Mupala'a 14:11 - Ata New Testament

¹¹ Ane'i ane i'itinu mi vova ilou mi e usaxi loxo anu xe mino'u sosovo so ualasou ne ixolu itavulenu navunavu axonesi. La navu ane ixolu no anu ne umuxu utelai utelai xo mole ukalu uasisi.”

Mupala'a 14:11 ပူးပေါင်းရင်းမြစ်များ

Matiu 11:28

Laso ngingi tamitema ane ngatotosa no anu mimi tu'umaxu ngatavalenu ne, ngingi mukalusi ngane'e noxilo xo eni alosinge ma'ila a.

Matiu 25:41

Ioxe mukalu la kingi uvikalane'i laili ane no avolu kaisi lexe, 'Ngingi ane so ngaxalisou mamulo, ngaxexe noxilo mo ngalai no navu so mamulo e u'ani'ani kaluxu uasi. Navu so mamulo anene mulalaxisi'a Uluaou oli'a ta'angelou.

Matiu 25:46

La ane'i tamitema anene ilai so itavulenu lakolisou susu noxi'a kaluxu uasi. Ia ane'i tamitema talapusi ilai ino'u mauli kaluxu uasi.”

Ipilu 1:8

Ia no anu Mosinge vaikalaou la muvikalasou Olu aloxo 'o, “Mosinge, nini naxolu no anu tanixene so kingi ne ulai ulai kaluxu uasi. Mo napamuxane'i tamitemameni no anu vote'i mulapusi.

Mupala'a 11:15

Ioxe, angelo 7-si'a mutaunu piuka noxou. La elomusou xolixoli no tualasou Mosinge muvikala aloxo 'o, “Tatananenge ilou Itema e musosovosou lexe Kalaisiti ne ane'isisi takingi, xo ilou mino'u tanixa'a takingi so lialia mukalusi. Ane'isi ixolu i'uli'uli avile kaluxu uasi.”

Mupala'a 13:12

Mi vova tameisou 'o muxolu no iou anu ane tei so loxo u'oxonu mi ma'ia la uno'u xavi noxou. La anu mupamuxane'i tatemanu lialia so i'itinu ualasou mi vova ane tei. Anu e mito'omolu la umomomo no anu soli ia mumauli mo tanixu muvesasi.

Mupala'a 13:15

La Mosinge mu'italonu mi vova tameisou 'o so utausou mauli u'una no anu mi e tamitema mi'oxonu musaxi loxo mi vova ane tei. Mutausou mauli mu'una sila mi ne muvivikala. Xe tamitema loxo ilotu no anu mi e musaxi loxo mi vova uasi la anu xavinu so uve'ave'a isoisoli.

Mupala'a 13:17

Laso loxo sosovo ne uxolu noxou itema vile uasi la umomomo so ulotonu mi vile o usalimunu mi vile uasi. Sosovo ne anu ualasou mi vova xe navasou ualasou.

Mupala'a 14:9

Mukalu la angelo vilela mumu­line'i tatamei teila. La angelo tatalusi'a 'o muvikala aloxo 'o, “Ane'i ta'ei i'itinu ualasou mi vova ilou mi e musaxi loxo anu mo ino'u sosovosou no anu alaie'i xe no avo'a la ixalisou tu'umaxu aloxo 'o.

Mupala'a 18:18

Itulu mo imaisou umuxu navu e u'elaxu taoni la mitama lexe, 'Taoni vilela toxoxu aloxo 'o a uxolu ne'ei? Uasi manina.'

Mupala'a 18:9

Ioxe, ane'i takingi so tuatuala no lialia milai ne so mi'oxonu ili'ilixo nuni'u mo mimomomosou masa­masaxa no anu vasime'a. Laso loxo imaisou umuxu navu u'elaxu taoni ne la iielieli so tamasi.

Mupala'a 19:3

La ane'i mivikala tatila alaxu tameisoula lexe, “Ta'itinu ualasou Mosinge. Umuxu navu ane u'elaxu taoni tatila a utetelai utetelai kaluxusou uasi.”

Mupala'a 20:10

Ioxe, Uluaou u'oxo loloxa'a tamitema axone laso Mosinge usu'anu no anu taxa toxoxu ane navu ilou lavo'o axexaxu u'ani'ani no anu. Taxa e mi vova ilou polopeti kalavoi a ixolu no anu kalumo. La ane'i tatalu ne itavulenu navunavu no aso xe olovoxo ulai ulai xo mole kalu­xusou uasisi.

Mupala'a 22:5

La olovoxola uasi. Mo tava'u so ilexexu lalamo xe tava'u so aso uiieila uasi xo Tatananenge anu Mosinge molu uxolu so ulosi'a lamanaxu. Ixolu axone no anu tanixu kingi ulai ulai xo mole kaluxu uasisi.

Mupala'a 7:12

La mivikala lexe, “Manina misevile, nenge ta'itinu ilixou laixe mo ualasou mo lavulavuou u'asi'asi xe talemolu laixe noxou. Xe tatoxu xo anusisi xavinu mo anu u'uli laxunu mimi mukalusi. Anu uxolu Mosinge ulai ulai kaluxu uasi. Vaikala ano'o maninasi.”