Mupala'a 15:3 - Ata New Testament

³ Mitulu la milexenu lexe noxou itema so xaixai noxou Mosinge e Mosisi. Mo milexenu lexe noxou Sipisipi Ilie kalumo. Lexe ne aloxo 'o, “Tatananexi nini Mosixesi. Nini Na'ulu'ulisi. Mi ma'ia na'oxonu la xavinu mo lailaixesi. Ili'ilixo noxine malemalenga mo maninasi. Nini Kingi so tuatuala mukalusi.

Mupala'a 15:3 ပူးပေါင်းရင်းမြစ်များ

Tioni 1:17

Xo manina, no anu vote'i e noxou Mosisi la texalisou lo. Ia noxou Iesua Kalaisiti la texalisou iaiama ilou vaikala anu temanu manina.

1 Timoti 1:17

Laso ta'itinu ualasou Mosinge xo anu vilesisi ane. Anu kingi na'a nenge mo uxolu no tanixu ne avile. Anu kaluxu uasi. Nenge tamitema tasaxisou no ienge uasi, ia taxolu ta'itinu ualasou no anu mauli noxinge ulai ulai utalo uasi. Vaikala ano'o maninasi.

Ipilu 3:5

Ioxe, Mosisi ne anu itema so xaixai mo loxo Mosinge mupilixinu xaixai ma'ia so u'oxonu no tasou la mumulinu laixesi. Mo kalumo anu mu'oxonu xaixai so mulemolu mimi ane so Mosinge upalasinoxu ili'i.

Mupala'a 1:8

La Tatananenge anu Mosinge uvikala aloxo 'o, “Eni ane tei a xe eni kaluxu uasi a. Evile uua'ulixo uasi, xo tatei eni exoxolu xe vaimomo axoxolu mo ulai ili'i la eni ane'e axolusi.”

Mupala'a 11:17

La mivi­kala aloxo 'o, “Tatananexi, nini Mosixe, nini ninisisi Na'uli'uli avile. Xo tei tei manina nini nexoxolu mo vaimomo 'o naxo­xolu. Xavineni tatila a mupala'a xo naxolu no anu tanixene so na'uli laxunu mimi mukalusi. Laso nexi tavikala laixe noxine.

Mupala'a 14:3

La ane'i latala ne mitulu no laxunu sia kingi noxou Mosinge xe no laxune'i tamimi tami'a oli'a tatiatila 24 olele. Mitulu la milexenu lexe vile alavua. Tamitema 144,000 e Mosinge molu mulotone'i so mu'umene'i no lialia ne, ane'isi imomomo so ilavusou lexe ne, evilela uasi.

Mupala'a 14:8

Mukalu la angelo vilela mumu­linu ane tei. La angelo tameisou 'o muvikala aloxo 'o, “Taoni tatila ne Vaviloni a umamulo 'oe. Anu mumasua xo anu muolexa'a tamitema so xale tuatuala muka­lusi mimulinu ili'ilixo nuni'u so taoni ne. Anu loxo miiexu uaini pakia'u so taoni ne mo misipaki no anu.”

Mupala'a 17:14

La ane'i i'otoxu Sipisipi Ilie. I'otoxu ia anu oli'a tamitemaou ane mu'avali'a xe musosovosi'a xe milopalanu ne, iua'ulixa'a. Iua'ulixa'a tauluaou Sipisipi Ilie xo anu Tila manina noxi'a tatiatila xe anu Kingi manina noxi'a takingi.”

Mupala'a 19:16

La no lavulutiou veveni xe no poxo'u la ualasou muxolu lexe, Kingi manina noxi'a takingi xe Tila manina noxi'a tatiatila.

Mupala'a 19:2

Xe loxo Mosinge utilovosou xe ukolinu ili'ilixo la manina mo ulapusi. Xo anu mukoline tilasi'a tasema so vote'i e mimasuane'i tatemanu lialia no anu ilixo nuni'u noxie. Xe ane mive'ave'a tamitema so xaixai noxou Mosinge ia anu mukolinu sialuxa'a noxie mukalu.”

Mupala'a 4:8

La tamimi tami'a ne vivivisi'a 6 mukalusi. Ie'i ie'i musu'asou vasi­me'a mo muxolu no laxu vivisi'a kalumo. Mo kakau olovoxo ivikala lexe, “Tatananenge anu Mosinge anusisi U'uli'uli. Anu malema­lenga. Anu malemalenga. Anu malemalenga. Anu muxolu tei tei manina mo a uxoxolu vaimomo 'o mo anu une'e uxolu ili'i avile.” Ane'i ixolu ivikala axone mo italo uasi.