Mupala'a 13:10 - Ata New Testament

¹⁰ Aloxo 'o. Loxo Mosinge usoso­vosou itema vile so ulai ukalavusu la anu ukalavusu ane. Xe loxo usosovosou itema vile so tamitema ivau no anu laviso so oto la ivau no anu laviso ka usoli ane. Laso loxo mi axone uxali la ngingi tamite­maou Mosinge mu'isalili ngatulu pumungenge mo ngalo­pala noxousi.

Mupala'a 13:10 ပူးပေါင်းရင်းမြစ်များ

Matiu 26:52

Ia Iesua muvika­lanu lexe, “Natanu laviso so oto noxine ulivu no tanixu. Xo tami­tema ta'ei ilopalanu laviso so i'oto no anu la ixalisou mamu­losi'a no anu laviso ane.

Matiu 7:2

Xo Mosinge utilovosinge no anu vote'i iou vilesisi aloxo nga'oxo noxi'a leviani ne. Mo lasixeli axova so ngalosi'a la lasixeli so lakolisou ulivu noxinge ili'i ne a iou vilesisi.

Luku 21:19

Laso ngatulu pumungenge mo so ngaxolu ngapamauli ane.”

Kolosi 1:11

Mo talinga kalumo lexe no anu xavi noxou lailaixe muto­xoxa'a la u'oxonu pakia'inge so loxo mi ma'ia uxali la ngatulu pumungenge mo opongengi uai se'isisi no anu. Xe nga'osa'osa so ngavikala laixe noxou Maminge. Xo anu molu muxalixinge laixe umomomo so ngaxalisou lavile­lusou mimiou. Mimiou ne musovosou lexe noxinge tamite­maou mu'isalili ane so taxolu no anu lamanaxusi.

Ipilu 6:12

La ngatotosa uasi. Ngauanexa'a talopala ta'ei ane mixolu pumuxa'a mo mixalisou nene'axu vavalima noxou Mosinge.

Mupala'a 1:9

Ioxe, eni avivinge Tioni a xo nenge nenge'a taxolu noxou Iesua. Taxolu noxou laso nenge so taxolu no voxo loxo Mosinge molu u'uli laxune'i tamitemaou. Laso maixene nenge tatavulenu tu'utu'umaxusou ia taxolu se'isisi so taxomaiou. Xo eni elanu vaikalaou Mosinge mo ea'aloxu Iesua laso ane'i mikusailo xe mipalusilo so axoxolu no anu ailani Patimosi 'o.

Mupala'a 11:18

Tami­tema so isivoxo no tuatuala la'iaxa'a ia vaimomo 'o la'ia noxine u'oki mo upala'asi. Xo tamitema loxo misoi­soli la voxosi'a so natilo­vosi'a no anu lakoti a muxali 'oe. Ia loxo tamitema so xaixai noxine e tapolopeti xe tamite­mameni u'isalili xe ane'i ta'ei imama'u mo ilu'ene'i noxine, loxo tamitema vitanisi o tatiatila, la voxo so nalosi'a lakolisou lailaixe a muxali kalumo. Ia noxi'a tami­tema so mamulo la nini namamu­lone'isi.”

Mupala'a 14:12

Ioxe, mimi axone uxali ili'i laso avikalangengi tamitemaou Mosinge u'isalili lexe ngaxolu pumu­ngengesi. Xo ngingi ne ngaxolu ngamulinu lo noxou Mosinge mo lopala noxinge a noxou Iesuasi.

Mupala'a 16:6

Xo ane'i tamitema ne mive'ave'a tamite­mameni mu'isalili oli'a tapolopeti. Mive'ave'a la sialuxa'a munixisi. Laso nexiunu lexaxa'a muxali sialu so iiexu la nekoline'i mulovo xo tava'u noxi'asi.”

Mupala'a 17:11

Xe noxou mi vova ane muxolu tei ia vaimomo 'o uxolu uasi la anu vile noxi'a takingi 7 ne. Anu vile noxi'a xe ili'i la uxali 8-sia kalumo, ia anu so uxalisou mamulo ane.

Mupala'a 17:8

Aloxo 'o. Mi vova e nemaisou mukalu, tei anu muxolu ia vaimomo 'o uxolula uasi. Ia anu a so utelo ula no taxa e ulu'elai avile. Utelo ukalu la ulai uxalisou mamulosi. La tamitema no lialia mukalusi ikulukemolu mi vova xo imaisou muxolu tei xe uxolu vaimomo 'o uasi ia ili'i uxolula. Tamitema anene Mosinge ukauka­vunu ualasi'a uasi no anu lavuku so mauli mi ne ukoinu lialia uao.

Mupala'a 2:19

Eni elavu­sou ili'ilixo noxinge lexe ngingi ngasexelaxa'a tamenexinge mo ngalopalalelisi. Mo xavingengiou xaixai so ngasu'ulingengi ngato'o mo loxo tu'umaxu muxalisinge la ngetulu pumungengesi. Mo elavusou ilixo laixe nge'oxonu a uleleme.

Mupala'a 2:2

No anu mi ma'ia nga'oxonu la elavusou mukalu. Elavu lexe nga'oxonu xaixai ialuxu mo ngatulu pakia'inge. Mo opongengi u'oasi'a tamitema tamasua uasi. Xe ane'i mose'i ane mi'oxo lexe ane'i ta'aposeli kalumo la ngetilovosi'a lexe ane'i mikalavoisi ane.

Mupala'a 3:10

Ia loxo ngingi la vaikalaxeli muxolu no alaiengi laso tu'utu'u­maxu muxalisinge ia pakia'ingesi. Laso eni a'oxonu latolosinge no anu voxo so tovotovo ane so uxali. Eni apilixinu tu'umaxu no lialia muka­lusi so atovone'i tatemanu, ia ngingi la uxalisinge uasi.

Mupala'a 3:3

Xe vaikala laixe nge'osasou mo ngelomuxu mala'o la tangengioula. Ngaxiunu opongengi so susu noxinge mo nga'isalilinoxu no anu vaikala anenela. Xo loxo ngatulu no anu ai ne uasi la eni ane'e akulukengengi a loxo itema so pakali. La ngala­vusou voxosilo uasi ane, axali noxingesi.