Matiu 5:8 - Ata New Testament

⁸ Laixe noxi'a ane'i ane opone'i malemalenga xo ane'i imaisou Mosinge ane.

Matiu 5:8 ပူးပေါင်းရင်းမြစ်များ

Ta'aposeli 15:9

Mo axone la anu mulosoiengi lexe anu ukalitotonenge noxi'a uasi. Ane'i milopala noxousi laso anu molu mu'uine'i so mixali tamalemalenga no iou. Mu'oxonu noxi'a ne iou vilesisi aloxo nenge 'osi.

1 Kolini 13:12

Ioxe, nenge Mosinge ta'olu vaimomo 'o taxolu mo anu loxo tasaxi no anu titilo ia tamaisou loxo xalexa­lexusi. Ia ili'ii laso ane. Nenge tano'u lavulavusou Mosinge manina aloxo tasixisou itema iou u'isalili. No voxo ne talavu manina a loxo anu ulavusinge vaimomo 'o.

2 Kolini 7:1

Laso tavivilo, vavalima noxou Mosinge anene a uxolu noxinge mukalu 'oe. Laso nenge takalipa­lanenge no anu mimi ane so u'oxonu vasimenge ilou ulenenge nuni'u. Xe taxolu tamama'u noxou Mosinge kaio xavinenge so taxa­lixu xoluxolunenge ulapu loloni.

Taitusi 1:15

Xo aloxo 'o. Noxi'a tamitema ane tamalemalenga no iou Mosinge la ani'ani mukalusi malemalengasi. Ia noxi'a ane'i ane ilopala uasi la ane'i nuni'a no iou Mosinge. Laso maixene mi vile malemalenga noxi'a uasi xo xavutalai'a mo tane'i nuni'u avile.

Ipilu 10:22

Laso nenge talai alai mo oponenge lamana mo lopala noxinge pumuxu avile. Xo Kalaisiti mupeinu sialuxu noxinge so mu'uinu susu ane tanenge muto'omengexu mo mu'uinu vasi­menge no anu lexa malemalenga.

Ipilu 12:14

Xavingengi so opongengi vile­sisi noxi'a tamitema mukalusi. Mo xavingengi so xoluxolu noxinge u'isalili no anu masaxa noxou Tatananenge xo tamitema ane mukalipalane'i lexe tanoxousi la isaxisou.

Ipilu 9:14

Ioxe, anene vote'i so malemalenga tei. Ia loxo sialuxu Kalaisiti la lailaixe mo uua'ulixu anene laso xaixai no anu uua'ulixu ane tei avile kalumo. Xo Ulenu ane kaluxusou uasi mupa­muxanu so mupilixinu maulixu malemalenga noxou Mosinge. Laso sialuxu uxaxaisou vasime­ngesi uasi, ulai avile no tanenge so u'uinu mo u'oxonu uai laixe. Mo so tatalo no anu xaixai ane mauli no anu uasi mo ta'oxonu xaixai noxou Mosinge e umamauli.

Tiemisi 3:17

Ia noxi'a ane'i ane ixalisou lavulavu mu'asi'asi e ululu'e no tualasou Mosinge, la mi ane tamaleisou tei a so xoluxoluxa'a malemalenga. Xe kalumo la tamalei lexe ilavusou ixolu se'isisi mo opone'i lexasi mo opone'i ukisi noxi'a tamitemasi. Xe ane'i tami­tema ane xo ne xoluxoluxa'a uxalixu nene'axu laixe so i'alauna misevile mo i'oxonu iou vilesisi noxi'a tamitema mukalusi. Xe ikalavoi uasi, xo ilixo noxi'a iou vilesisi no anu vaikalai'asi.

Tiemisi 4:8

Ngasuku alai noxou Mosinge xe anu usuku une'e alai noxinge ane. Ia ngingi tamitema so susu laso nga'uinu uxexesou avonge. Xe ngingi tamitema so vaikalamengi iou vilemo no anu ilixomengi, laso ngaxalixu opo­ngengi malemalengasi.

1 Pita 1:22

Ioxe, ngingi ngelomuxu vaikala ane temanu manina la no anu vote'i anene nge'uingengi ngexali tamalemalenga no iou Mosinge. Xe ngingi a ngasexelaxa'a tavi­vinge Mosinge ta'olu, laso xavingengiou so ngasexelangenge no opongengi manina.

Mupala'a 22:4

Ixolu i'itinu ualasou la ane'i imaisou iou mo no anu alaiie'i la ualasou uxolu no anu.