Mupala'a 14:10 - Ata New Testament10 Anu loxo iie no anu uaini iou vilemo. Anene, la'ia noxou Mosinge. Loxo iie no anu la'ia noxou Mosinge axone la u'oki e u'okisi. Xo ixolu no iou Sipisipi Ilie oli'a ta'angelo talaixe so navu ilou lavo'o axexaxu uto'ito'isi'a. အခန်းကိုကြည့်ပါ။ |
Mupala'a 14:10
45 ပူးပေါင်းရင်းမြစ်များ
Xo tamitema no voxo ano'o milailai vitanisi va'axu noxou Mosinge mo opone'i utulu no anu sususi. Laso maixene ane'i tavu'alo imaila so imulileli mo ane'i ixiunu tumali'aou vaikalaxeli. I'oxo axone ia ili'i la Itema ane molu noxou Mosinge une'e no anu iaxu Momu mo oli'a ta'angelo talaixe ane. Une'e axone laso ane'i ane mixiunu tumali'a noxou vaimomo 'o, la anu ukoline'i mo uxiunu tumalou noxi'a ane.”
La ane'i mivikalanu lexe, “A Koniliasi e tatila noxi'a ta'ami 100 mupalusixe tene'e 'o. Anu ilixo noxou laixe mo umama'u noxou Mosinge. Ane'i Taiuta mukalusi itaxanu mo ivikala lexe anu itema laixe. Anu mupalusixe tene'e xo angelo laixe vile muvikalanu lexe u'avaline nalai no tasou so ulomusou vaikalameni.”
Mo aloxo tatemanu taoni ne Sotomu xe Xomola xe taotaoni no pa'ume'a. Ilixone'i iou vilesisi loxo ta'angelo to ne xo milaixu vasime'a no anu susu ane nuni'u mo iou vilemo manina. Laso Mosinge mumamulone'i no anu navu ane uxolu kaluxu uasi mo so ulosoie'i tamitema mukalusi lexe anene lakolisou ilixo axone.
La taoni tatila ne Vaviloni mumamulo xe muvala muxali pa'usou tatalu mo taotaoni no anu xale tuatuala mumamulo kalumo. Xo Mosinge muxavutalanu ili'ilixo masua noxi'a tatemanu taoni ne Vaviloni la mukolinu. Mukolinu la mixamulinu la'ia noxou Mosinge toxoxu a loxo itema uxamulinu uaini no anaxu loxo uiexu.
La ili'ilixo nuni'u so taoni ne a loxo uaini pakia'u. Mole ane'i tatemanu tuatuala mine'e mi'oxonu ili'ilixo nuni'u la loxo miie mo misipaki no anusi. Xe takingi so tuatuala no lialia kalumo milailai no anu ilixo olele. Mo tamitema so lailoto mixalisou lamoli tatila no anu mimi iouiou ane mumomomosou masamasaxa no anu vasime'a tatemanu taoni ne.”
Laso ngingi so ngakoline'i tatemanu tuala ne la ngakoline'i ulovo no anu mi ma'ia mi'oxonu. Xo ane'i mivo'utulonixu susu noxi'a laso loxo ngakolinu la ngavo'utulonixu kalumo. Xe ane'i la mino'u kapu so ili'ilixo noxi'a olele so miie no anu. Laso loxo ngini ngakolinu ili'ilixo ne la ngatau kapu tamei so iiexu.
Xe noxou anu ane mu'uli laxune'i la laviso so oto anaxu misevile muxolu mula no anaxu. Laviso ne so uu'aulixa'a tatemanu tuatuala mukalusi no anu. Uua'ulixa'a ukalu la anu u'uli laxune'i mo a utetelisou aini so umaxa'u lexe evile umomomo so uxililioula uasi. Mo anu umalomaloxo'a tauluaou a loxo tamitema imalomaloxo'u uaini ngiaxu no anu tanixu. Ia loxo anu, la umalomaloxo'a no anu la'ia toxoxu noxou Mosinge e U'uli'uli.
Mixolu so i'otoxa'a ia anu oli'a ta'amiou mikasi'a mi vova ilou polopeti kalavoi. Polopeti kalavoi ne anu mosou e mu'oxonu sosovo so xavi no iou mi vova olele. Laso no anu vote'i anene la mu'oxo loloxa'a tamitema so mino'u sosovo noxou mi vova mo mi'itinu mi e musaxi loxo anu. Mikasi'a ilou xe imamaulisio ia misu'ane'i milu'elai no anu taxa e navu ilou lavo'o axexaxu u'ani'ani no anu.
Ia noxi'a ane'i ane i'umolu vaikala manina mo ilopala uasi xe noxi'a ane'i ane i'oxonu mimi ane masua no iou Mosinge xe ive'ave'a tamitema isoisoli xe ilai no anu ilixo nuni'u olele xe i'oxonu ta'uluxu masua xe i'itinu momosi'a kalavoi xe i'oxo loloxa'a tamitema, ane'i mukalusi ilai no anu tualasi'a mulovosi. Xo ane'i ne ixalisou soli tameisou no anu taxa toxoxu e navu ilou lavo'o axexaxu u'ani'ani no anu.”
ကြော်ငြာတွေ