Mupala'a 1:18 - Ata New Testament

¹⁸ Eni ane axoxolu amauli 'o. Eni esoli ia namaisou, eni axoxolu kaluxu uasi a. Xavi no anu soli mo tanixu soli a uxoxolu noxilo mo atetelisou lakisou.

Mupala'a 1:18 ပူးပေါင်းရင်းမြစ်များ

Matiu 11:23

Xe ngingi Takape­niamu, ngingi nga'oxo lexe nga'itingengi so ngaxali no tuala­sou Mosinge, ne? Uasisi ane, ngingi ngasu'a ulu'e no tanixu solisi ane! Xo loxo sosovo so xavi uxali tatei ne Sotomu a loxo anene muxali noxinge 'o la anu tuala ne masi a uxoxolusio.

Matiu 16:19

Laso vote'i so tamitema i'una ixolu no voxo so Mosinge molu u'uli laxune'i tamitemaou no tualasou, la eni alosine lakisou. Xe mi ma'ia nini nasakinu no lialia la Mosinge usakinu no tualasou kalumo. Xe mi ma'ia nalulusou no lialia la Mosinge ululusou no tualasou kalumo.”

Luku 24:5

Misaxisi'a laso ane'i tane'i kalaua mo mitangatulu. Ia tatamei ne mivikalane'i lexe, “Axova so ngakamulinu anu ane mumauli no taine'i tamitema so soli 'o?

Tioni 11:25

La Iesua muvikalane aloxo 'o, “Enisisi atulusi'a tamitema no anu soli mo enisisi a tava'u mauli. Itema aneva ulopala noxilo xe loxo usoli la anu umaulisi ane.

Tioni 14:19

Eni axolu 'o voxo ataxu sesi kaio tatemanu lialia isaxisilola uae. Ia ngingisi a so ngasaxisilo. Xo eni so amauli laso maixene ngingi a so ngamauli kalumo.

Lomu 6:9

Mo nenge talavu lexe Mosinge mutulusou Kalaisiti no anu soli la umomomo so usolila uasi. Soli ne umomomo so ukasoula uasi.

2 Kolini 13:4

Xo tatei loxo mililixu no ovu valautu so usoli la anu pelesousi. Ia vaimomo 'o anu a uxolu umauli xo no anu xavi tatila noxou Mosingesi. Xe nexi pelesixe kalumo a loxo anu tei ne ia xo taxolu noxou vaimomo 'o laso xaviou Mosinge upala'a no anu xaixai noxixe no taingengi.

Xalesia 2:20

Xo loxo mililixu Kalaisiti no ovu valautu so musoli la eni kalumo ane. Laso no anu xoluxoluxo alavua 'o la enisi uasi, Kalaisiti a upolonu maulixu noxilo 'o. Mo so no anu xolu­xoluxo so lialia 'o la eni alopala noxou Mosinge Olusi e muse­xelaxo ka mupilixinu maulixu so silo.

Kolosi 3:3

Xo ngingi ne ngesoli ane, laso mauli noxinge a uxolu utalume nonano noxou Kalaisiti mo a ngapita noxou Mosinge.

Ipilu 1:3

Xe anu a upala'anixu iaxu Mosinge xo lamanaxu molu noxousi. Mo anu iou vilesisi loxo Mosinge u'isalili. Xe no anu xavi no anu vaikalaou la utetelisou mimi mukalusi so uxolu ulovosi. Ioxe, anu muxalixu vote'i so ukalusou tina'u so susu mo uxalixa'a tamitema tamalemalenga. Mu'oxonu xe mukalu la anu a utalupexa no anu avolu tema Kingi Tatila ane uxolu teitexi.

Ipilu 12:2

Tasaxi noxou Iesuasi xo anusi tava'u lopala na'a nenge mo anusi uxalixu nene'axu mi e talopalanu taxomaiou. Anu ne mutavulenu maila ia uxavutalanu uasi xe no ovu valautu la mu'italonu so musoli no anu xo oponu mu'oxoxu osa ane uxalisou ili'i 'o. Laso maixene anu a utalupexa no anu sia kingi noxou Mosinge no avolu tema.

Ipilu 7:16

Xo noxou ano'o la tava'u so mu'una no anu tanixu pilisiti ne, mi so vasimenge lexe muxali no anu laili aneva uasi. Tava'u tanixu ne a xavi no anu xoluxolu noxou e kaluxusou uasisi.

Ipilu 7:25

Anu uxolu axone laso ta'ei ipolo noxou so ilai noxou Mosinge la anu upamauline'i. Upamauline'i la mi ne utalo uasi xo anu a uxoxolu uvalaxa'a noxou Mosinge kaluxu­sou uasi.

Mupala'a 10:6

La anu muvi­kala aloxo 'o, “Eni avavalima no anu ualasou anu ane uxoxolu kaluxu uasi. Anu e mukoinu loxotolo xe lialia xe luaki oli'a tatemanu mukalusi. Avavalima lexe voxo voxo a mukalu 'oe. Mosinge ulosi'a tamitema voxola uasi.

Mupala'a 15:7

La vile noxi'a tamimi tami'a muno'u lisi koli 7 ka mulosi'a ta'angelo 7 vilevilesi. Lisi ne muana'ana no anu la'ia noxou Mosinge. Mosinge e uxoxolu kaluxu uasi.

Mupala'a 2:8

La anu muvikala aloxo 'ola, “Nini nakaukavunu vaikala ano'o ulai noxou angelosou pita noxilo ne Semelena. Eni ane tei xe eni kaluxu uasi a. Eni ane esoli ka emauli mo a axoxolu 'o. Akalanu vaikala ano'o ulai noxinge.

Mupala'a 20:13

La luaki mu'italone'i tamitema misoisoli no anu so mimauli. Xe soli ilou tanixu soli kalumo mi'italone'i tamitema ane mikasi'a no anu soli. Mi'italone'i xe mitulu mimauli laso ane'i mukalusi mikoti so ixalisou nene'axu ilixo noxi'a.

Mupala'a 20:14

Mutilovosi'a tamitema xo xe mukalu laso ane, musu'anu soli ilou tanixu soli mulu'elai no taxa so navu. Taxa so navu ne, anu tanixu soli tameisou ane.

Mupala'a 3:7

La anu muvikala aloxo 'ola, “Nini nakaukavunu vaikala ano'o ulai noxou angelosou pita noxilo ne Vilatelevia. Eni ane a malemale­ngasi mo eni tava'u vaikala maninasi. Eni a atetelisou laki noxou Teviti laso aitenga ane akisinu la evile umomomo so utatusou uasi. Xe aitenga ane atatu­sou la evile umomomo so ukisinu uasi. Akalanu vaikala ano'o ulai noxinge.

Mupala'a 4:9

Laso tamimi ne i'itinu ualasou mo itoxu mo imaxa'u osa'ilasou anu ane utalupexa no anu sia kingi ne. Anu ane uxolu kaluxu uasi.

Mupala'a 5:14

La tamimi tami'a mivivikala lexe, “Ani manina misevile.” La tatiatila milalusi so mitangatulu mo mi'itinu ualasi'a ilou.

Mupala'a 6:8

Xe emalei loxo 'o sila emaisou osi vasimolu loxo lia mixovulo 'o. La anu ane muta­lupexa no anu ualasou lexe Soli xe emaisou tanixa'a tamitema misoi­soli a mumulinu. La milosi'a ilou xavi so ivelunu tamitema laili tami'a mo so no anu laili vile la i'oxonu aloxo 'o. Noxi'a se'i la ive'ave'a no anu laviso so oto. Xe noxi'a se'i la ive'ave'a no anu vitolo. Xe noxi'a se'i la ive'ave'a no anu pipiena. Xe noxi'a se'i la ipalupalusi'a tamisoposi tavova so ive'ave'a.

Mupala'a 9:1

Ioxe, angelo ta'uvesi'a mutaunu piuka noxou. La emaisou taoto ane mulapau no tualasou Mosinge mulu'e no lialia. La ane'i milosou lakisou taxa tatila ane mulu'elai avile mo taxalisou tava'u uasi.