Matiu 5:5 - Ata New Testament

⁵ Laixe noxi'a ane'i ane me'a ilu'ene'i xo Mosinge muvavalima lexe anu upilixinu lialia mukalusi noxi'a.

Matiu 5:5 ပူးပေါင်းရင်းမြစ်များ

Tiemisi 3:13

La axova, vile no taingengi utilovo laixe mo lavulavuou mu'a­si'asi? Loxo itema axone la upala'anixu no anu vote'i e so ulu'enu ka umulinu lavulavu u'asi'asi so u'oxonu ilixo ane laixesi.

Xalesia 5:23

Xe oponenge lexasi mo xoluxolu­nenge vuluvulusi uasi, tapamu­xanu u'isalilisi. Anu lo vile so u'apinenge no anu mi aloxo 'o uasisi.

Tiemisi 1:21

Laso ili'ilixo nuni'u iouiou xe ili'ilixo masumasua ane ulavusou ulolutusi la ngapilixinusi. Io ngalu'engengi so opongengi uloxu vaikalaou Mosinge e mutounu no opongengi xo anene so pamaulisinge ane.

Kolosi 3:12

Tamitema ane Mosinge mui­loune'i mo mukalipalane'i lexe tamitemaou ane usexelaxa'a, a ngingi to ne. Laso nga'oxo ilixo aloxo 'o. Tangengingenge ngato'o mo nga'oxonu alaunasinge mo ngalu'engengi mo opongengi lexa mo opongengi u'avuti noxi'a tamenexinge palea uasi.

Matiu 11:29

Vaikalaxeli ne anu loxo lapalanga imulaxu no xola­ne'i takau so ilapunu mimi no anu. Laso ngingi nga'italongengi so ngatavulenu lapalanga noxilo axone mo ngano'u lavulavu noxilo. Xo eni ilixoleli se'isisi mo alavu­sou alu'eleli so opoleli lexa noxi'a tamitema. Laso loxo ngane'e noxilo la ngingi ngaxa­lisou ma'ila no anu ulengengi.

Epesusi 4:2

Aloxo 'o. Ngingi masi nga'itingengi uasi ngalu'engengi noxi'a tavivinge. Loxo ane'i i'oxo axova la opongengi ulu'e noxi'asi. Xe loxo ilosinge tu'umaxu axova la ngaxavutalanu uasi, ngasexela­xa'asi.

1 Pita 3:15

La nga'itinu Kalaisiti no opongengisi lexe anusi Tatana­ngengi. Mo ngaxolu ngalalaxi utotomu so loxo tamitema imaiti­tiiengixu mi ane tangengi ulopa­lanu uxomaiou la nga'oxonu latolosou.

Taitusi 3:2

Mo ane'i ivikala masuai'a tamenexi'a uasi. Xe ane'i tamitema so i'avutinoxu tu'utu'umaxu uasi, ixolu se'isisi mo opone'i lexa noxi'a tamenexi'a mukalusi.

1 Pita 3:4

Opongengi ututuluou lavilasi axone uasi, lavilasi noxinge ane laixe so uxolu kalaxu uasi, a mi so tangengisi uasi. Lavilasi anene a so ngaxolu opongengi se'isisi mo lexasi, xo mi anenesi Mosinge usaxisou lexe lailaixe misevile.

1 Timoti 6:11

Ia loxo nini, la namitemaou Mosinge laso na'umolu mo na'umesou mimi so mamulo ne. Na'umesou anene mo namulinu ilixo aloxo 'o. Xoluxoluxene ula­pusi mo ulovo no anu masaxa noxou Mosinge. Xe lopala noxine ututulu noxousi mo nasexelaxa'a tamenexine. Xe loxo tu'umaxu ma'ia uxalisine la natulu pakia'inesi mo oponeni lexasi noxi'a tamitema mukalusi.

2 Timoti 2:25

Mo ane'i tamitema so xilili la uxaxaisi'a se'isisi so ulovonixu xavutalai'a. Xo axone la Mosinge masi uxalixu vote'i so ixiunu mo i'isalilinoxu opone'i so susu noxi'a kaio vaikala manina upalasi noxi'a.

Lomu 4:13

Ioxe, mo tatei Mosinge muva­valima noxou Apala'amu so lia lexe upilixinu noxou mo ulai avile noxi'a ta'ilusunu. Ia axova? Apa­la'amu mumulinu lo mo so Mosinge muvavalima noxou axone? E uasi. Muvavalima noxou xo mumaisou lopala noxou mo mumoxo'u lexe mulapusi no iou.

Matiu 21:5

“Ngavikalane'i tatemanu tuala Saioni lexe, 'Ngamalei kingimengi a une'e 'oe. Anu ulu'enu xo une'e no anu tonikisi. Utalupexa no anu toniki maulu sika une'esi.'”