Mupala'a 13:8 - Ata New Testament

⁸ La tatemanu lialia i'itinu ualasou mi vova ne. Ane'i e i'itinu ne, ane'i ualasi'a uxolu no anu lavuku so mauli noxou Sipisipi Ilie uasi. Anu ane mivau mo musoli tatei. Ualauala e no anu lavuku so mauli ne Mosinge mukaukavunu mi ne ukoinu lialia uao.

Mupala'a 13:8 ပူးပေါင်းရင်းမြစ်များ

Matiu 25:34

Laso anu kingi uvikalane'i ane'i ane no avolu tema lexe, 'Ngingi ane Mamilo mulosinge xoluxolu laixe, ngane'e 'o. Ngane'e mo ngaxolu so eni melo akingi noxinge mo a'uli laxungengi. Xo mi ne mulalaxisinge tatei no voxo loxo Mosinge mukoinu lialia.

Luku 10:20

Ia mi e ngelemolu lexe ta'angelo tamasua ilomu­ngenge ne, anu mi so nga'osasou malaxo to uasi. Mi e so nga'osasou manina ane so ualasinge a mukaukavu no tualasou Mosinge.

Tioni 1:29

Xe no voxo loxo nei'ela la Tioni mumaisou Iesua a umuamua'i une'e noxou la Tioni muvikala lexe, “Ngamalei, anene Sipisipi Ilie noxou Mosinge ane! Anu mosou e so uxexenu susu noxi'a tatemanu lialia.

Epesusi 1:4

Xo no voxo loxo Mosinge ukoinu mimi no lialia uao, la anu musosovosinge noxou Kalaisiti mukalu. Musosovosinge lexe nenge taxolu tamalemalenga mo talapusi no iou.

Pilipai 4:3

La nini ane vaitamixeli manina no anu xaixai, eni alinga noxine so nasu'uline'i tasema tamei no anu tu'umaxu noxi'a ne. Xo ane'i ilou miva'isuleli no anu xaixai so alanu vaikala laixe. Xe Kilemeni oli'a tavaitamixeli mose'i mipita no anu xaixai kalumo. Ane'i ne ualasi'a uxolu ukaukavunu no anu lavuku so mauli.

Taitusi 1:2

Mo asu'uline'i so ixolu ilopalanu mauli kaluxu uasi ane Mosinge muvavalimasou tatei loxo mi vile uxali uao. Xo loxo telavu, anu ukalavoi uasi ane.

Mupala'a 12:15

La sineke anu loxo mu'exinu lexa toxoxu so usiali mo umuline sema so upuatinixie imamulo avile.

Mupala'a 13:12

Mi vova tameisou 'o muxolu no iou anu ane tei so loxo u'oxonu mi ma'ia la uno'u xavi noxou. La anu mupamuxane'i tatemanu lialia so i'itinu ualasou mi vova ane tei. Anu e mito'omolu la umomomo no anu soli ia mumauli mo tanixu muvesasi.

Mupala'a 17:8

Aloxo 'o. Mi vova e nemaisou mukalu, tei anu muxolu ia vaimomo 'o uxolula uasi. Ia anu a so utelo ula no taxa e ulu'elai avile. Utelo ukalu la ulai uxalisou mamulosi. La tamitema no lialia mukalusi ikulukemolu mi vova xo imaisou muxolu tei xe uxolu vaimomo 'o uasi ia ili'i uxolula. Tamitema anene Mosinge ukauka­vunu ualasi'a uasi no anu lavuku so mauli mi ne ukoinu lialia uao.

Mupala'a 21:27

Ia mi ane malemalenga uasi xe tamitema ane i'oxonu ili'ilixo ane loxo tuma'u masua noxou Mosinge xe vaikala kalavoi la umomomo uasi manina so u'unalai ne. Ane'isi ane ualasi'a uai no anu lavuku so mauli noxou Sipisipi Ilie la ixolu no taoni ne, evilela uasi.

Mupala'a 3:10

Ia loxo ngingi la vaikalaxeli muxolu no alaiengi laso tu'utu'u­maxu muxalisinge ia pakia'ingesi. Laso eni a'oxonu latolosinge no anu voxo so tovotovo ane so uxali. Eni apilixinu tu'umaxu no lialia muka­lusi so atovone'i tatemanu, ia ngingi la uxalisinge uasi.

Mupala'a 3:20

Ngalomu. Eni atulu no aitenga mo apolopolo. Loxo itema ulo­muxu vaikalaxeli mo ukisinu aitenga laso ane. Eni a'una so nexi noxou taxolu mo ta'ani.

Mupala'a 3:5

Ane'i tamitema so iua'uli ne eni asu'asi'a no anu lavuluti kea ne. Mo umomomo uasi manina so axexenu ualasi'a no anu lavuku so mauli. Axexenu uasi, alemolu no laxunu Mamilo xe no laxune'i ta'angelou.

Mupala'a 5:12

Sila ane'i mukalusi mipatanu anaxa'a mo mivikala tatila lexe, “Sipisipi Ilie e mivau musoli a. Anu anusisi laixe umomomo so tavika­lasou laixe. Anu u'uli laxunu mimi mukalusi mo mimiou mulolutusi mo lavulavu noxou mutoxoxa'a mo anu mosou xavi. Laso nenge tavikalasou ili'ilixo noxou laixe mo ta'itinu ualasou mo ta'osa'ilasou misevile.”

Mupala'a 5:13

Mo kalumo elomusi'a tamimi mukalusi ane Mosinge mukoinu mipitanu anaxa'a. Tamimi e no tualasou Mosinge xe no lialia xe no laxu lialia xe no luaki. Mipitanu anaxa'a la mivikala aloxo 'o, “Anu ane utalupexa no anu sia kingi ilou Sipisipi Ilie a. Ta'osa'ilasi'a misevile mo tavika­lasou ili'ilixo noxi'a laixe mo ta'itinu ualasi'a xo ane'i ixolu i'uli laxunenge ulai ulai kaluxu uasi.”

Mupala'a 6:1

Ioxe, emaleila la Sipisipi Ilie mulokenu sosovo vile e muteinoxu lavuku ane mutetelisou ne. La elomusou vile noxi'a tamimi tami'a muvikala lexe, “Nane'e 'o.” La xolinu loxo lele'e upau 'o.