Mupala'a 14:14 - Ata New Testament

¹⁴ Ioxe, emaleila la emaisou sauma kea vile. La evile loxo itema a mutalupexa no anu. Xe no kisou la ati koli loxo noxi'a takingi. Xe laviso uku anaxu misevile a mutetelisou no avolu.

Mupala'a 14:14 ပူးပေါင်းရင်းမြစ်များ

Matiu 13:30

Ta'oxo aloxo 'o. Ngapilixinu uxolu mo ilou ileme xo mo uiti lingamo. Xe no anu voxo so tamitema so i'elesoui la eni avikalane'i lexe tei ane'i itaxusou laxalasi masua ka isa­kinu tavata­valanu so i'elaxu no navusi. Ukalu la i'elesou uiti temanu mo ita'olunu no tasou iauvaxe noxilo.'”

Matiu 17:5

La Pita a uvikalasio sila sauma vile muvalukeasi musuasi'a. Laso xoli vile molu no sauma ne muvikala lexe, “Ano'o alixeli ane asexalaxu, eni a'osasou misevile. Ngingi ngalomuxu.”

Maki 4:29

Unene'a laso itema uno'u laviso uku so u'elexu no anu. U'elexu avile xo anu voxo so lingamo. Anu ane, latilovo axone. No voxo so Mosinge molu u'uli laxune'i tamitemaou la anu u'oxo axone.”

Luku 21:27

Sila no voxo anene tamitema imaisou Itema ane molu noxou Mosinge upolo no anu sauma une'e, la no anu xavinu mo iaxusi.

Ipilu 2:9

Ia mi vile uasi, xo nenge tasaxi noxou Iesuasi. Xo anu mulu'enu so muxolu no laxa'a ta'angelo, ia voxo ataxusi. Mulu'enu ne so utavulenu navunavu mumomomo avile no anu soli. La anene vote'isou iaiama noxou Mosinge xo Iesua muno'u tanixa'a tamitema mukalusi so u'unalai no anu soli axone. Laso maixene Mosinge mu'itinu mo mulosou uala tatila mo tanixu e mu'uli'uli avile.

Mupala'a 1:13

La no tainu lalamo la emaisou anu ane muxali itema a mutulu. Lavalava veveni musu'asou la muxali no tava'u avile. Xe musinixu laleti koli no lutunu.

Mupala'a 1:7

Xo ngalomu, ngasaxi utelo. No voxo loxo une'e la upolo no anu sauma ulu'e. Une'e la tamitema mukalusi imaisou no anu ie'i lavo'onusi. La ane'i ane mito'omolu vasimolu la imaisou kalumo. La tamitema no anu lailaili mukalusi no lialia 'o ixavutala mo itatama­sou. Mi anene uxali manina ane.

Mupala'a 10:1

Ioxe, emalei loxo 'o sila emaisou angelo vile ane xavinu misevile molu no tualasou Mosinge mulu'e. Mulu'e la loxo lavulutiou no anu saumasi. Xe sosovo so vavalima muxolu no kisou. La no alaiou lamanaxu a loxo aso. Xe no tava'u la kaxu loxo navu.

Mupala'a 11:17

La mivi­kala aloxo 'o, “Tatananexi, nini Mosixe, nini ninisisi Na'uli'uli avile. Xo tei tei manina nini nexoxolu mo vaimomo 'o naxo­xolu. Xavineni tatila a mupala'a xo naxolu no anu tanixene so na'uli laxunu mimi mukalusi. Laso nexi tavikala laixe noxine.

Mupala'a 19:12

La iou kaxu a loxo navu 'o. Xe no kisou la ati'ati tavu'alo a loxo ati noxi'a takingi. Xe no vasimolu la uala a muxolu no anu. Uala ne anu anusisi mulavusou, evilela uasi.

Mupala'a 20:11

Ioxe, ieli muka loxo 'o la emaisou sia vile noxou kingi. Anu kea mo toxoxu e toxoxu. La emaisou evile muxolu no anu sila lialia ilou loxotolo mi'umolu mo tasiauxu avilesi.

Mupala'a 6:2

Xe emalei loxo 'o sila emaisou osi kea vile la evile mutalupexa no anu. Mutalupexa la mutetelisou pasiko mo milosou ati iou vile ane so umaxa'u lexe anu mosou oto. La anu mulutu so uua'uli no anu oto'oto.