Mupala'a 12:11 - Ata New Testament

¹¹ Mukusukusu'a tavivinge axone ia loxo manina la ane'i miua'ulixu lumamo no anu xavinu sialuxu Sipisipi Ilie. Xe miua'ulixu kalumo no anu vaikala laixe milanu. Milanu laso maulixa'a ne ixavu­talanu uasi, mi'italone'i umomomo no anu solisi.

Mupala'a 12:11 ပူးပေါင်းရင်းမြစ်များ

Luku 14:26

“Loxo itema une'e noxilo ia umatapiane'i momu xe nenu xe semau xe ta'olu xe tavimovimou mo mauli noxou kalumo uasi, la anu umomomo so uxali tisaipelixeli uasi.

Tioni 16:33

Eni elemolu vaivai­kala ano'o mo so noxilo la ngaxalisou xoluxolu lalavulusi. Xo no anu xoluxolungenge so lialia 'o la ngaxalisou tu'utu'umaxu, ia laixe so opongengi uxolu pumuxusi, xo xavi so lialia a eua'ulixu 'oe.”

Ta'aposeli 20:24

Ia eni opoleli lexe maulixo anu utiatila uasi, xo loxo tamitema ivelo la anu mi vitanisi. Eni a'oxonu latilovo aloxo 'o. Eni loxo alesisi, mo opoleli ututulu lexe axali avile no anu lamakisi. Lesisi ne, anu latilovosou xaixai noxou Mosinge. Mo eni opoleli ututulu lexe asivitanoxu xaixai ane Tatana­nenge mupilixinu noxilo e so alanu vaikala laixe so iaiama noxou Mosinge.

Ta'aposeli 21:13

Ia anu muvikala lexe, “Loxova so ngatatama mo nga'oxonu opoleli tu'umaxu aloxo 'o? Anu mi vile uasi loxo ane'i isakileli. Mo loxo asoli ne Ielusalemo xe soli noxilo u'itinu ualasou Iesua la anu mi vile uasi. Axone la eni a'osasi, opoleli mulalaxisi.”

Lomu 16:20

Xo anu voxo alaimanasi so Mosinge ukalusou xavinu Uluaou. Ukalasou mo anu Uluaou uxolu no langenge ane. Laixe, xo Mosinge u'oxonu xoluxolu noxinge lalavulusi mo iaiama noxou Tatananenge Iesua uxoxolu noxinge.

1 Kolini 15:57

Ia talemolu laixe noxou Mosinge xo nenge taxolu noxou Tatananenge Iesua Kalaisiti laso no anu vote'i anene nenge taua'ulixu soli ane.

1 Tioni 4:4

Ia loxo ngingi ta'alixeli moso 'o, ngingi tanoxou Mosingesi mo ngeua'ulixa'a tamitema so pela'a kalavoi ne xo Ulenu e uxolu noxinge la uua'ulixu ulenu so lialia.

1 Tioni 5:5

Ani, ena'eisi ane so uua'ulixu xavi no anu lialia? A itema e ulopala manina lexe Iesua anu Mosinge Olusi.

Mupala'a 1:2

Mo so vaikalaou Mosinge aneva elomusou xe mi ma'ia emaisou Iesua Kalaisiti mu'oxonu o mulemolu la aa'aloxu u'isalili.

Mupala'a 1:9

Ioxe, eni avivinge Tioni a xo nenge nenge'a taxolu noxou Iesua. Taxolu noxou laso nenge so taxolu no voxo loxo Mosinge molu u'uli laxune'i tamitemaou. Laso maixene nenge tatavulenu tu'utu'umaxusou ia taxolu se'isisi so taxomaiou. Xo eni elanu vaikalaou Mosinge mo ea'aloxu Iesua laso ane'i mikusailo xe mipalusilo so axoxolu no anu ailani Patimosi 'o.

Mupala'a 11:7

Ioxe, ilou ixolu ilanu vaikalaou Mosinge xo xe ukalui laso ane. Mi vova molu no taxa e ulu'elai avile olele utelo so u'otoxa'a. U'otoxa'a xola uua'ulixa'a mo uve'a ilou isoli.

Mupala'a 12:17

Mukalu la sineke la'iaxuie sema laso mulai so u'otoxa'a ta'ilie se'ila. Ane'i ane ilavusou ilomuxu lo noxou Mosinge xe ikasou vaikalasou Iesua lexe maninasou.

Mupala'a 19:10

Muvikalaleli mukalu sila eni elalusi no tava'u so atangatuluou. Ia anu muvikala lexe, “Ai, na'oxo axone mamu. Eni kalumo amitema so xaixai aloxo ngingi ngoli'a tavivine ane ngekamakulunu vaikala laixe so Iesua. Na'itileli uasi, na'itinu Mosingesi. Xo loxo telavu, vaikala laixe so Iesua ne anu u'avutinoxu ulene'i tamitema so ilanu vaikala so pela'a.”

Mupala'a 2:13

Eni elavu no anu tuala ane ngaxoxolu no anu lexe xavi noxou Uluaxeli u'okisi. La mala'o se'o tamitema mivau Anitipasi xo mulanu vaikalaxeli mo mulopala­­lelisi. Anu vile noxinge ia ngingi ngapilixinu ualasilo uasi, ngeka­makulunusi. Mo ngaxiunu tuma­lingeou lopala noxinge uasi, ngexolu pumungenge no anu tuala ane Uluaxeli ukasou ne.

Mupala'a 2:17

Anu ane, loxo itema sangalou la ulomuxu vaika­laou Ulenu Laixe anu upili­xinu noxinge no anu pitapita. Noxi'a tamitema ane so iua'uli la alosi'a la'ilali mana e uxolu utalume. Mo alosi'a lavo'o kea vilevilesi. No anu lavo'o vilevilesi ne akaukavunu ualaua­lasi'a mo ane'i tamosousi ilavusou, se'ila uasi.”

Mupala'a 2:26

Ioxe, noxi'a tamitema ane so iua'uli mo imulinu ili'ilixo noxilo ulai umomomo no anu kaluxusou lialia la a'oxo aloxo 'o. Eni alosi'a xavi so i'uli laxune'i tatemanu xale tuatuala mukalusi.

Mupala'a 2:7

Anu ane, loxo itema sangalou la ulomuxu vaikalaou Ulenu Laixe anu upilixinu noxinge no anu pitapita. Noxi'a tamitema ane so iua'uli, la apilixine'i so i'ani no anu ovu so mauli ane uxolu no xai noxou Mosinge no tualasou.”

Mupala'a 20:4

Xe emaleila la emaisou siasia tavu'alo a loxo sia kingi a muta'olu. La ane'i ane mitalupexa no anu la Mosinge mulosi'a xavi so itilo­vosi'a tamitema no lakoti. Xe tamitema ane taxilili mixotosou xolane'i xo no anu vaikala laixe so Iesua ilou Mosinge vaikalaou, la emaisou ule'ulene'i a uxolu ne. Mo tamitema ane i'itinu mi vova olele ilou mi ane musaxi loxo anu uasi mo ino'u sosovo noxou no alaie'i xe no avo'a uasi la mixolu ne kalumo. Ioxe, ane'i mukalusi ne, mixalisou mauli la mitulu mivei­sa'inu Kalaisiti no anu tanixu kingi mumomomo no anu tau ie 1000.

Mupala'a 3:12

Noxi'a tamitema ane iua'uli la atulusi'a pumuxa'a a loxo posipo­sixu tasou Mosinge. Mo ixolu se'isisi no anu avile, ixexela uasi. Xe kalumo la akaukavunu ualasou Mosinge noxi'a. Mo akaukavunu ualasou taoni noxou Mosinge. Taoni ne Ielusalemo alavua molu noxou Mosinge no tualasou teitexi ulu'e. Mo akaukavunu ualasilo alavua noxi'a kalumo.

Mupala'a 3:21

Noxi'a tamitema ane iua'uli la alaixi'a so noxi'a tatalupexa no sia kingi noxilo. Iou vilesisi aloxo eni eua'uli mo a noxou Mamilo tatalupexa no anu sia kingi noxou.

Mupala'a 3:5

Ane'i tamitema so iua'uli ne eni asu'asi'a no anu lavuluti kea ne. Mo umomomo uasi manina so axexenu ualasi'a no anu lavuku so mauli. Axexenu uasi, alemolu no laxunu Mamilo xe no laxune'i ta'angelou.

Mupala'a 6:9

Mukalu la Sipisipi Ilie mulokenu sosovo ta'uvesou e muteinoxu lavuku ne. Xe emalei loxo 'o sila no tava'u tanixu navu emaisou ulene'i ane'i ane tamitema mive'a­ve'axu vaikalaou Mosinge. Xo ane'i ne pakia'a so mitetelisou mo milanu vaikalou laso taxilili mive'axu.