Mupala'a 10:5 - Ata New Testament

⁵ Ioxe, angelo e emaisou mutulu no anu luaki xe no lialia mutolosou avolu tema mulai teitexi loxo no tualasou Mosinge.

Mupala'a 10:5 ပူးပေါင်းရင်းမြစ်များ

Ta'aposeli 14:15

“Ai tami­temao, loxova so nga'oxonu mi ane xo ne? Nexi 'o nexi tami­temasi, nenge nenge'a ienge vilesisi. Nexi noxou tene'e so taa'alomengixu vaikala laixesi mo so ngapilixinu ili'ilixo vuluvulusi aloxo nga'oxonu 'o. Ngapilixinu mo ngaxiungengi noxou Mosinge ane anusisi a uxoxolusi. Anu Mosinge ane mu'oxonu loxotolo ilou lialia xe luaki oli'a tatemanu.

Ta'aposeli 17:23

Exixaoxao, la exali no tanixu so ngamaxa'u mama'u noxinge noxou mosinge vile. No anu tanixu ne eni emaisou kaukavu no anu lexe, 'Ano'o so mosinge ane talavusou uasi.' Ioxe, Mosinge ane nga'oxo lexe ngalavusou uasi, anusi ane apalasinoxu noxinge 'oe.

Lomu 1:20

Ilixo noxou mupala'a, musoko'u no anu mi ne mukoinu mimi mukalusi mo muxali vaimomo 'o. Mo aloxo ne, la anu mupala'anixu xavi kaluxu uasi noxou xe ili'ilixo noxou u'isalili. Laso tamitema saexa'a uxolasi xo mimi ane muxalixu a uxolu no ie'isi.

Ipilu 6:13

Ioxe, tatei loxo Mosinge muva­valima noxou Apala'amu la anu so ulemolu uala vile so usakinu vavalima ne lexe pakia'u. Ia ualasou evile utiatila noxou so ulemolu uasi laso anu musakinu no anu ualasoumo.

Mupala'a 1:18

Eni ane axoxolu amauli 'o. Eni esoli ia namaisou, eni axoxolu kaluxu uasi a. Xavi no anu soli mo tanixu soli a uxoxolu noxilo mo atetelisou lakisou.

Mupala'a 10:2

Xe kalumo mutetelisou lavuku sevile kitua muxavulala no avolu. Xe tava'u la mutulusou ane tema no luaki xe ane kaisi la mutulusou no lialia.

Mupala'a 14:7

Ioxe, xolinu tatila so mulanu vaikalaou aloxo 'o, “Voxosou Mosinge utilovosi'a tamitema no lakoti a muxali 'oe. Laso ngamama'u noxou Mosinge mo nga'itinu ualasou. Xe ngavi­kalasou ili'ilixou laixe xo anu mukoinu loxotolo ilou lialia mo luaki mo lexa luxuluxu.”

Mupala'a 16:17

La angelo 7-si'a munixi'u lisi noxou mulu'elai no loxotolosi. Munixi'u sila xoli tatila nonano no tasou Mosinge molu no sia kingi muvikala lexe, “Anu ane, mukalu.”

Mupala'a 4:11

“Nini Tatananexi mo nini Mosixe. Ninisisi nalaixe so tami­tema i'itinu ualasine mo ia'aloxu ilixo noxine laixe mo itoxu xavi noxine. Xo nini nekoinu mimi mukalusi, mo muxali no anu masaxa noxinemo.”

Mupala'a 4:9

Laso tamimi ne i'itinu ualasou mo itoxu mo imaxa'u osa'ilasou anu ane utalupexa no anu sia kingi ne. Anu ane uxolu kaluxu uasi.