Mupala'a 11:8 - Ata New Testament

⁸ La vasime'a uta'olu vitanisi no loxomala no anu taoni tatila. Taoni ne tatotokalasou no anu uala vile lexe Sotomu xe vile lexe Isipi. Anu taoni e tatei mililixu Tatanane'i no ovu valautu so musoli.

Mupala'a 11:8 ပူးပေါင်းရင်းမြစ်များ

Matiu 10:15

Ia eni avikalangengi manina aloxo 'o. No anu voxo so Mosinge ukolinu susu olele la tu'umaxu ane uxalisi'a tatemanu taoni ne la uua'ulixu anene so uxalisi'a Tasotomu oli'a Taxomola.”

Ta'aposeli 9:4

Mi lamixu mutalosou Sauli ne xavinu musuku, laso anu mulapau. Mulapau sila mulomusou xolinu evile uvikalanu lexe, “Ai Sauli, loxova so nalosilo tu'umaxu?”

Ipilu 13:12

Xe noxou Iesua la mupilixinu vasimolu so sialuxu ula mo so uxalixa'a tamitema malemalenga. Mutavu­lenu navunavu axone, la noale no anu aitengaxu taoni kalumo.

Ipilu 6:6

Ioxe, loxo vaikala manina upalasi noxi'a tamitema axone ia ili'i ixiunu tumali'aou mo ixexesou la vote'i so ixiunu opone'ila uasi manina. Xo i'oxo axone la anu loxo ane'i me'a ililixu Mosinge Olu no ovu valautula mo ilosou maila no ie'i tamitema.

2 Pita 2:6

Mo axone kalumo noxi'a Tasotomu xe Taxomola. Xo Mosinge mumamulonu taoni tamei ne oli'a tatemanu no anu navu mole lomuloxusi a muxolu. Anu mu'oxo axone mo so loxo tamitema ta'ei ixililiou ili'ila la ino'u lavulavu no anu mi e muxalisi'a tatei ne.

Iuti 1:7

Mo aloxo tatemanu taoni ne Sotomu xe Xomola xe taotaoni no pa'ume'a. Ilixone'i iou vilesisi loxo ta'angelo to ne xo milaixu vasime'a no anu susu ane nuni'u mo iou vilemo manina. Laso Mosinge mumamulone'i no anu navu ane uxolu kaluxu uasi mo so ulosoie'i tamitema mukalusi lexe anene lakolisou ilixo axone.

Mupala'a 11:13

La no voxo anene kalumo uni'uni tatila uxali no taoni ne. Laso loxo takalipalanu uxali pa'usou 10, la pa'usou vile uma­mulo avile. Xe no anu uni'uni ne tamitema isoisoli navasi'a umo­momo no anu 7000. La ane'i loxo ixoxolusio imama'u laso i'itinu ualasou Mosinge e uxoxolu no tualasou lailaixe.

Mupala'a 11:9

Vasime'a uta'olu vitanisi axone umomomo no anu aso tatalu xe pa'usou ia tamitema opone'i mamalaxu so i'asixa'a uasi. Uta'olu ne la tami­tema vasime'a iouiou xe so xale tuatuala xe vaikalai'a vilevilesi xe no anu lailaili mukalusi isaxisou vasime'a ilou ne.

Mupala'a 14:20

La mimalo­maloxo'u no anu tanixu toxoxu noale no anu taoni. Mimaloxo'u mukalu la lexaxu musiali mula sila sialusi. La sialu mutapo mutelo mumomomo no anu aini isakinu no anaxa'a ta'osi mo musu'asou xale lia mumomomo no anu 300 kilomita.

Mupala'a 14:8

Mukalu la angelo vilela mumu­linu ane tei. La angelo tameisou 'o muvikala aloxo 'o, “Taoni tatila ne Vaviloni a umamulo 'oe. Anu mumasua xo anu muolexa'a tamitema so xale tuatuala muka­lusi mimulinu ili'ilixo nuni'u so taoni ne. Anu loxo miiexu uaini pakia'u so taoni ne mo misipaki no anu.”

Mupala'a 16:19

La taoni tatila ne Vaviloni mumamulo xe muvala muxali pa'usou tatalu mo taotaoni no anu xale tuatuala mumamulo kalumo. Xo Mosinge muxavutalanu ili'ilixo masua noxi'a tatemanu taoni ne Vaviloni la mukolinu. Mukolinu la mixa­mulinu la'ia noxou Mosinge toxoxu a loxo itema uxamulinu uaini no anaxu loxo uiexu.

Mupala'a 17:1

Ioxe, vile noxi'a ta'angelo 7 e mitetelisou lisi 7 mune'e muvika­laleli aloxo 'o, “Nane'e 'o mo alosoienixe tilasi'a tasema so vote'i a italupexa no lexalexa loxo'u xo ane a so ixalisou lakolisou ilixo noxie ne.

Mupala'a 17:18

Xe noxie sema e nemaisie la isosovosou taoni toxoxu e u'uli laxune'i takingi so lialia mukalusi.”

Mupala'a 17:5

Xe no alaiei la uala vile latilovo mo laxu uasi'asi muxolu. Kaukavu so uala ne aloxo 'o, “Taoni toxoxu ne Vaviloni. Neni'a tasema so vote'i mukalusi. Mosou ili'ilixo tuma'u masumasua no lialia.”

Mupala'a 18:10

Ane'i imaisi'a tate­manu taoni ne itavu­lenu tu'umaxu misevile la i'ume mo itulu nopaxa so isu'anu ie'iousi. La itama lexe, 'Iauo, iauo mala­menge Vavilonio. Taoni toxoxu mo xavinuo. Axovae, no anu aso iou vilesisi la nexalisou mamulosou ilixo noxinesi.'

Mupala'a 18:18

Itulu mo imaisou umuxu navu e u'elaxu taoni la mitama lexe, 'Taoni vilela toxoxu aloxo 'o a uxolu ne'ei? Uasi manina.'

Mupala'a 18:2

La mu'ava tatila lexe, “Taoni tatila ne Vaviloni mumamulo e mumamulosi. Mo a muxali tasi'a ta'angelo e tauluaou, a tanixa'a ta'ulenu tamasua e. Ane'i tangiala tamasua e ani'anixa'a nuni'usi tatatananu tatani ne.

Mupala'a 18:21

Ioxe, vaikala axone mukalu la angelo vile xavinu mu'itinu lavo'o alelaxu tatila. Lavo'o ne so imamulonu uiti ngiaxu no anu. Mu'itinu ka musu'anu mulu'elai no luaki. La muvikala aloxo 'o, “Ngamaisou e'okinu lavo'o 'o musu'asi. La no anu taoni toxoxu Vaviloni ne usu'a mo tasiauxu axonesi.

Mupala'a 18:24

Xe Mosinge mukolinu susu no anu taoni ne xo anu mumaisou sialuxa'a tapolopeti xe sialuxa'a tamitemaou mu'isalili xe sialuxa'a tamitema ta'ei tauluai'a mive'a misosoli no lialia a muxolu ne Vaviloni ne.