Mupala'a 1:1 - Ata New Testament

¹ Ioxe, tatei vaikalasou mimi ane so uxali la mutalumesi. Ia Mosinge mupilixinu noxou Iesua Kalaisiti so upala'anixu lamana noxi'a tami­tema so xaixai noxou. Laso Kalaisiti mupalusou angelou so uvulunu noxilo. Xo eni Tioni 'o, eni amitema so xaixai noxou.

Mupala'a 1:1 ပူးပေါင်းရင်းမြစ်များ

Tioni 12:49

Xo eni alanu vaikala ane eni melo e'avutinoxu uasi. Anu Maminge e mupalusilo, anu molu muvotoleli lexe alanu vaikala axova mo alemolu mi ma'ia.

Tioni 15:15

Loxo itema e so silevi la mi ma'ia tilasou u'oxonu la upalasi noxou uasisi. Laso maixene eni amoxo'inge lexe tasilevi la uasi, amoxo'inge lexe tamenexilosi xo mimi mukalusi ane elomusou noxou Mamilo la epalasinoxu noxinge mukalu.

Tioni 17:8

Xo vaikala mukalusi e ne'italonu noxilo la a e'italonu noxi'a mukalu 'oe. La ane'i mi'osa so mino'usi mo milavu manina lexe eni melo a noxinesi. Xe milopala lexe nini mene nepalusilo ene'e 'o.

Tioni 3:32

Anu ulavusou ulanu vaikala so upala'anixu mimi ane molu musaxisou mo mulomu­sousi, la itema vile u'osa so ulomuxu vaikalaou e mulanu ne to uasi.

Tioni 8:26

Eni vaikala piena umomomo so alemolu mo eni a atotongonu ilixo noxinge 'o. Ia anu ane mupalusilo ene'e 'o anu xoluxoluxu no anu maninasi mo mi ma'ia alomusou noxousi la apilixinu noxi'a tatemanu lialia.”

Lomu 16:25

Ioxe, Mosinge umomomo so u'oxongengi so ngatulu pakia'inge. Ngatulu pakia'inge mo so ngalo­pala no anu vaikala laixe so Iesua Kalaisiti ane evotovotosou noxinge. Xo tateimo la vaikala ne mutalume ia vaimomo 'o mupala'a avile.

Xalesia 1:12

Eni ano'u noxou itema vile uasi mo tamitema ipela'iloxu uasi. Anu Iesua Kalaisiti molu mupala'anixu vaikala laixe ne noxilo.

Epesusi 3:3

Mi ne Mosinge mulalaxinu oponu tatei lexe u'oxonu. Mulalaxinu ia mutalumeusi. Ia vaimomo 'o anu molu mupala'anixu noxilo a loxo ea'aloxu sevile mukalu 'oe.

Taitusi 1:1

Eni Polu a. Eni amitema so xaixai noxou Mosinge xe eni aposeliou Iesua Kalaisiti. Anu mupalusilo so a'oxonu pakia'u lopala noxi'a tamitema ane Mosinge musoso­vosi'a lexe tanoxou. Mo so ilavu­lavu no anu vaikala manina e ulovo u'isalili no anu masaxa noxou.

Mupala'a 1:19

Laso nini nakaukavunu mimi e nesaxisou 'o. Mimi e so vaimomo 'o xe so ili'i kalumo.

Mupala'a 1:9

Ioxe, eni avivinge Tioni a xo nenge nenge'a taxolu noxou Iesua. Taxolu noxou laso nenge so taxolu no voxo loxo Mosinge molu u'uli laxune'i tamitemaou. Laso maixene nenge tatavulenu tu'utu'umaxusou ia taxolu se'isisi so taxomaiou. Xo eni elanu vaikalaou Mosinge mo ea'aloxu Iesua laso ane'i mikusailo xe mipalusilo so axoxolu no anu ailani Patimosi 'o.

Mupala'a 17:1

Ioxe, vile noxi'a ta'angelo 7 e mitetelisou lisi 7 mune'e muvika­laleli aloxo 'o, “Nane'e 'o mo alosoienixe tilasi'a tasema so vote'i a italupexa no lexalexa loxo'u xo ane a so ixalisou lakolisou ilixo noxie ne.

Mupala'a 19:10

Muvikalaleli mukalu sila eni elalusi no tava'u so atangatuluou. Ia anu muvikala lexe, “Ai, na'oxo axone mamu. Eni kalumo amitema so xaixai aloxo ngingi ngoli'a tavivine ane ngekamakulunu vaikala laixe so Iesua. Na'itileli uasi, na'itinu Mosingesi. Xo loxo telavu, vaikala laixe so Iesua ne anu u'avutinoxu ulene'i tamitema so ilanu vaikala so pela'a.”

Mupala'a 19:9

La angelo muvikalaleli aloxo 'ola, “Nakaukavunu vaikala 'o. Tamitema ta'ei Mosinge muali'a so ine'e no anu lavilelu so taula'i noxou Sipisipi Ilie la ixalisou osa'ilasi.” Mo mu'oxo lexe anene vaikala manina noxou Mosingesi.

Mupala'a 21:2

Sila emaisou taoni noxou Mosinge u'isalili e Ielusalemo alavua. Anu molu noxou no tualasou mululu'e mo tokolomosou lailaixe manina aloxo sema ilalaxi mo itokolomo so itaula'ixu mulu'e.

Mupala'a 21:9

Ioxe, mukalu la angelo vile mune'e noxilo. Anu vile noxi'a ta'angelo 7 e mitetelisou lisi koli 7 ane muana'ana no anu kaluxusou tu'utu'umaxu e mumamulone'i tamitema. Mune'e noxilo la muvi­kalaleli lexe, “Nane'e 'o mo eni alosoienixe sema ane milalaxi so itaula'ixu Sipisipi Ilie.”

Mupala'a 22:1

Ioxe, emaisou mimi ne mukalu la angelo mulosoielixu lexa vile. Anu lexa so mauli ane. Anu lamana e lamana loxo laxalasi 'o. Lexa ne molu no anu sia kingi noxou Mosinge ilou Sipisipi Ilie.

Mupala'a 22:16

Eni Iesua a. Eni ane epalusou angeloxeli une'e noxinge. Mune'e la pelototosi'a tatemanu pitapita la muvulunu noxinge. Eni e vuvulu'u kingi Teviti mo eni a ilusunu a. Eni taoto ane uiei tatila no maxasesela.”

Mupala'a 22:6

La angelo muvikalaleli aloxo 'ola, “Vaikala ano'o uxalixu nene'axu mo anu maninasi. Tatananenge anu Mosinge ulavusou u'avutinoxu ulene'i tapolopeti so ilanu vaika­laou. Anusi a mupalusou angelou so upela'a tamitema so xaixai noxou no anu mimi ane a so uxali.

Mupala'a 22:8

La eni Tioni a elomusou mo emaisou mimi ano'o. Elomusou xe emaisou sila no tava'u angelo ane mupala'anixu noxilo la elalusi so atangatuluou mo a'itinu.

Mupala'a 22:9

Ia anu muvikalaleli aloxo 'o, “Ai, na'oxo axone mamu. Eni kalumo amitema so xaixai aloxo ngingi ngoli'a tavivine tamitema so pela'a xe ane'i ane ilomuxu vaikala no anu lavuku 'o. Na'itileli uasi, na'itinu Mosingesi.”

Mupala'a 4:1

Ioxe, mune'e xe esaxila, sila emaisou aitenga mukisi no loxo­tolo. La xoli utama loxo piuka e elomusou tei muvikalaleli mulu'e aloxo 'o. “Nini natelo 'o mo so apela'inexu mimi so uxali ili'i.”

Mupala'a 5:7

Ioxe, anu ane mutalupexa no anu sia kingi a utetelisou lavuku olele no avolu temasio. La Sipisipi ilie mulai muno'u.