Mupala'a 12:10 - Ata New Testament

¹⁰ Xe no tualasou Mosinge la elomusou xoli tatila muvikala aloxo 'o, “Vaimomo 'o pamauli mo xavi noxou Mosinge mupala'a avile. Xo ano'o voxo so Mosinge molu u'uli laxune'i tamitemaou. Xe Itema e musosovosou lexe Kalaisiti, xavi noxou mupala'a kalumo. Xo anu e kakau olovoxo mukusukusu'a tavivinge no anu lopala no iou Mosinge ne miua'ulixu mo mikusaou avile.

Mupala'a 12:10 ပူးပေါင်းရင်းမြစ်များ

Matiu 26:64

La Iesua mukolinu lexe, “A loxo nini mene nelemolu. Ia avikalangengi aloxo 'o. Ili'i la ngamaisou Itema ane molu noxou Mosinge uxolu no anu Mosinge anu Mosou Xavi avolu tema. Mo ili'i la ngamaisou une'e no anu sausauma no loxotolo.”

Matiu 28:18

Xe Iesua mune'e alai noxi'a la muvikalane'i lexe, “Mosinge mulosilo xavi so a'uli laxunu mimi mukalusi no lialia xe no tualasou.

Matiu 6:10

Mo voxo so nini mene na'uli laxune'i tami­temameni la laixe so une'e 'osi. Xe naxalixu nene'axu masaxa noxine no lialia 'o a loxo nalavusou naxalixu no tualasine lailaixe ne.

Luku 11:2

Laso anu muvikalane'i lexe, “Loxo ngaxolu ngavikala noxou Mosinge la ngavikala aloxo 'o, 'Mamixe, ualasine ukalipala uxolu malemalengasi. Mo voxo so nini mene na'uli laxune'i tamitemameni une'e 'osi.

Luku 22:31

Xe ili'i la Iesua muvikala lexe, “Saimonio, Saimoni, nalomu. Uluaou mulinga lexe utovonu lopala noxine. Utovoneni la loxo itema umu'umunu uiti so sosou uxexe xe temanusi a uxolu.

1 Kolini 5:4

Laso no anu ualasou Tata­nanenge Iesua la avikalangengi lexe ta'oxo aloxo 'o. Ngingi ngamitingi mo xavingengi no anu ualasou Tatana­nenge Iesua a loxo eni melo axolu no mitingi ne.

2 Kolini 12:9

Ia anu mukolileli lexe, “Iaiama noxilo umomomo noxine. Xo xavi noxilo uxali loloni avile noxou itema aneva upilixinu noxilo lexe pelesousi.” Muvika­laleli axone laso maixene eni a'osa so a'itinu mimi noxilo ane pelesilo no anu xo anene vote'i so xavi noxou Kalaisiti uxolu noxilo.

Taitusi 2:3

Xe noxi'a tasema tatiatila la axone kalumo. No anu ilixo noxi'a la ilu'ene'i mo imulinu masaxa noxou Mosingesi. Xe ixixaoxao so itunana uasi mo ipilixine'i so ixolu iie uaini utotomu uasi. Ixolu la opone'i ututulu so ipelototo no anu vaikala mulapusi.

1 Pita 5:8

Ngingi ngaxolu xavutalamengi lamanasi mo ngalo laixe. Xo Uluaou Mosinge anu uluamengi kalumo, la anu loxo misoposi vova e laioni. Talaioni ixixao i'unga'unga so ikakamuline'i tami ma'ia so ii'a, la Uluaou anu axonesi xo uxixao ukakamuline'i tamitema so uma­mulone'i.

Mupala'a 11:15

Ioxe, angelo 7-si'a mutaunu piuka noxou. La elomusou xolixoli no tualasou Mosinge muvikala aloxo 'o, “Tatananenge ilou Itema e musosovosou lexe Kalaisiti ne ane'isisi takingi, xo ilou mino'u tanixa'a takingi so lialia mukalusi. Ane'isi ixolu i'uli'uli avile kaluxu uasi.”

Mupala'a 2:26

Ioxe, noxi'a tamitema ane so iua'uli mo imulinu ili'ilixo noxilo ulai umomomo no anu kaluxusou lialia la a'oxo aloxo 'o. Eni alosi'a xavi so i'uli laxune'i tatemanu xale tuatuala mukalusi.

Mupala'a 7:10

La mipatanu anaxa'a so mi'ava tatila lexe, “Mosinge e uxoxolu no anu sia kingi noxou ilou Sipisipi ilie, ane'i ilousi tamosou pamauli.”