Mupala'a 13:6 - Ata New Testament

⁶ La vaikala so pupui mula no anaxu mo muvikala masuaou vaikalaou Mosinge xe tasou xe tamitemaou ane ixolu no tualasou lailaixe.

Mupala'a 13:6 ပူးပေါင်းရင်းမြစ်များ

Matiu 12:34

Ngingi loxo tasineke tamasua ane lamalasini masua uxolu no anaxa'a to! Ngingi tamitema so sususi laso vote'i so ngalemolu vaikala laixe axova? Xo mi ma'ia uana'ananixu itema oponu la ula no anaxusi ane.

Matiu 15:19

Xo mimi masua ano'o molu noxou itema oponu mo ula. Mi loxo xavutala masua xe tamitema ive'a tamenexi'a xe ixola'u taula'i xe ilixo nuni'u xe pakali xe ikalavoisi'a tamenexi'a no lakoti xe ipupui.

Tioni 1:14

Anu Vaikala ne muxolu itema no anu vasimolu, mo mune'e muxolu no tainexi. La temaisou xoluxolu noxou lailaixe mo xaviou misevile la mupala'a lexe anu Olu e vilesisi anu molu noxou Mami­nge. Anu mosou iaiama ilou vaikala anu temanu manina.

Lomu 3:13

La no anu latilovo vile lexe anaxa'a tuma'u masua loxo lulu ua'a'a. Xo anaxa'a uana'ana no anu kalakalavoi so imasuane'i tamenexi'asi. Xe no anu latilovo vile lexe lamalasini masua uxolu no anaxa'a loxo sineke masua.

Kolosi 1:19

Xo Momu mu'osa manina so temanu xoluxoluxu loloni uxolu uana'ana noxou Olu ne.

Kolosi 2:9

Ia loxo Kalaisiti, anu muxali itema aloxo nenge 'o, io temanu xoluxoluxu Mosinge loloni a uxolu noxou.

Ipilu 9:2

Tasou ne milalaxinu no anu laseli aloxo 'o. Nonano la ngiou ane noale la tanixu lalamo xe latevolo xe pileti mimulaxu ne so uai no iou Mosinge. Ngiou ne talemolu lexe ngiou noxou Mosinge.

Ipilu 9:24

Xo Kalaisiti u'unalai uasi no anu tasou Mosinge e muxali no avo'a tamitema so loxo pikisasi. Uasi to! Mu'unalai no anu ane maninasou no tualasou Mosinge mo a uxoxolu no iou Mosinge so usosovosinge noxou.

Mupala'a 11:12

Ilou imauli, laso ilomusou xoli tatila molu no tualasou Mosinge aloxo 'o, “Ngilou ngatelo 'o.” Laso tauluai'a a isaxisi'a itelai i'una no sauma so ilai no tualasou Mosinge.

Mupala'a 12:12

Laso ngingi tatemanu tualasou Mosinge nga'o­sailasi. Ia ngingi tatemanu lialia ilou luaki la ngalaxa'ingengi xo Uluaou a mulu'e noxinge ne. Mulu'e ne la la'iaxu misevile xo ulavu lexe voxosou ataxusi.”

Mupala'a 15:5

Xe mukalu la emaisou tasou Mosinge laseli a muxolu mukisi no tualasou lailaixe. Tani laseli ne Mosinge mupala'anixu masaxa noxou no anu tatei.

Mupala'a 18:20

Ane'i tamitema mitamasou Vaviloni axone ia loxo ngingi no tualasou Mosinge xe tamitemaou u'isalili xe ta'aposeli xe tapolopeti, ngingi nga'osa'ilasi. Xo Mosinge mutilovosou mi ma'ia mi'oxonu noxinge la a mukolinu 'oe.”

Mupala'a 21:3

Mukalu la elomusou xoli molu no sia kingi muvikala tatila aloxo 'o, “Ngamalei, tasou Mosinge a uxoxolu noxi'a tamitema mo so anu utalupexa no taine'i. Laso ane'i ixolu tamitemaou mo anu Mosinge molu a uxolu noxi'a.

Mupala'a 4:1

Ioxe, mune'e xe esaxila, sila emaisou aitenga mukisi no loxo­tolo. La xoli utama loxo piuka e elomusou tei muvikalaleli mulu'e aloxo 'o. “Nini natelo 'o mo so apela'inexu mimi so uxali ili'i.”

Mupala'a 4:4

La sia 24 muxixaosou sia kingi ne. Mo emaisi'a tatiatila 24 a mitaluta­lupexa no anu. Ane'i mitalupexa la lavulutii'a kea veveni xe no kisi'a la ati koli a loxo takingi ilavusou itanu.

Mupala'a 5:13

Mo kalumo elomusi'a tamimi mukalusi ane Mosinge mukoinu mipitanu anaxa'a. Tamimi e no tualasou Mosinge xe no lialia xe no laxu lialia xe no luaki. Mipitanu anaxa'a la mivikala aloxo 'o, “Anu ane utalupexa no anu sia kingi ilou Sipisipi Ilie a. Ta'osa'ilasi'a misevile mo tavika­lasou ili'ilixo noxi'a laixe mo ta'itinu ualasi'a xo ane'i ixolu i'uli laxunenge ulai ulai kaluxu uasi.”

Mupala'a 7:15

Laso maixene ane'i itulu no laxunu sia kingi noxou Mosinge. La aso mo olovoxo ane'i ixolu i'oxonu xaixai noxou no anu tasou. Mo Mosinge uxolu no anu sia kingi noxou alai noxi'a axone so usaxila'a.

Mupala'a 7:9

Ioxe, mukalu xe emaleila la emaisi'a tamitema tavu'alo e tavu'alo, ta'itisi'a uasisi. Tamitema ne so xale tuatuala mukalusi xe no anu lailaili latala xe vaikalai'a vilevilesi xe vasime'a iouiou. Ane'i mukalusi mitulu no laxunu sia kingi mo no laxunu Sipisipi Ilie. Xe no vasime'a la lavuluti kea veveni mukalusi. Xe no avo'a la mitetelisou mi loxo xolou voloxu 'o.