Mupala'a 15:1 - Ata New Testament

¹ Ioxe, emaisou mi vilela iou vilemo manina mo so tanengelili no anu mupa no loxotolo. Aloxo 'o. Ta'angelo 7 a mixoxolu la mitete­lisou mimi 7 ane so ulosi'a tamitema tu'utu'umaxu mo umamu­lone'i. Tu'umaxu anene uxali ukalu la mi vile axone uxali ili'ila uasi. Xo no anu mimi 7 ne la usivitanoxu la'ia noxou Mosinge avile.

Mupala'a 15:1 ပူးပေါင်းရင်းမြစ်များ

Mupala'a 10:3

Mutulusou mukalu la mu'ava tatila a loxo laioni xolinu tatila so la'iaxu. Mu'ava mukalu xe lele'e mupau alaxu 7 la vaivaikala muxali no anu.

Mupala'a 11:14

Anu ane, tu'umaxu e mu'oki tameisou mukalu 'oe. Ia ngalomu, maxuveni uasi la tu'umaxu tatalu­sou a so umulinula.

Mupala'a 14:10

Anu loxo iie no anu uaini iou vilemo. Anene, la'ia noxou Mosinge. Loxo iie no anu la'ia noxou Mosinge axone la u'oki e u'okisi. Xo ixolu no iou Sipisipi Ilie oli'a ta'angelo talaixe so navu ilou lavo'o axexaxu uto'ito'isi'a.

Mupala'a 14:19

Laso angelo ne mutangatulu so uvalinu laviso no anu lialia loxo'u. Mukalu la mupitanu uaini ngiaxu ane mu'elesou ka musu'anu la'oluxu mu'una no anu tanixu so imalo­maloxo'u. Tanixu so imaloma­loxo'u uaini ngiaxu ne so usosovosou la'ia noxou Mosinge.

Mupala'a 16:1

Ioxe, elomu la xoli tatila molu no tasou Mosinge la muvikalane'i ta'angelo 7 aloxo 'o, “Ngingi ngano'u lisi 7 e muana'ana no anu la'ia noxou Mosinge mo ngani­xinixi'u ulu'elai no lialia.”

Mupala'a 17:1

Ioxe, vile noxi'a ta'angelo 7 e mitetelisou lisi 7 mune'e muvika­laleli aloxo 'o, “Nane'e 'o mo alosoienixe tilasi'a tasema so vote'i a italupexa no lexalexa loxo'u xo ane a so ixalisou lakolisou ilixo noxie ne.

Mupala'a 19:15

Xe noxou anu ane mu'uli laxune'i la laviso so oto anaxu misevile muxolu mula no anaxu. Laviso ne so uu'aulixa'a tatemanu tuatuala mukalusi no anu. Uua'ulixa'a ukalu la anu u'uli laxune'i mo a utetelisou aini so umaxa'u lexe evile umomomo so uxililioula uasi. Mo anu umalo­maloxo'a tauluaou a loxo tamitema imalomaloxo'u uaini ngiaxu no anu tanixu. Ia loxo anu, la umalo­maloxo'a no anu la'ia toxoxu noxou Mosinge e U'uli'uli.

Mupala'a 21:9

Ioxe, mukalu la angelo vile mune'e noxilo. Anu vile noxi'a ta'angelo 7 e mitetelisou lisi koli 7 ane muana'ana no anu kaluxusou tu'utu'umaxu e mumamulone'i tamitema. Mune'e noxilo la muvi­kalaleli lexe, “Nane'e 'o mo eni alosoienixe sema ane milalaxi so itaula'ixu Sipisipi Ilie.”

Mupala'a 8:13

Mukalu xe esaxi loxo 'o sila suluvi nenu muvava no tainu loxotolo. La elomusou mu'ava tatila lexe, “Iauo, iauo, iauo. Tanengexa'a tatemanu lialia. Mixa­lisou xoluxolu masua ia loxo ta'angelo tatalu ane ixoxolusio itaunu piuka noxi'a la tu'umaxu u'oki e u'oki avile.”

Mupala'a 8:2

Xe emalei loxo 'o la emaisi'a ta'angelo 7 e itulu no laxunu Mosinge, la milosi'a piuka 7.

Mupala'a 8:6

Ioxe, mukalu la ta'angelo 7 ane mitetelisou piuka a mitulu milalaxi so itaunu.

Mupala'a 9:20

Ioxe, tu'utu'umaxu ne muma­mulone'i laili toxoxu e toxoxu. Ia ane'i loxo mixoxolusio ixiunu opone'i uasi no anu mimi masua loxo me'a mixalixu no avo'avo'a. Xo ane'i mi'itine'i ta'angelo tamasua. Mo mixalixu momosi'a kalavoi no anu koli xe siliva xe valasi. Mo mipuinu lavo'o ilou ovu so lexe momosi'a ia mi axone umauli so umalei o ulomu o umuamua'i uasi to!