Matiu 6:2 - Ata New Testament

² Laso loxo ngingi a so ngapilixinu mi so su'uli noxi'a tamitema ta'oloxola la mamu so ngapalusi'a se'i i'uli laxungengi so itausou piuka. Xo se'i i'oxo axone no anu tatasou lavuloto xe no votevote'i. Ia ane'i ikalavoisi, i'oxonu so tamitema imaisi'a mo i'itine'i no anu. La avikalangengi manina lexe tamitema ane xo ne mino'u lapei'a se anesi, ixalisou mi vilela uasi.

Matiu 6:2 ပူးပေါင်းရင်းမြစ်များ

Matiu 15:7

Ngingi tamitema so kala­voi to! Vaikalaou polopeti Aisaia manina xo mukaukavu tatei lexe,

Matiu 16:3

Xe no kakau ngamaisou aso lauoinu mo sauma su'inu la ngavikala lexe, “Masi la'ave une'e.' Ngingi ngala­vusou ngatongonu sosovo no loxotolo axone ia sosovo ane uxaxali no taingengi vaimomo 'o la ngatongonu to uasi.

Matiu 22:18

Ia Iesua mulavu no anu mi e masua muxolu no opone'i ne la muvikala lexe, “Ngingi tamitema so kalavoi to! Axova so ngatovoleli aloxo 'o?

Matiu 23:5

Mo mi ma'ia i'oxonu la i'itine'i no anu no ie'i tamitemasi. Xo laletisou lavuloto e isakinu so ivikala noxou Mosinge la i'oxonu tiatila. Xe no anu lavulutii'a veveni la lamolamota so telexu la veveveni kena.

Matiu 23:6

Xe no anu la'ilali la imasaxau tanixa'a tatiatilasi mo no anu tasou lavuloto la ane'i italupexa no anu lu u'uli.

Matiu 24:51

Uxali xe umaisou ilixo noxou axone la ukiaenu ka umulaxu uveisa'ine'i tamitema so kalaka­lavoi. Oli'a ixolu no anu tanixu anene tatemanu itatama mo ana­xa'a ukalakikisi

Matiu 5:18

Xo avikalangengi manina aloxo 'o. Vaimomo 'o ulai avile uxali no anu kaluxusou loxotolo ilou lialia 'o la vaikala sevile utuxu no anu lo tasiauxu vitanisi uasisi. Anu uxolu axonesi xo mo nene'axu mimi mukalusi uxali.

Matiu 6:16

Xe muvikalala lexe, “Loxo voxo mose'i nga'oxonu ilixo so nga'apingengi no anu la'ilali avile la mamu so nga'oxonu iengi masua aloxo tamitema so kalavoi ilavusou i'oxonu. Xo ane'i ilavusou i'oxo ie'i masua toxonesi mo so tamitema ilavu lexe ane'i a i'apixa'a no anu la'ilali ne. La avikalangengi manina lexe tamitema ane xo ne mino'u lapei'a se anesi, ixalisou mi vilela uasi.

Matiu 6:3

Ioxe, loxo ngapilixinu su'ulisi'a ta'oloxola la mamu so avonge kaisi ulavusou mi ane avonge tema u'oxonu uasi.

Matiu 6:5

La Iesua musolonu lexe, “Loxo ngavikala noxou Mosinge la nga'oxo loxo tamitema so kalavoi i'oxonu to uasi. Xo ane'i i'osa so itulu ivikala noxou Mosinge no tatasou lavuloto xe no anu kona so votevote'i no taoni. I'oxo axone so tamitema latala ipitanu ie'ii'a. La avikalangengi manina lexe tami­tema ane xo ne mino'u lapei'a se anesi, ixalisou mi vilela uasi.

Matiu 7:5

Uo kalavoi, nini naxexenu ovu alelaxu tatila to e uai no ieni teio. Mo so axone la nini nasaxi laixe so naxexenu lapipia utuxu se uai no iou vivine ne.

Maki 12:39

Xe no anu tasou lavuloto la ane'i italupexa no anu lu u'uli. O loxo no anu la'ilali la imasaxau tanixa'a tatiatilasi.

Maki 7:6

La Iesua muvikalane'i lexe, “Ngingi tami­tema so kalavoi to! Vaikalaou polopeti Aisaia manina xo mukaukavu tatei lexe, 'Ane'i tamitema ano'o i'oxo tatilasilo no anaxa'asi ia opone'i uxolu va'axu noxilo.

Luku 11:41

Vote'isinge aloxo 'o. Temanu kapu xe lapelete noxinge ne ngapixivane'i ta'oloxola, laso ane, mimi ne uxali malemalenga so nga'ani no anu.

Luku 11:43

Ngingi Tapalisi anu masua noxinge xo nga'itingengi to! Ngingi ngaxolu u'uli no ie'i tamitema no anu tatasou lavuloto. Mo ngama­saxau lexe tamitema loxo ixalisinge no loxomala la itaxangengi mo ivikala aso noxinge.

Luku 12:33

Laso ngasalimunu mimimengi xe lamolisou la ngaiti'a tamitema ta'oloxola. Xe ngaxalixu mengi ulu'ulu so lamoli ane umomomo so mamuxanu uasi. Ngataxusou mimi lailaixe noxinge ane tasiauxu uasi no tualasou Mosinge. Anene, talasikeli vote'isou ipakalinu uasi xe tamimi ixotosou uasi.

Luku 12:56

Ia ngingi tamitema so kalavoi to, xo ngingi ngatongo laixe no anu mimi ane uxali no loxotolo xe no lialia. Ia mi ane muxali no taingengi vaimomo 'o ne ngatongonu to uasi.”

Luku 13:15

Ia Tatananenge mukolinu lexe, “Uo ngingi tamitema so kalavoi manina xo vaikalamengi la ngamulinu to uasi! Loxova, no anu Voxo so Ma'ila la ngingi ngalulusi'a takau oli'a tatonikimengi no anu tatasi'a mo ngalaixi'a so iie lexa uasi? Ngingi nga'oxo taxone!

Luku 20:46

“Ngingi masi ngalaxa'i laixe noxi'a tamitema so lavulavu no anu lavuloto. Ane'i ilavusou imulaxu lavuluti lailaixe so ixixao no loxoloxomala mo so tamitema itaxane'i mo ivikala kakau aso noxi'a. Xe no anu tatasou lavuloto la ane'i italupexa no anu lu u'uli. O loxo no anu la'ilali la imasaxau tanixa'a tatiatilasi.

Luku 6:24

Ia masua noxinge ngingi ane ngaxolu no anu mimi latanu xo osa noxinge se a ngexolu no anu mukalu 'oe.

Luku 6:42

Loxo natilovosou ovu alelaxu ane uai no ieni uasi, la axova so navikala lexe, “Ai vivilo, eni axexenu lapipia utuxu se emaisou uai no ieni ne.” Uo kalavoi, nini naxexenu ovu alelaxu tatila to e uai no ieni teio. Mo so axone la nini nasaxi laixe so naxexenu lapipia utuxu se uai no iou menexine ne.”

Tioni 13:29

Xo anu ne mosou e so usaxila'u kesisou lamolii'a laso ane'i leviani la xavutali'a lexe Iesua masi mupalusou so lexe ulotonu xa'a la'ilali so lavilelu o so ulai uiti'a ta'oloxola.

Tioni 5:41

Eni opoleli ututulu lexe tamitema i'itinu ualasilo uasi.

Tioni 5:44

Ngingi nga'osa so nga'itinu ualasinge ngato'omo, ia no anu vote'i e so Mosinge anu vilesisi molu u'itinu ualasinge la ngaxavu­talanu uasisi. Laso ngingi ngalo­pala axovae?

Tioni 7:18

Anu ena'ei loxo ulanu vaikala ane molu muxa­lixusi, la anene anu molu umasaxau u'itinumo ane. Ia ena'ei ane umasaxau u'itinu ualasou anu ane mupalusou mune'e, la anu ne anu maninasi mo mi vile ukilikalu uxolu noxou uasisi.

Ta'aposeli 10:2

Anu Koniliasi oli'a laili noxou ne milavusou milomuxu Mosinge vaikalaou mo mimama'u noxou. Ane'i milavusou isu'uline'i ane'i ane la'ilali o mimi uasi. Mo ane'i utotomu mivikala noxou Mosinge.

Ta'aposeli 10:31

Mutulu no ieli la muvikala lexe, 'Koniliasio, Mosinge mulomusou vaikalameni nelemolu noxou mo anu mulavu no anu mimi ane nepilipilixinu noxi'a ta'oloxola.

Ta'aposeli 10:4

La Koniliasi mumatakisou la iou ne so umexusi la mukolinu lexe, “Tatila, ma'ia ne?” La angelo muvikalanu Koni­liasi aloxo 'o, “Mosinge mulomu­sou vaikalameni e nelemolu noxou mo mumaisou su'uli ane ne'oxonu noxi'a tamitema ta'oloxola. Anu mulavusou mi anene mo anu tanuxene.

Ta'aposeli 11:29

Xe talopala ne Anitioki milo­musou vaikalaou Axavusi la ane'i milalaxinu opone'i lexe ane'i isu'uline'i tavimovimo'a no anu lopala ne Iutea. Misu'uline'i la mikalanu lamoli so iloto xa'a la'ilali no anu voxo so vitolo. Loxo itema vile lamolixu la ukalanu lamoli tatila. Xe loxo vile lamolixu malaxo uasi, la mukalanu isusu'a sesi.

Ta'aposeli 24:17

Polu mukolinu vaikala axone mukalu la mua'alo aloxo 'o, “Eni exolu tau ie se'i no tuatuala. Exolu xo xe mukalu la elivu ene'e no anu laili noxilo. Ene'e la ene'enu lamoli xe mimi se'i so usu'uline'i ane'i ane xoluxolu noxi'a masua. La exalixu mi se'i no tasou Mosinge so emulinu ilixo so navu.

Ta'aposeli 9:36

Ioxe, no tuala vile ne Iopa la sema vile ualasie lexe Tavita a mixoxolu. Io no anu vaikala Kiliki la ilemolu ualasi lexe Tokasi. No anu xoluxolu noxie ane milavusou i'oxonu ilixo laixe so isu'uline'i tamitema ane la'ilalixa'a ilou mimii'a uasi.

Lomu 12:8

Loxo itema vile so u'oxo pakia'a Mosinge ta'olu la u'oxonusi. Xe loxo itema vile so u'alauna la u'oxonu manina, utukala uasi. Xe loxo itema vile so u'uli laxune'i tamenexu la anu oponu utulu no anu mi nesi. Xe loxo itema so tanuxa'a tamenexu ane itavulenu tu'umaxu la anu u'osasou so u'oxonusi.

1 Kolini 13:3

O loxo eni ano'u mixemixeli mukalusi mo aiti'a ta'oloxola. Mo kalumo loxo tami­tema iveloxu xaixai noxou Mosinge so asoli avile mo i'elaxu vasimelo. Loxo apilixinu mimi­xeli ilou vasimelo axone ia loxo no opoleli manina asexelaxa'a tami­tema uasi la apulelisi ane.

Xalesia 2:10

Ia mi vilesisi milemolu noxixe lexe nexi tane­xixa'a ane'i ane no taine'i mixolu loxo ta'oloxola. La anu laixe xo mi ne opoleli mututuluou lumamo mo a e'axonu 'oe.

Epesusi 4:28

Nini ena'ei nalavusou napakali la natalo no anu mi anene. Natalo mo naxaxai so naxalixu mimi laixe no avonesi. Mo so axone la nasu'uline'i tamitema ane i'a mimi o xa'a la'ilali uasi.

1 Tesalonaika 2:6

Xe nexi 'o, nexi ta'aposeliou Kalaisiti, laso loxo tamasaxau la masi talemolu taninexe ne utotomu so ngalomu­nexesi. La uasi, xo oponexi lexe ngingi o tamitema se'i i'itinexi uasi.

1 Timoti 6:18

Mo napelototosi'a lexe i'oxonu ili'ilixo laixe so isu'uline'i tamenexi'a. Mo voxo­voxo utotomu ipilipilixinu avo'a noxi'a ane'i ane mimi uasi. Mo loxo ivelevelunui'a la itukala uasi, avo'a temanusi so ilosi'a.

Vilemoni 1:7

Ani vivilo Vile­moni, nini nalavusou nasexelaxa'a tamitemaou Mosinge mu'isalili mo na'oxonu pakia'u opone'i. Elomu axone laso muxalixu osa'ila noxilo mo mumamatolanu opoleli.

Ipilu 13:16

Mo kalakala­ngenge so nga'oxonu alauna uasi. Xe loxo tamitema isoti no anu mi vile la ngasu'uline'i. Laixe so nga'oxo axone xo ngingi a ngapilixinu mi vilela noxou Mosinge e u'osasou ane.

1 Pita 4:11

Laso loxo vile noxinge muno'u lavulavu laixe so ulanu vaikala la ulanu u'isalili no anu Mosinge vaikalaousi. Xe loxo vile xaixai noxou so usu'uli la u'oxonu no anu xavi e Mosinge upilixinu noxou. Mo so axone la tamitema imaisou xaixai noxinge ne la i'itinu Mosinge no anu ualasou Iesua Kalaisiti. Xo Iesua Kalaisitisi laixe so ualasou utila mo u'uli laxunu mimi mukalusi ulai ulai kaluxu uasisi. Vaikala ano'o maninasi.