Mupala'a 14:13 - Ata New Testament

¹³ La elomusou xoli molu no tualasou Mosinge muvikala aloxo 'o, “Nini nakaukavunu vaikala ano'o. Usoko'u vaimomo 'o xe ulai ili'i la ane'i ta'ei loxo ilopala noxou Tatananenge ka isoisoli, ane'i ixalisou osa'ila tatila.” Mukalu la Ulenu muvikala lexe, “Manina. Ane'i i'osa'ilasi xo tei la sasaie'i no anu xaixai noxi'a ia ane'i a ima'ilasi. Mo xaixai loxo mi'oxonu la nene'axu laixe a uxolusi.”

Mupala'a 14:13 ပူးပေါင်းရင်းမြစ်များ

Matiu 3:17

Sila xoli vile molu no loxotolo mulu'e lexe, “Ano'o eni alixeli asexelaxu ane. Eni a'osasou misevile.”

Luku 16:25

Ia Apala'amu mukolinu lexe, 'Alixeli, taneniu mi vile aloxo 'o. No voxo ane nemaulisio la nexolu no anu mimi latanusi. Xe Lasa­lusu xoluxoluxu masuasi. Ia vaimomo 'o no tuala ano'o anu umamatola laixe xe nini la natavulenu tu'umaxusi.

Luku 16:9

Mo manina, lamoli so lialia anu loxo nuni'u ia laixe loxo ngapamuxanu so uxalixu vote'i so tamitema i'osa­singe. Mo so axone loxo ili'i voxo so lamoli ukalui la tamitema ngelapune'i ne i'avalinge nga'una­lai no anu tatani ane uxolu kaluxu uasi.

Lomu 14:8

Xo loxo tamamauli, la tamauli so taxalixu nene'axu masaxa noxou Tatananengesi. Xe loxo tasoli, la tasoli so mi ne kalumo. Laso ane, loxo tamauli o tasoli la nenge taxolu no avolu Tatananengesi.

1 Kolini 15:18

Mo loxo tamitema ane milopala noxou Kalaisiti xe misoli la ane'i imamulo avile ane.

1 Kolini 15:20

Ia uasi, axone uasi. Xo Kalaisiti mutulu mo mumaulila ne, mo ili'i la nenge axone kalumo. Laso anu aili'isinge xo anu tei manina noxinge no anu ane so tasoli xe tamaulila.

1 Kolini 15:58

Laso tavivilo ane asexela­ngenge ne. Ngaxolu pumunge­ngesi, nga­vaxa ngane'e no anu lopala noxinge uasi. Mo loxo nga'oxonu xaixai noxou Tatana­nenge la xavinge­ngiousi. Xo ngalavu lexe ngaxolu noxou Tatananenge laso xaixai noxinge ne ulapau vitanisi uasi.

2 Kolini 5:8

Ia loxo elemolu, oponenge utulu pakia'usi mo masaxa noxinge lexe taxolu no anu tani e vasimenge 'o uasi. Tamasaxau xoluxolu so ta'unalai tatalupexa no nunisinge noxou Tatananenge avile.

Pilipai 2:17

Laso loxo tava'u maulixo 'o so unixi ula la anu loxo usiali upita ilou mi e ngepilixinu no anu lopala noxinge lexe noxou Mosinge. Eni a'osa so uxali axone mo amasaxau lexe ngingi kalumo ngaxamulinu osa noxilo 'o.

1 Tesalonaika 4:14

Xo nenge telopala mo telavu lexe Mosinge mutulusou Iesua no anu soli. Laso talopala lexe no anu xavi noxou anenesi la no voxosou lailivuxu Iesua la oli'a tanoxou e misoisoli.

1 Tesalonaika 4:16

Xo aloxo 'o. No voxo anene la xoli toxoxu xe tila noxi'a ta'angelo talaixe uvikala xe piuka noxou Mosinge utama la Tatananenge molu no tualasou ulu'e. Ulu'e laso tanoxou Kalaisiti ane misoisoli la itulutulu tei.

1 Tesalonaika 5:10

Anu musolisinge laso nenge ta'ei loxo imamaulisio o misoisoli mukalu la no voxo olele ne nenge'a Tatananenge taxolu tamaulisi.

1 Timoti 5:24

Alemolu mi vile aloxo 'o. Susu noxi'a tamitema se'i mulamanasi mo ta'oxo lexe ili'i itavulenu tu'umuxusou. Ia noxi'a se'i la susu noxi'a mutalume. Laso ili'i la takuluke xo susu upala'a no anu lakoti noxou Mosinge mo ane'i kalumo itavulenu tu'umaxusou.

1 Timoti 5:25

La anu axone kalumo no anu ilixo laixe. Se'i ne upala'a avile xe se'i utalume. Ia umomomo so utalume avile uasi ane, ulai la upala'a kalumo.

Mupala'a 1:11

La muvika­laleli aloxo 'o, “Mimi ane so nasaxisou la nakaukavunu no lavuku vile ka nakalanu ulai no anu pita 7 no tuatuala ano'o. Ne Epesusi xe ne Semelena xe ne Pelexamumi xe ne Taiataila xe ne Salitisi xe ne Vilatelevia xe ne Laotisea.”

Mupala'a 10:4

Ioxe, lele'e mupau alaxu 7 axone mo eni a so akaukavunu vaivaikala ne. Sila elomusou xoli molu no tualasou Mosinge muvi­kalaleli lexe, “Mamu. Vaikala ane nelomusou no anu lele'e mupau alaxu 7 ne natalumeu no oponenisi, nakaukavunu uasi.”

Mupala'a 11:15

Ioxe, angelo 7-si'a mutaunu piuka noxou. La elomusou xolixoli no tualasou Mosinge muvikala aloxo 'o, “Tatananenge ilou Itema e musosovosou lexe Kalaisiti ne ane'isisi takingi, xo ilou mino'u tanixa'a takingi so lialia mukalusi. Ane'isi ixolu i'uli'uli avile kaluxu uasi.”

Mupala'a 11:19

Ioxe, tatiatila mivikala axone mukalu laso aitengaxu tasou Mosinge no tualasou mukisi. Mukisi laso emaisou kesi so konitalaki muai ne. Emaisou la lele'e mulamilami mo mupaupau. Xe uni'uni mukunikuni mo uali loxo aisi mululu'e.

Mupala'a 16:17

La angelo 7-si'a munixi'u lisi noxou mulu'elai no loxotolosi. Munixi'u sila xoli tatila nonano no tasou Mosinge molu no sia kingi muvikala lexe, “Anu ane, mukalu.”

Mupala'a 19:9

La angelo muvikalaleli aloxo 'ola, “Nakaukavunu vaikala 'o. Tamitema ta'ei Mosinge muali'a so ine'e no anu lavilelu so taula'i noxou Sipisipi Ilie la ixalisou osa'ilasi.” Mo mu'oxo lexe anene vaikala manina noxou Mosingesi.

Mupala'a 2:1

La anu muvikala aloxo 'ola, “Nini nakaukavunu vaikala ano'o ulai noxou angelosou pita noxilo ne Epesusi. Eni ane atetelisou tataoto 7 no avolo tema, mo axixao no tainu lalamo koli 7. Akalanu vaikala ano'o ulai noxinge.

Mupala'a 2:7

Anu ane, loxo itema sangalou la ulomuxu vaikalaou Ulenu Laixe anu upilixinu noxinge no anu pitapita. Noxi'a tamitema ane so iua'uli, la apilixine'i so i'ani no anu ovu so mauli ane uxolu no xai noxou Mosinge no tualasou.”

Mupala'a 20:6

Ioxe, noxi'a tamitema ane mitulu tei olele ne ane'i ixalisou osa'ila. Ane'i tamalemalengasi mo soli tameisou xavinu so ulosi'a tu'umaxu uasi. La ane'i ne tapilisiti so i'oxonu xaixai noxou Mosinge xe noxou Kalaisiti. Mo ane'i ixolu iveisa'inu Kalaisiti no anu tanixu kingi umomomo no anu tau ie 1000.

Mupala'a 21:5

La anu ane mutalupexa no anu sia kingi muvikala aloxo 'o, “Ngama­lei, eni a axalixu mimi mukalusi alavuala.” La mu'oxo lexe, “Nakau­kavunu vaikala ano'o xo anu uxalixu nene'axu mo anu mani­nasi.”

Mupala'a 22:17

La Ulenu olie Sipsipi Ilie semau mivikala aloxo 'o, “Nane'e 'o.” Xe ta'ei loxo ilomuxu vaikala ano'o la ane'i kalumo ivikala lexe, “Nane'e 'o.” Laso ena'ei usolixu lexa la une'esi. Une'e uie no anu lexa so mauli xo anu lapesou uasi.

Mupala'a 6:11

Mivikala axone ia milosi'a lavuluti kea veveni noxi'a vilevilesi mo mivi­kalane'i aloxo 'o, “Ngaxolu mo ngama'ila sevile 'o. Ngaxolu xo taxilili a ive'ave'a tavivinge tami­tema so xaixaisio. Xo xe navasi'a umomomo no anu sosovosoui laso ane, Mosinge u'oxonu loxo ngekatu no anu.”