Mupala'a 12:9 - Ata New Testament

⁹ Laso mikusaou mi loxo sineke tatila ne. Anu ane talemolu lexe Uluaou. Anu muxolu tatei mune'e avile vaimomo 'o xe anu mosou so u'oxo loloxa'a tatemanu lialia mukalusi. Miku­saou no tualasou Mosinge la oli'a ta'angelou.

Mupala'a 12:9 ပူးပေါင်းရင်းမြစ်များ

Matiu 13:39

Xe itema uluaou ane mupeinu laxalasi masua sesenu no xai ne a Mosinge Uluaou. Xe voxo so mi'elesou uiti lingamo ne a kaluxusou lialia. Xe tamitema so mi'elesou ne a ta'angelo talaixe 'osi.

Matiu 24:24

Xo tamitema se'i ixali la ikalavoi lexe ane'i Kalaisiti xe se'i lexe ane'i tapolopeti. La ane'i ixalixu sosovo so xavi iouiou mo i'oxonu mimi ane tamitema tane'ilili no anu. Xo ane'i imasaxau ilapune'i mo ixovulaulaunixi'a tamitema, mole loxo vote'i la i'oxonu kalumo noxi'a ane'i ane Mosinge musoso­vosi'a lexe tanoxou.

Matiu 25:41

Ioxe mukalu la kingi uvikalane'i laili ane no avolu kaisi lexe, 'Ngingi ane so ngaxalisou mamulo, ngaxexe noxilo mo ngalai no navu so mamulo e u'ani'ani kaluxu uasi. Navu so mamulo anene mulalaxisi'a Uluaou oli'a ta'angelou.

Matiu 4:1

Xe ili'i la Ulenu Laixe mulaixu Iesua no xale lia esiesi so Uluaou utovonu.

Matiu 4:10

La Iesua mukolinu lexe, “Uluaou, Nalai! Xo Mosinge vaikalaou lexe, 'Naitinu Mosinge anu Tatananeni ualasousi, mo nalomuxu anusisi.'”

Matiu 4:5

Xe mune'e la Uluaou mutelaixu no taoni noxou Mosinge e Ielusalemo la mutulusou teitexi e teitexi no latanu Mosinge Tasou.

Matiu 4:8

Xe ili'ila la Uluaou muno'u Iesua mutelaixu no la'olu vile teitexi e teitexi. Mukalu la mulo­soiouxu xalexale lia noxi'a takingi mo tatemanu lialia muka­lusi. Mumai­sou lexe mulolutu mo lailaixe.

Luku 10:18

La Iesua muvi­kalane'i lexe, “Eni emaisou Uluaou mulapau no tualasou Mosinge mupisikei mulu'e loxo lele'e mupau.

Luku 13:16

Ngingi ngasu'uline'i tami vitanisi mo ane. Ia sema ano'o, ne Apala'amu ilusunu. Mo Uluaou mukasie mumomomo no anu tau ie 18 'oe. Laso axova, anu laixe so alulusie no anu mi e musakine no Voxo so Ma'ila 'o uasi?”

Luku 22:3

La Uluaou mu'unalai noxou Iutasi e ilemolu lexe Isikalioti. Anu vile noxi'a tatisaipeli 12.

Luku 22:31

Xe ili'i la Iesua muvikala lexe, “Saimonio, Saimoni, nalomu. Uluaou mulinga lexe utovonu lopala noxine. Utovoneni la loxo itema umu'umunu uiti so sosou uxexe xe temanusi a uxolu.

Luku 8:12

Xe tamitema se'i la opone'i loxo lialia pakia'u no vote'isou xai ane uiti ngiaxu se'i mulapau no anu. Xo loxo ilomusou votovoto la vaikala uleme uasi xo Uluaou upalea une'e utokinu so uxexenu no opone'i mo so vote'i so ilopala mo ixalisou pamauli uasi.

Tioni 12:31

Anu voxo a muxali 'oe so Mosinge upilixinu vaikala so mamulusou susu noxi'a tatemanu lialia. Mo kalumo anu a voxo so anu ukusaou ane ane mu'uli laxunu lialia 'oe.

Tioni 14:30

Eni alemolu vaikala piena noxinge la uasi xo anu ane u'uli laxunu lialia anu a unene'e 'oe. Anu xaviou so u'oxonu mi vile noxilo to uasi.

Tioni 16:11

Xe ulamananixa'a no anu vaikalasou mamulo so susu xo anu ane u'uli laxunu lialia la uxolu no laxu vaikalasou mamulo ne mu­kalu.

Tioni 8:44

Ngingi tano­xou maminge to e Uluaou mo ngingi opongengi ututulu so nga'oxonu mimi ane maminge ne umasaxau. Musoko'u tei manina mune'e 'o la anu ulavusou uve'ave'a tamitema isoisoli. Anu muamua'i­xu no anu manina uasi xo manina uxolu noxou uasisi. Loxo anu ulemolu kalavoi la anene ula no anu temanu xoluxoluxu xo anu mosou kalavoi xe anu mami'a tamitema so kalavoisi.

Ta'aposeli 26:18

Apalusine nalai noxi'a so nalemolu vaikalaxeli manina mo so ie'i uka mo ixiunu tumali'a no anu isivoxo xe ine'e no anu lamana. Laso axone la xavi noxou Uluaou ne ukamakulune'i uasi, ane'i ivula mo ixolu no anu xavi noxou Mosinge. Mo tina'u so susu noxi'a uiasi la ane'i ixali tamitemaxeli u'isalili. Ane'i oli'a tamitema mukalusi ane ilopala noxilo.'”

Ta'aposeli 5:3

Mulosi'a la Pita muvikala aloxo 'o, “Ananaiasi, loxova so ne'italo­neni mo Uluaou mupamuxaneni? Mo nini ne'oxo lexe nakalavoinu Ulenu Laixe mo netalumeu lamoli pa'usou so lia.

Lomu 16:18

Xo ane'i anene tamitema so xaixai noxou Tatananenge Kalaisiti uasi. Ane'i imulinu masamasaxa no anu vasime'asi. Mo ane'i ilavusou ivikala laixe mo ixilisine'i ane'i ane itilovo laixe uasi.

Lomu 16:20

Xo anu voxo alaimanasi so Mosinge ukalusou xavinu Uluaou. Ukalasou mo anu Uluaou uxolu no langenge ane. Laixe, xo Mosinge u'oxonu xoluxolu noxinge lalavulusi mo iaiama noxou Tatananenge Iesua uxoxolu noxinge.

2 Kolini 11:14

Ia anu mi so takuluke no anu uasi xo Uluaou kalumo uxiunu so usaxi loxo angelo so lamana.

2 Kolini 11:3

Ia eni auali xo axavutalanu vote'i so sineke mu'oxo loloxe Ivi no anu kalakalavoi noxou. Xo mamu so mi vile ulapunu xavutalamengi axone kaio ngaxe­xesou xoluxolu malema­lenga so opongengi u'oxo­xu Kalaisitisi.

2 Kolini 12:7

Ioxe, mimi ane Mosinge muma­xa'uieli ne lailaixe manina misevile xe mane la a'itileli no anui. Laso Mosinge mu'italonu tu'umaxu vile so uxalisilo la loxo mi anaxu uxolu no vasimelo mo uto'otomolu. Mi ne molu noxou Uluaou ka mu'otu'otuleli mole vote'i so a'itileli uasi.

2 Kolini 2:11

E'oxo axone mo so vote'i noxou Uluaou so uua'ulinenge uasisi. Xo nenge ienge selevenuou lolo noxou uasi, anu upalasi noxinge ane.

2 Kolini 4:4

Xo ane'i ane ilopala uasi ne, mosou lialia 'o mutomunu xavutalai'a. Laso lamanaxu vaikala laixe so iaxu Kalaisiti ne isaxisou uasi. Kalaisiti anu pikisa so umaxa'u Mosinge noxinge ia ane'i, la itongonu uasi.

Epesusi 4:14

Xo tamolomolo ilavu­sou ilomuxa'a tamitema vitanisi. Ia nenge ta'oxo axone uasi, tatilovo laixe. Xo tamitema se'i masi ilalaxinu xavutalai'a so ixilisinenge mo i'oxo lolonenge. Laso loxo talomuxa'a vitanisi, la taxali loxo uaxa ane xasi ilou sivo upamupamuxanu vuluvulusi.

2 Tesalonaika 2:3

Mamu so ngapele masaxa noxou itema vile so ukalavoingengi. Xo ngalomu, voxo olele uxali vitanisi uasi. Taimu so tamitema ipupuiou vaikalaou Mosinge uxali xe mosou xilili upala'a teio. Anene uxalisou mamulo ili'i.

1 Timoti 2:14

Mo Uluaou u'oxo loloxu Atamu uasi, mu'oxo loloxe sema xe milomuxu, la misusu.

2 Timoti 3:13

Ia tami­tema tamasua xe ane'i ane so ikalavoi kaio itulu no anu tani­tanixa'a toxonesi, la isusu xo mole utila avilesi. Ane'i ikakalavoine'i leviani xe ane'i kalumo imalukusou kalakalavoi.

Ipilu 2:14

Ioxe, ta'olu ne ane'i tamitemasi ane, vasime'a vitanisi. Laso Iesua muxali a loxo ane'isi mo so ulai no anu soli. Mulai no anu soli mo so xavi noxou Uluaou so upalusi'a tamitema no anu soli, la Iesua mukalusou avile.

1 Pita 5:8

Ngingi ngaxolu xavutalamengi lamanasi mo ngalo laixe. Xo Uluaou Mosinge anu uluamengi kalumo, la anu loxo misoposi vova e laioni. Talaioni ixixao i'unga'unga so ikakamuline'i tami ma'ia so ii'a, la Uluaou anu axonesi xo uxixao ukakamuline'i tamitema so uma­mulone'i.

1 Tioni 5:19

Xe nenge talavu lexe nenge tanoxou Mosinge ia lialia oli'a tatemanu mukalusi uxolu no laxu xaviou mosou susu ne.

Iuti 1:9

Ane'i i'itine'i manina ane, xo tila manina noxi'a ta'angelou Mosinge e Maikeli ulemolu vaikala so upupuiou Uluaou to uasi. No voxo loxo Maikeli ilou Uluaou mipelesou anaxa'asou Mosisi vasimolu la Maikeli mumama'u so ulemolu mamulosou Uluaou. Anu muvikala noxou aloxo 'osi, “Tatananenge molu ulavixenexu vaikalameni ne.”

Mupala'a 12:12

Laso ngingi tatemanu tualasou Mosinge nga'o­sailasi. Ia ngingi tatemanu lialia ilou luaki la ngalaxa'ingengi xo Uluaou a mulu'e noxinge ne. Mulu'e ne la la'iaxu misevile xo ulavu lexe voxosou ataxusi.”

Mupala'a 12:3

Ioxe, mi vile iou vilemo manina mupa no loxotolola. Mi ne, a loxo sineke toxoxu lauoinu. La kisou seveni xe komonu 10. La ati loxo noxi'a takingi mumomoxu kisokisou 7 ne.

Mupala'a 12:7

Ioxe, no tualasou Mosinge la oto tatila mu'avuti. Xo Maikeli oli'a ta'angelou mi'oto noxou mi loxo sineke tatila. La mi ne oli'a ta'angelou mikoline'i so mi'oto.

Mupala'a 12:8

Mikoline'i ia imomomo to uasi, la ane'i vote'i so ixolu no tualasou Mosingela uasi.

Mupala'a 13:14

Mosinge mu'italonu so u'oxonu sosovo so xavi axone no iou mi vova ane tei. Mo so axone la anu u'oxonu loloxa'a tatemanu lialia la mupalupalusi'a aloxo 'o. Mupalu­si'a lexe ane'i i'oxonu mi vile ane usaxi loxo mi vova ane tei so i'itinu ualasou. Mi vova e mito'omolu no anu laviso so oto ia mumauli mo tanixu muvesasi.

Mupala'a 16:14

Ta'ulenu ne ane'i ta'angelo tamasua ane ilavusou i'oxonu sosovo so xavi iouiou. Ane'i milailai mipitane'i takingi so xale tuatuala mo so ilalaxi no anu uo. Uo anene so voxo tatila noxou Mosinge e u'uli'uli avile.

Mupala'a 18:2

La mu'ava tatila lexe, “Taoni tatila ne Vaviloni mumamulo e mumamulosi. Mo a muxali tasi'a ta'angelo e tauluaou, a tanixa'a ta'ulenu tamasua e. Ane'i tangiala tamasua e ani'anixa'a nuni'usi tatatananu tatani ne.

Mupala'a 18:23

Mo lalamo kaxu uxali noxinela uasi. Xe tamitema ilomusou xoline'i mulu olie sema ane so itaula'i uxali noxinela uasi. Mimi noxine ne tasiaxu avile xo tamitema so lailoto noxine ne ane'i tatiatila manina no anu lialia mo nini ne'oxonu loloxa'a tatemanu xale tuatuala mukalusi.”

Mupala'a 19:20

Mixolu so i'otoxa'a ia anu oli'a ta'amiou mikasi'a mi vova ilou polopeti kalavoi. Polopeti kalavoi ne anu mosou e mu'oxonu sosovo so xavi no iou mi vova olele. Laso no anu vote'i anene la mu'oxo loloxa'a tamitema so mino'u sosovo noxou mi vova mo mi'itinu mi e musaxi loxo anu. Mikasi'a ilou xe imamaulisio ia misu'ane'i milu'elai no anu taxa e navu ilou lavo'o axexaxu u'ani'ani no anu.

Mupala'a 2:13

Eni elavu no anu tuala ane ngaxoxolu no anu lexe xavi noxou Uluaxeli u'okisi. La mala'o se'o tamitema mivau Anitipasi xo mulanu vaikalaxeli mo mulopala­­lelisi. Anu vile noxinge ia ngingi ngapilixinu ualasilo uasi, ngeka­makulunusi. Mo ngaxiunu tuma­lingeou lopala noxinge uasi, ngexolu pumungenge no anu tuala ane Uluaxeli ukasou ne.

Mupala'a 2:24

Ioxe, eni avikalangengi ngingi ta'ei so pita na Taiataila ane ngamulinu vaikalaie sema ne uasi. Mo ngaxolu va'axu no anu mi e ilemolu lexe, 'vaikala mu'asi'asi mo mutatalume noxou Uluaou'. Ngingi ne, eni vaikala vile tu'umaxu so apilixinu noxinge uasi.

Mupala'a 2:9

Eni elavu no anu tu'utu'umaxu ngatata­vulenu mo ngingi nga'oloxola no anu mimi so vasimenge. Ia ngepa­lava no anu mimi so ulengengi. Mo elavusou vaikalai'a tamitema ane ipupuienge. Ane'i ikalavoi lexe ane'i Taiuta, ia uasi, ane'i tatemanu pita noxou Uluaou ane.

Mupala'a 20:10

Ioxe, Uluaou u'oxo loloxa'a tamitema axone laso Mosinge usu'anu no anu taxa toxoxu ane navu ilou lavo'o axexaxu u'ani'ani no anu. Taxa e mi vova ilou polopeti kalavoi a ixolu no anu kalumo. La ane'i tatalu ne itavulenu navunavu no aso xe olovoxo ulai ulai xo mole kalu­xusou uasisi.

Mupala'a 20:8

Xe loxo ula la u'oxonu loloxa'a tatemanu xale tuatuala mukalusi. Tuatuala ne itotokalasou lexe Xoxu xe Maxoxu. La anu upitane'i so ilalaxisou i'oto no anu uo. Ane'i tavu'alo e tavu'alo aloxo io'iio'i no luaki 'o, tamomomo so ta'itisi'a uasisi.

Mupala'a 3:9

Ngalomu. Ane'i e tatemanu pita noxou Uluaou i'oxo lexe ane'i Taiuta. La uasi, ane'i ikalavoi ane. Laso ili'i eni ane'ene'i noxinge so itangatulu no tava'inge mo apela'a lexe eni asexelangenge misevile.

Mupala'a 9:1

Ioxe, angelo ta'uvesi'a mutaunu piuka noxou. La emaisou taoto ane mulapau no tualasou Mosinge mulu'e no lialia. La ane'i milosou lakisou taxa tatila ane mulu'elai avile mo taxalisou tava'u uasi.

Mupala'a 9:20

Ioxe, tu'utu'umaxu ne muma­mulone'i laili toxoxu e toxoxu. Ia ane'i loxo mixoxolusio ixiunu opone'i uasi no anu mimi masua loxo me'a mixalixu no avo'avo'a. Xo ane'i mi'itine'i ta'angelo tamasua. Mo mixalixu momosi'a kalavoi no anu koli xe siliva xe valasi. Mo mipuinu lavo'o ilou ovu so lexe momosi'a ia mi axone umauli so umalei o ulomu o umuamua'i uasi to!