Mupala'a 13:16 - Ata New Testament

¹⁶ Ioxe, mi vova tameisou muvi­kala lexe ane'i imulaxu sosovo no anu avo'avo'a tema xe no ala'alaie'i tamitema mukalusi. Tamitema loxo vitavitanisi o ane'i loxo ualaualasi'a xe ane'i loxo lamolii'a o ane'i loxo uasi xe ane'i ixolu lalavulusi o tasilevi, ane'i mukalusi mixalisou sosovo ne.

Mupala'a 13:16 ပူးပေါင်းရင်းမြစ်များ

Ta'aposeli 26:22

Ia Mosinge musu'ulileli la exolu laixe mo a muxali vaimomo 'o. Laso atutulu 'o mo avikalangengi tatiatila xe tamitema vitanisi. Avikalangengi lamana lexe amulinu xavutala na'a xeli uasi, amulinu vaikalai'a tapolopeti xe Mosisi e milemolu tatei u'isalili.

1 Kolini 12:13

Xo Ulenu Laixe e vilesisi ne, muke­leninenge mupitanenge vilesisi so texali vasimolu Kalaisiti. Loxo nenge Taiuta xe Takiliki xe tami­tema so xaixai vitanisi xe nenge ane taxolu lalavulusi, nenge muka­lusi ne tepita no anu vasimolu. Mo nenge mukalusi loxo teie no anu Ulenu vilesisi ne xo anu a uxolu noxinge mukalusi.

Xalesia 3:28

Ngexolu noxou axone laso no iou Mosinge la ngingi loxo Taiuta xe Takiliki o tasilevi xe tamitema ixolu lalavulusi o tamulu xe tasemamo uasi. Mi vile ukalipalangengi axone la uasi, xo ngingi ngaxolu vilesisi noxou Kalaisiti Iesua.

Xalesia 6:17

La eni amasaxau lexe tamitema ilosilo tu'umaxu no anu vaikala aloxo 'ola uasi. Xo tamitema mimasualeli mo lamalamakisou a uxolu no vasimelo so umaxa'u lexe eni amitema so xaixai noxou Kalaisiti manina.

Epesusi 6:8

Mo ngalavu lexe mi ma'ia laixe nenge ta'oxonu la Tatananenge molu ulosinge lakolisou. Anu u'oxo axone noxi'a ane'i ane i'oxonu xaixai noxou itema vile xe ane'i ane me'a ixaxai noxi'asi.

Kolosi 3:11

Nenge mukalusi texali ta'ala­vua laso mi vile so ukali­palanengela uasi. Nenge taxavutalanenge lexe nenge se'i Takiliki xe Taiuta o ane'i so sosovo xe ane'i so sosovo uasi xe tokipelesi iouiou xe ane'i no anu lailaili o tasilevi xe ane'i ane ixolu lalavulusimo uasi. Mimi so ukalipalanenge axone la uasi xo nenge mukalusi taxolu noxou Kalaisiti mo anu a uxolu nonano noxinge mukalusi.

2 Timoti 3:8

Anu tatei la Tianesi ilou Tiamivilesi mixililiou Mosisi la anu axonesi noxi'a tamitema ano'o so ixililiou vaikala temanu anu manina. Tamitema ne xavutalai'a xalusousi mo ixolu va'axu avile no anu lopala na'a nenge.

Mupala'a 11:18

Tami­tema so isivoxo no tuatuala la'iaxa'a ia vaimomo 'o la'ia noxine u'oki mo upala'asi. Xo tamitema loxo misoi­soli la voxosi'a so natilo­vosi'a no anu lakoti a muxali 'oe. Ia loxo tamitema so xaixai noxine e tapolopeti xe tamite­mameni u'isalili xe ane'i ta'ei imama'u mo ilu'ene'i noxine, loxo tamitema vitanisi o tatiatila, la voxo so nalosi'a lakolisou lailaixe a muxali kalumo. Ia noxi'a tami­tema so mamulo la nini namamu­lone'isi.”

Mupala'a 15:2

Mo kalumo emaisou mi vile loxo luaki ia titilosi. La navu mu'ani'ani no anu. Xe emaisi'a tamitema latala a itutulu no pa'umolu luaki titilo ne mo itetelisou mi loxo kitakita noxou Mosinge. Ane'i tamitema anene miua'ulixu mi vova ilou mi e tamitema mixalixu so usaxi loxo anu xe navasou ualasou kalumo.

Mupala'a 19:18

Mo so nga'ou vasime'a takingi xe vasime'a tatiatilasi'a ta'ami xe vasime'a tamitema xavine'i xe vasime'a ta'osi oli'a tamosi'a e mitalupexa noxi'a. Ngingi nga'ou vasime'a tamitema mukalusi, ane'i loxo mixolu lalavulusi oli'a tasilevi xe tamitema vitanisi oli'a tatiatila.”

Mupala'a 19:20

Mixolu so i'otoxa'a ia anu oli'a ta'amiou mikasi'a mi vova ilou polopeti kalavoi. Polopeti kalavoi ne anu mosou e mu'oxonu sosovo so xavi no iou mi vova olele. Laso no anu vote'i anene la mu'oxo loloxa'a tamitema so mino'u sosovo noxou mi vova mo mi'itinu mi e musaxi loxo anu. Mikasi'a ilou xe imamaulisio ia misu'ane'i milu'elai no anu taxa e navu ilou lavo'o axexaxu u'ani'ani no anu.

Mupala'a 19:5

Xe xoli molu no anu sia kingi noxou Mosinge muvikala aloxo 'o, “Ngingi tamitema so xaixai noxou Mosinge, ngingi ane ngamama'u noxou, ngingi tamitema vitavi­tanisi o ngingi tatatila, ngingi mukalusi ne nga'itinu ualasou Mosingesi.”

Mupala'a 20:12

Mukalu la emaisi'a tamitema ane misoisoli mukalusi a mitulu no laxunu sia kingi. Ane'i tamitema tatiatila xe tamitema vitavitanisi a mitulu ne. La ane'i ta'angelo mixavulalanu lavulavuku ane ili'ilixone'i tami­tema muxolu mukaukavu no anu. Xe mixavulalanu lavuku so mauli kalumo. Mukalu la anu ane muta­lupexa no anu sia kingi muititi no anu lavulavuku ne so utilovosi'a tamitema no anu ili'ilixo mi ma'ia mi'oxonu.

Mupala'a 20:4

Xe emaleila la emaisou siasia tavu'alo a loxo sia kingi a muta'olu. La ane'i ane mitalupexa no anu la Mosinge mulosi'a xavi so itilo­vosi'a tamitema no lakoti. Xe tamitema ane taxilili mixotosou xolane'i xo no anu vaikala laixe so Iesua ilou Mosinge vaikalaou, la emaisou ule'ulene'i a uxolu ne. Mo tamitema ane i'itinu mi vova olele ilou mi ane musaxi loxo anu uasi mo ino'u sosovo noxou no alaie'i xe no avo'a uasi la mixolu ne kalumo. Ioxe, ane'i mukalusi ne, mixalisou mauli la mitulu mivei­sa'inu Kalaisiti no anu tanixu kingi mumomomo no anu tau ie 1000.

Mupala'a 6:15

La takingi so tuatuala no lialia xe taluluai xe tatiatila noxi'a ta'ami xe tamosou mimi xe tamitema xavine'i xe ane'i ane ixaxai loxo tasilevi xe tami­tema ane ixolu vitanisi, ane'i mukalusi mi'ume so italume no maia taxataxanu xe no anu lavolavo'o so la'olu tava'u.

Mupala'a 7:3

Mu'ava lexe, “Ngingi ngamamulonu lialia ilou luaki xe ovu ovu kolokolo uasi. Ngaxolu xo nexi tamulaxu sosovo noxou Mosinge no alaie'i tamitema so xaixaiou teio.”