Mupala'a 13:15 - Ata New Testament

¹⁵ La Mosinge mu'italonu mi vova tameisou 'o so utausou mauli u'una no anu mi e tamitema mi'oxonu musaxi loxo mi vova ane tei. Mutausou mauli mu'una sila mi ne muvivikala. Xe tamitema loxo ilotu no anu mi e musaxi loxo mi vova uasi la anu xavinu so uve'ave'a isoisoli.

Mupala'a 13:15 ပူးပေါင်းရင်းမြစ်များ

Tiemisi 2:26

Laso ane, nenge telavu lexe itema vasimolu loxo ulenu uxolu no anu la uasi, la anu musoli ne. Mo anu axone kalumo no anu lopala, xo loxo lopala ane so uxalixu ilixosou laixe uasi, la mauli no anu uasisi.

Mupala'a 13:1

Ioxe, emalei la emaisou mi vova vile mupa no luaki. Anu kisou 7 xe komonu 10. La ati aini loxo noxi'a takingi 10 mumomoxu komokonu. Xe no kisokisou la ualauala. Ualauala ne so anu ulu'enu Mosinge ualasou mo uxililiou no anu.

Mupala'a 13:12

Mi vova tameisou 'o muxolu no iou anu ane tei so loxo u'oxonu mi ma'ia la uno'u xavi noxou. La anu mupamuxane'i tatemanu lialia so i'itinu ualasou mi vova ane tei. Anu e mito'omolu la umomomo no anu soli ia mumauli mo tanixu muvesasi.

Mupala'a 13:14

Mosinge mu'italonu so u'oxonu sosovo so xavi axone no iou mi vova ane tei. Mo so axone la anu u'oxonu loloxa'a tatemanu lialia la mupalupalusi'a aloxo 'o. Mupalu­si'a lexe ane'i i'oxonu mi vile ane usaxi loxo mi vova ane tei so i'itinu ualasou. Mi vova e mito'omolu no anu laviso so oto ia mumauli mo tanixu muvesasi.

Mupala'a 14:11

Ane'i ane i'itinu mi vova ilou mi e usaxi loxo anu xe mino'u sosovo so ualasou ne ixolu itavulenu navunavu axonesi. La navu ane ixolu no anu ne umuxu utelai utelai xo mole ukalu uasisi.”

Mupala'a 14:9

Mukalu la angelo vilela mumu­line'i tatamei teila. La angelo tatalusi'a 'o muvikala aloxo 'o, “Ane'i ta'ei i'itinu ualasou mi vova ilou mi e musaxi loxo anu mo ino'u sosovosou no anu alaie'i xe no avo'a la ixalisou tu'umaxu aloxo 'o.

Mupala'a 16:2

Laso angelo ane tei mulai munixi'u lisi noxou mulu'elai no lialia. Munixi'u la muxalixu xalexalevi kole masua manina no vasime'a tamitema. Muxali noxi'a ane'i ane sosovo noxou mi vova uxolu noxi'a mo mi'itinu mi e musaxi loxo anu.

Mupala'a 16:5

Sila elomusou angelo e usaxila'u lexalexa muvikala aloxo 'o, “Mosixe, nini nexolu tei tei manina mo vaimomo 'o a naxo­xolusi. Ilixomeni mulapu mo malemalengasi. Nini netilovosi'a tamitema laso nekolinu aloxo 'o la ne'oxonu mulapusi.

Mupala'a 17:14

La ane'i i'otoxu Sipisipi Ilie. I'otoxu ia anu oli'a tamitemaou ane mu'avali'a xe musosovosi'a xe milopalanu ne, iua'ulixa'a. Iua'ulixa'a tauluaou Sipisipi Ilie xo anu Tila manina noxi'a tatiatila xe anu Kingi manina noxi'a takingi.”

Mupala'a 17:17

Ane'i i'oxo axone xo Mosinge molu upamu­xanu tane'i laso loxo ane'i, la i'oxo lexe imulinu masaxa noxi'asi. Ia no anu mi e i'oxonu ne Mosinge uxalixu masaxa noxoumo. Xe takingi ipilixinu xavi noxi'a ulai noxou mi vova olele la anene uxalixu nene'axu vaikalaou Mosingesi ane.

Mupala'a 17:6

La emaisie sema ne miiexu sialuxa'a tamitemaou Mosinge u'isalili xe sialuxa'a tamitema ane mia'aloxu Iesua. Emaisie lexe miie no anu la loxo misipaki. La talelilili manina.

Mupala'a 18:20

Ane'i tamitema mitamasou Vaviloni axone ia loxo ngingi no tualasou Mosinge xe tamitemaou u'isalili xe ta'aposeli xe tapolopeti, ngingi nga'osa'ilasi. Xo Mosinge mutilovosou mi ma'ia mi'oxonu noxinge la a mukolinu 'oe.”

Mupala'a 18:24

Xe Mosinge mukolinu susu no anu taoni ne xo anu mumaisou sialuxa'a tapolopeti xe sialuxa'a tamitemaou mu'isalili xe sialuxa'a tamitema ta'ei tauluai'a mive'a misosoli no lialia a muxolu ne Vaviloni ne.

Mupala'a 19:20

Mixolu so i'otoxa'a ia anu oli'a ta'amiou mikasi'a mi vova ilou polopeti kalavoi. Polopeti kalavoi ne anu mosou e mu'oxonu sosovo so xavi no iou mi vova olele. Laso no anu vote'i anene la mu'oxo loloxa'a tamitema so mino'u sosovo noxou mi vova mo mi'itinu mi e musaxi loxo anu. Mikasi'a ilou xe imamaulisio ia misu'ane'i milu'elai no anu taxa e navu ilou lavo'o axexaxu u'ani'ani no anu.

Mupala'a 20:4

Xe emaleila la emaisou siasia tavu'alo a loxo sia kingi a muta'olu. La ane'i ane mitalupexa no anu la Mosinge mulosi'a xavi so itilo­vosi'a tamitema no lakoti. Xe tamitema ane taxilili mixotosou xolane'i xo no anu vaikala laixe so Iesua ilou Mosinge vaikalaou, la emaisou ule'ulene'i a uxolu ne. Mo tamitema ane i'itinu mi vova olele ilou mi ane musaxi loxo anu uasi mo ino'u sosovo noxou no alaie'i xe no avo'a uasi la mixolu ne kalumo. Ioxe, ane'i mukalusi ne, mixalisou mauli la mitulu mivei­sa'inu Kalaisiti no anu tanixu kingi mumomomo no anu tau ie 1000.