Mupala'a 12:1 - Ata New Testament

¹ Ioxe, mi vile iou vilemo manina mo so tanengelili no anu mupa no loxotolo. Mi ne aloxo 'o. Sema vile lavulutie no anu aso a mixoxolu. Xe so'io muai no tava'e laxu. Xe tataoto 12 muxixaosou kisie a loxo ati.

Mupala'a 12:1 ပူးပေါင်းရင်းမြစ်များ

Matiu 12:38

Xe ili'i la tamitema se'i so lavulavu no anu lavuloto oli'a Tapalisi mivikalanu Iesua lexe, “Tisa, nexi tamasaxau lexe nini na'oxonu sosovo so xavi vile so upala'anixene noxixe.”

Matiu 24:30

Mukalu la sosovosou Itema ane molu noxou Mosinge upa no loxotolo la tatemanu xale lialia mukalusi itatama. La ane'i imaisou Itema ane molu noxou Mosinge une'e no anu sausauma. La une'e no anu xavi mo iaxu tatila.

Maki 13:25

Mo loxotolo ukunikuni la tataoto ulapalapau ulu'e.

Luku 21:11

Mo no xalexale lia se'i la uni'uni tatila mo anene voxo so siki iouiou xe vitolo tatila kalumo. Xe no loxotolo la ngamaisou sosovo mutiatila iouiou mo mimi so umolo umengenge uxali.

Luku 21:25

La Iesua muvikala aloxo 'ola, “Mo kalumo no voxo anene sosovo se'i uxali no anu aso xe so'io xe tataoto. Xe noxi'a tatemanu lialia mukalusi la ixolu ilomusou xasi no luaki luluxu tatila la tane'ilili manina.

Tioni 3:29

Aloxo 'o. Loxo itema vile utaula'i la semau ne mulue a anu nesi. Xe loxo menexu la masi utulu va'axu sevile so ulomusou xolinu menexu e mutaula'i ne. Ulomusou xolinusi la u'osa'ilasou tatila. Laso maixene eni osa'ila noxilo mulolutu no anu vote'i anenesi.

Ta'aposeli 2:19

La eni alosoie'i tamitema mimi iou vilemo manina no loxotolo. Xe a'oxonu sosovo no anu xavileli no lia, sialu xe navu xe umuxu tatila.

Lomu 13:14

Nga'oxo axone uasi, nga'oxo aloxo 'o. Ngingi ngaxolu noxou Tatananenge Iesua Kalaisiti ane, laso opongengi ututulu no anu vaikalaou. Ngapili­xingengi no anu susu tava'u no vasimenge so ngamulinu masaxa no anu uasi.

Lomu 3:22

Vote'i anene aloxo 'o. Mosinge molu umoxo'inge tamalemalenga loxo talopala noxou Iesua Kalaisiti. Anene vote'isi'a tamitema latala, iou vilesisi.

2 Kolini 11:2

Mosinge u'oxo latolosi'a tamite­maou mo so mi vile ulapune'i ixexesou uasi. La anu axonesi noxilo xo eni esosovosinge lexe ngingi tanoxou Kalaisitisi. Eni loxo itema usaxane vuanga male­malenga ilai so itaula'ixu mulue.

Xalesia 3:27

Ngingi ane ngexalisou kelele so nge'una noxou Kalaisiti, la ngesu'asinge avile noxou aloxo itema usu'asou no anu lavalava.

Xalesia 4:26

Ia Ielusalemo ane vile e so tualasou Mosinge la uxolu lalavulusi. Anu so neninge ane.

Xalesia 6:14

Ia loxo noxilo la axamulinu lexe mamu so a'itinu ualasilo o mi vilela. Mi ane so a'itinu a ovu valautusou Tatananenge Iesua Kalaisitisi. Xo no anu soli noxou Kalaisiti la xavi no anu ili'ilixo so lialia musoli no anu vasimelo xe eni la esoli ekalipala no anu.

Epesusi 5:32

Ai, latilovo ano'o ne u'asi'asi musuku xo etokalasou Kalaisiti ilou pita noxou.

Mupala'a 1:20

Xo nemaisou tataoto 7 no avolo tema xe lalamo koli 7 a ututulu. Anu so latilovo mo laxu mutalume ia apala'anixu noxine aloxo 'o. Tataoto 7 ne anu soso­vosi'a ta'angelo 7 no anu pita 7 vilevilesi. Xe lalamo 7 ne anu usosovosou pita 7 ne.

Mupala'a 11:19

Ioxe, tatiatila mivikala axone mukalu laso aitengaxu tasou Mosinge no tualasou mukisi. Mukisi laso emaisou kesi so konitalaki muai ne. Emaisou la lele'e mulamilami mo mupaupau. Xe uni'uni mukunikuni mo uali loxo aisi mululu'e.

Mupala'a 12:3

Ioxe, mi vile iou vilemo manina mupa no loxotolola. Mi ne, a loxo sineke toxoxu lauoinu. La kisou seveni xe komonu 10. La ati loxo noxi'a takingi mumomoxu kisokisou 7 ne.

Mupala'a 15:1

Ioxe, emaisou mi vilela iou vilemo manina mo so tanengelili no anu mupa no loxotolo. Aloxo 'o. Ta'angelo 7 a mixoxolu la mitete­lisou mimi 7 ane so ulosi'a tamitema tu'utu'umaxu mo umamu­lone'i. Tu'umaxu anene uxali ukalu la mi vile axone uxali ili'ila uasi. Xo no anu mimi 7 ne la usivitanoxu la'ia noxou Mosinge avile.

Mupala'a 21:14

Xe no anu vimelusou taoni ne la lavo'o 12 a muta'olu no tava'u so pumuxu no anu. La no anu lavolavo'o ne ualaualasi'a ta'aposeli 12 noxou Sipisipi Ilie a mukaukavu no anu.

Mupala'a 21:23

Xe kalumo no taoni ne la tava'u so aso ilou so'io iiesou uasisi. Xo iaxu Mosinge a ulusou lamanaxu mo Sipisipi Ilie anu uxolu loxo lalamosou kalumo.