiatila mivikala axone mukalu laso aitengaxu tasou Mosinge no tualasou mukisi. Mukisi laso emaisou kesi so konitalaki muai ne. Emaisou la lele'e mulamilami mo mupaupau. Xe uni'uni mukunikuni mo uali loxo aisi mululu'e.

Mupala'a 4:5

Xe no anu sia kingi la emaisou lele'e mulamilami mo elomusou mupaupau. Mo no laxunu sia ne la telu 7 a muka. Telu 7 ne so usosovosou Mosinge Ulenu ane noxou 7.

Mupala'a 6:12

Mukalu la Sipisipi Ilie mulo­kenu sosovo 6-sou e muteinoxu lavuku ne. Xe emalei loxo 'o sila uni'uni toxoxu e toxoxu muxali no lialia. La aso muxiu muxali su'inu loxo tiva teinu 'o. Xe so'io kalumo muxiu muxali lauoinu loxo sialu.

Mupala'a 8:5

Ioxe, angelo muno'u navu no anu tanixu navu ka mumulaxu no anu lisi so mi tuma'u lailaixe. Mukalu la musu'anu no lialia sila lele'e mupaupau mo mulamilami mo uni'uni mukuno­kunoxu lialia.