Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Mupala'a 1:5 - Ata New Testament

5 Xe noxou Iesua Kalaisiti kalumo. Anu ua'aloxu vaikalaou Mosinge maninasi mo anu u'uli'uli noxi'a tamitema so itulu no anu soli mo anu tilasi'a takingi no lialia mukalusi. Mo kalumo anu musexelanenge mise­vile laso mulotonenge no anu sialuxu so mu'umenenge no anu susu noxinge.

အခန်းကိုကြည့်ပါ။ ကော်ပီ




Mupala'a 1:5
53 ပူးပေါင်းရင်းမြစ်များ  

Mo musolonu aloxo 'ola, “Itema ane molu noxou Mosinge anu kalumo une'e so tamitema i'oxonu xaixai­sou uasi. Anu une'e so u'oxonu xaixaisi'a tamitema. Mo une'e so ulotonu tina'uxa'a so susu no anu mauli noxou.”


Xe Iesua mune'e alai noxi'a la muvikalane'i lexe, “Mosinge mulosilo xavi so a'uli laxunu mimi mukalusi no lialia xe no tualasou.


Ioxe, voxo vile a uxolusi kaio lavilelu so Mualasi'a uxali. La Iesua mulavu lexe voxo so anu uxexesou lialia mo ulai noxou Maminge a muxali 'oe. Anu mu­sexelaxa'a tanoxou ane mixolu no lialia mo musexelaxa'a axonesi mumomomo avile no anu telexu xoluxolu noxou no lialia 'o.


Ano'o voto alavua so apilixinu noxinge aloxo 'o. Ngingi ngasexelangenge nga­to'o. Iou vilesisi aloxo eni esexelangengi la ngingi ngasexela­ngenge ngato'o axone.


Anu Mamilo usexelaxo misevile la anu axonesi eni asexelangenge ne. Laso ngingi, la ngaxolu ngatalupexa avile no anu sexelasinge noxilo ne.


Ka Pailati mutali'isoula lexe, “Laso anu manina lexe nini nakingi, ne?” La Iesua muvikalanu lexe, “Nini mene nelemolumo lexe eni akingi. Tava'u so evo'o exali no lialia a so apalapala'anixu vaikala anu temanu maninasi. Xe tamitema mukalusi ane so vaikala anu temanu mani­nasi ne ilavusou ilolomuxosi.”


Eni avikalaneni manina e maninasi, nexi talemolu mimi ane telavusou, mo talanu vaikala so tapala'anixu mimi ane tesaxisou mukalu. Tapala'anixu ia ngingi nga'osasou vaikalamexi so ngalo­muxu to uasi.


Xo Mosinge musexelaxa'a tatemanu lialia misevile, laso anu mupilixinu Olu e soxu vilesisi. Mupilixinu mo so ane'i ta'ei ilopala noxou la imamulo uasi, ixalisou mauli kaluxu uasi.


Anu ulavusou ulanu vaikala so upala'anixu mimi ane molu musaxisou mo mulomu­sousi, la itema vile u'osa so ulomuxu vaikalaou e mulanu ne to uasi.


Ia ngingi ngalaxa'i laixe mo ngautululune'i Mosinge ta'olu laixe xo Ulenu Laixe molu musoso­vosinge so ngasaxila'a. Tami­temaou ne anu molu mulotone'i no anu sialuxu. Tatemanu pita noxou Mosinge ne ane'i loxo tasipisipiou, mo ngingi loxo tamitema so ngasaxila'a.


Ane'i mivikala lexe itema ane Mosinge musosovosou lexe Kalaisiti la utavulenu tu'umaxu. Xe ili'i la anu u'uli tei noxi'a tamitema ane itulu no anu soli. Mo anu upala'anixu lamana noxi'a tamite­maou xe noxi'a tamitema noale'ale kalumo.”


Xo Mosinge musosovosou Iesua so usoli. Usoli no taninenge mo so Mosinge oponu ulu'e noxi'a ane'i ta'ei ilopala no anu sialuxusi. Ioxe, Mosinge mu'oxonu laixe noxi'a ane'i tatei xo ukolinu susu noxi'a avile uasi. Laso axova, anu iou si'isou mane? E uasi, a mukolinu noxou Iesua. Laso axone la tamaisou lexe ilixo noxou Mosinge ulapusi, xo susu ma'ia ne, la ukolinusi.


Ia mi vile uasi. Xo Kalaisiti ne anu tanunenge laso mi ma'ia uxali noxinge ne anu usu'ulinenge so taua'ulixusi.


Ai, tatei ngingi mose'i xoluxolungenge axone kalumo. Ia Mosinge molu mu'ulosinge mo mukalipalangengi lexe ngingi tamitemaou mu'isalili. Ulenu Mosinge muxaxaisinge mo ngingi a ngatavulenu ualasou Tata­nanenge Iesua. Laso maixene Mosinge umoxo'inge lexe ngingi tamalemalenga no iou.


Xo loxo mililixu Kalaisiti no ovu valautu so musoli la eni kalumo ane. Laso no anu xoluxoluxo alavua 'o la enisi uasi, Kalaisiti a upolonu maulixu noxilo 'o. Mo so no anu xolu­xoluxo so lialia 'o la eni alopala noxou Mosinge Olusi e muse­xelaxo ka mupilixinu maulixu so silo.


Ioxe, xoluxolu noxinge axone, ia iaiama noxou Mosinge mulolutu e mulolutu. Xo anu musexela­nengesi mo sexela noxou singe mupala'a aloxo 'o.


Mo ngasexelangenge ngato'o a loxo Kalaisiti musexe­lanenge. Xo anu molu mupilixinu mauli noxou so singe. Mupilixinu mauli noxou mo musoli axone la Mosinge mu'osasou. Mu'osasou a loxo mi u'ela mo tuma'u lailaixe uxali noxou.


Anu kisou pita noxou xe pita anu vasimolu. Anusisi tava'u maulixu pita. Anu laposalaxu ane mutulu mumauli no anu soli la mu'uli noxi'a leviani ane so itulutulu. Mo so axone la anu upalasi lexe anu u'uli'uli no anu mimi mukalusi.


Eni pelototo pakia'u vile so alemolu noxine ia enisisi uasi. Alemolu no iou Mosinge e mosou mauli xe no iou Kalaisiti Iesua e mutulu muvikala lamana no laxunu Ponitiasi Pailati. Pelototo aloxo 'o.


Anu uxali ulovo no anu voxo Mosinge musosovosou. Nenge ta'itinu uala­sou Mosinge xo anusisi u'uli'uli. Anu Kingi tatila noxi'a takingi mo anu Tatanane'i tatatananu mimi mukalusi.


Ioxe, lakolisou ne tu'umaxu ia loxo vaimomo 'o itema umaloxo'u ualasou Mosinge Olu la ngaxavutala axova, lakolisou tu'umaxu e lapilai uasisi. Xo sialu so konitalaki alavua so ukalipalanu itema ne lexe anu noxou Mosinge, la muvila'isou vitanisi mo mupupuiou Ulenu so iaiama.


Ioxe, anene vote'i so malemalenga tei. Ia loxo sialuxu Kalaisiti la lailaixe mo uua'ulixu anene laso xaixai no anu uua'ulixu ane tei avile kalumo. Xo Ulenu ane kaluxusou uasi mupa­muxanu so mupilixinu maulixu malemalenga noxou Mosinge. Laso sialuxu uxaxaisou vasime­ngesi uasi, ulai avile no tanenge so u'uinu mo u'oxonu uai laixe. Mo so tatalo no anu xaixai ane mauli no anu uasi mo ta'oxonu xaixai noxou Mosinge e umamauli.


Anu mulotonenge no anu mi lailaixe e uua'ulixu lamoli mukalusi, mi e sialuxu Kalaisitisi. Kalaisiti ne anu loxo sipisipi ilie ane vasimolu xale­xalevinu o nuni vile no anu uasi.


Anu a uxoxolu no anu lamanasi, laso loxo nenge tamua­mua'i no anu lamana anenesi la nenge nenge'a taxolu oponenge vilesisi, xe sialuxu Olu Iesua u'uinenge no anu susu mukalusi.


Laso ane, anene sexela manina. Anu mi so nenge tesexelaxu Mosinge tei uasisi. Anu molu musexelanenge laso mupalusou Olu soxu ne mo so noxou, la muxalixu vote'isou susu noxinge ukalu.


Ioxe, angelo 7-si'a mutaunu piuka noxou. La elomusou xolixoli no tualasou Mosinge muvikala aloxo 'o, “Tatananenge ilou Itema e musosovosou lexe Kalaisiti ne ane'isisi takingi, xo ilou mino'u tanixa'a takingi so lialia mukalusi. Ane'isi ixolu i'uli'uli avile kaluxu uasi.”


Xe eni apalusi'a tamite­maxeli tamei so ilanu vaika­laxeli. La ilou isakinu lavalava so tama mo ixolu aso 1260 ne so ilanu vaikala so pela'asi.


La ane'i i'otoxu Sipisipi Ilie. I'otoxu ia anu oli'a tamitemaou ane mu'avali'a xe musosovosi'a xe milopalanu ne, iua'ulixa'a. Iua'ulixa'a tauluaou Sipisipi Ilie xo anu Tila manina noxi'a tatiatila xe anu Kingi manina noxi'a takingi.”


Ioxe, mukalu la emaisou loxo­tolo mukisi sila osi kea vile. La anu ane mutalupexa no anu osi la ilemolu ualasou vile lexe Vaika­laou Uxalixu Nene'axu, xe no anu vile lexe Vaikalaou Maninasi. Mo loxo anu utilovosou ili'ilixo so ukolinu xe loxo ulai no anu oto la mi ma'ia u'oxonu ne ulapusi.


La no lavulutiou veveni xe no poxo'u la ualasou muxolu lexe, Kingi manina noxi'a takingi xe Tila manina noxi'a tatiatila.


Eni elavu no anu tuala ane ngaxoxolu no anu lexe xavi noxou Uluaxeli u'okisi. La mala'o se'o tamitema mivau Anitipasi xo mulanu vaikalaxeli mo mulopala­­lelisi. Anu vile noxinge ia ngingi ngapilixinu ualasilo uasi, ngeka­makulunusi. Mo ngaxiunu tuma­lingeou lopala noxinge uasi, ngexolu pumungenge no anu tuala ane Uluaxeli ukasou ne.


La anu muvikala aloxo 'ola, “Nini nakaukavunu vaikala ano'o ulai noxou angelosou pita noxilo ne Laotisea. Eni amosou vaikala manina. Mi ma'ia Mosinge muxa­lixu la aa'aloxu u'isalilisi. Eni tava'u mimi mukalusi e Mosinge mukoinu a. Akalanu vaikala ano'o ulai noxinge.


La eni ekolinu lexe, “Tatila, nini nelavusi'a ane.” Sila anu muvikala aloxo 'o, “Ane'i tamitema ano'o me'a no anu voxo so ulua. Ane'i mi'uinu lavu­lutii'a no anu sialuxu Sipisipi Ilie laso muxali muvalukeasi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ