Matiu 8:9 - Ata New Testament

⁹ Eni avikala axone xo eni axolu no laxu tilasilo no anu ami e u'uli laxuleli. Xe ta'ami ane a'uli laxune'i la ane'i ixolu no laxo kalumo. Xo loxo avikalanu vile lexe, 'Nalai!' la anu ulutusi. Xe loxo avikalanu vile lexe, 'Nane'e 'o,' la anu une'esi. Xe loxo avikalanu voixeli vile lexe, 'Na'oxo aloxo 'o,' la anu u'oxonusi ane.”

Matiu 8:9 ပူးပေါင်းရင်းမြစ်များ

Matiu 8:10

Iesua mulo­mu­sou vaikala noxou itema ne la mukisikula. Mo muvikalane'i tamitema latala ane mimulinu ne lexe, “Avikalangengi manina aloxo 'o. No taingengi Ta'isilaeli la axalisou itema vile lopala noxou laixe aloxo itema ano'o to uasi.

Matiu 8:8

Ia tila noxi'a ta'ami muvikalanu lexe, “Uo, Tilao, eni amitema alaixe so na'una no tasilo uasi. Nini naxolu 'o mo navikalasi mo so voixeli laixenula.

Maki 1:27

La tamitema mikuluke mo mivikalane'i ngato'o lexe, “Mi ma'ia ano'o? Anu voto alavua mo xavinu musuku. Itema ano'o upalusi'a ta'angelo tamasua la ane'i ilomuxusi.”

Luku 4:39

Mili­ngau su'ulisie laso Iesua musuku mutulu alai noxie la mulavixu pipiena ne sila mupaxelesie ka mi'avuti milalaxinu xa'a la'ilali.

Luku 7:8

Eni avikala axone xo eni axolu no laxu tilasilo no anu ami e u'uli laxuleli. Xe ta'ami ane a'uli laxune'i la ane'i ixolu no laxo kalumo. Xo loxo avikalanu vile lexe, 'Nalai!' la anu ulutusi. Xe loxo avikalanu vile lexe, 'Nane'e 'o,' la anu une'esi. Xe loxo avikalanu voixeli vile lexe, 'Na'oxo aloxo 'o.' la anu u'oxonusi ane.”

Luku 9:1

Mune'e la Iesua mu'avali'a ta'apo­seliou 12 mine'e mipita noxou. Mipita noxou laso anu mutulusi'a no anu xaixai mo mulosi'a xavi so ikusai'a ta'angelo tamasua xe so ipaipoune'i tami­tema no anu siki iouiou.

Kolosi 3:22

Mo aloxo 'ola. Ngingi ane ngaxolu tasilevi la ngalomuxu vaikalai'a tavosimengi no anu mimi mukalusi. Xe mamu so ngaxaxai laixe no ie'i so ngaxi­lisine'i no anusi. Ngamama'u noxou Tatananenge mo ngamolo tangengiou vote'i so nga'oxonu xaxai noxinge laixe utotomusi.

Taitusi 2:9

Xe noxi'a tamitema so xaixai la napelototosi'a kalumo lexe ilu'ene'i noxi'a tavosi'a, so loxo imulinu vaikalai'a mukalusi, la i'osasi'asi. Loxo tavosi'a ipalusi'a no anu mi ma'ia la ilivuxa'a uasi, i'oxonusi.