Mupala'a 13:7 - Ata New Testament

⁷ Xe Mosinge mu'italonu kalumo so u'otoxa'a tamitemaou Mosinge mu'isalili no lialia la muua'ulixa'a. La anu muno'u xavi so mu'uli laxune'i lailaili mukalusi xe vasime'a iouiou xe vaikalai'a vilevilesi xe tatemanu tuatuala mukalusi.

Mupala'a 13:7 ပူးပေါင်းရင်းမြစ်များ

Luku 4:6

La Uluaou muvikalanu lexe, “Namaisou xale tuatuala lailaixe 'o, eni alosine xo anu mukalusi uxolu no avolo so apilixinu noxo ei no anu masaxa na'a xeli.

Tioni 19:11

La Iesua mulivuxu lexe, “Xavi e uxolu noxine ne anu molu teitexi no tualasou Mosingesi. Loxo Mosinge upilixinu xavi anene noxine uasi la nini vote'i so na'oxo mi vile noxilo uasisi. Laso maixene susu noxou anu e mupilixileli no avone, la uua'ulixu ane noxine 'o.”

Mupala'a 10:11

La xoli muvikalaleli aloxo 'ola, “Avikalaneni lamana aloxo 'o. Nini nalanu vaikala so pela'a noxi'a lailaili latala xe noxi'a tatemanu tuatuala xe noxi'a tamitema so vaikala vilevilesi xe noxi'a takingii'a kalumo.”

Mupala'a 11:18

Tami­tema so isivoxo no tuatuala la'iaxa'a ia vaimomo 'o la'ia noxine u'oki mo upala'asi. Xo tamitema loxo misoi­soli la voxosi'a so natilo­vosi'a no anu lakoti a muxali 'oe. Ia loxo tamitema so xaixai noxine e tapolopeti xe tamite­mameni u'isalili xe ane'i ta'ei imama'u mo ilu'ene'i noxine, loxo tamitema vitanisi o tatiatila, la voxo so nalosi'a lakolisou lailaixe a muxali kalumo. Ia noxi'a tami­tema so mamulo la nini namamu­lone'isi.”

Mupala'a 11:7

Ioxe, ilou ixolu ilanu vaikalaou Mosinge xo xe ukalui laso ane. Mi vova molu no taxa e ulu'elai avile olele utelo so u'otoxa'a. U'otoxa'a xola uua'ulixa'a mo uve'a ilou isoli.

Mupala'a 12:17

Mukalu la sineke la'iaxuie sema laso mulai so u'otoxa'a ta'ilie se'ila. Ane'i ane ilavusou ilomuxu lo noxou Mosinge xe ikasou vaikalasou Iesua lexe maninasou.

Mupala'a 17:15

La muvikalaleli aloxo 'ola, “Lexalexa e nemaisie sema so vote'i italupexa no anu ne usoso­vosi'a lailaili mukalusi xe tatemanu tuatuala xe vasime'a iouiou xe vaikalai'a vilevilesi.

Mupala'a 5:9

Mitangatuluou la milexenu lexe alavua aloxo 'o, “Nini nalaixe umomomo so nano'u lavuku mo nalokenu sosovo e mutei no anu. Xo ane'i mivene nesoli so sialuxene mulotone'i tamitema milivulivu noxou Mosinge. Tamitema no anu lailaili latala xe vaikalai'a vilevilesi xe vasime'a iouiou xe no xale tuatuala mukalusi.