Matiu 4:3 - Ata New Testament

³ Mukalu la anu mosou tovotovo muxali noxou la muvikalanu lexe, “Ai, loxo nini Mosinge Olu manina la navikala mo lavolavo'o uta'olu 'o uxiu uxali pileti.”

Matiu 4:3 ပူးပေါင်းရင်းမြစ်များ

Matiu 14:33

Xe ane'i ane nonano no pouti mi'i­ti'itinu ualasou mo mivikalanu lexe, “Manina misevile, nini Mosinge Olu ane.”

Matiu 16:16

La Pita mukolinu lexe, “Nini ane so Kalaisiti a. Nini nami­tema e Mosinge ane umamauli musoso­vosou.”

Matiu 26:63

Ia Iesua muxolu tasiausi. Laso tatila noxi'a tapilisiti muvikalanu lexe, “Io, eni atali'isine no anu ualasou Mosinge umamauli mo nini navikala maninasi. Nini ane so Kalaisiti? Nini Mosinge Olu, ne?”

Matiu 3:17

Sila xoli vile molu no loxotolo mulu'e lexe, “Ano'o eni alixeli asexelaxu ane. Eni a'osasou misevile.”

Maki 1:1

Ano'o soko'u no anu vaikala laixe so Iesua Kalaisiti anu Mosinge Olu.

Maki 3:11

Xe tamitema ane loxo ta'angelo tamasua mikasi'a mixali mo isaxisou, la milalusi no talaxu mo miunga lexe, “Nini Mosinge Olu.”

Maki 5:7

Mutangatuluou la anu muvikala tatila noxou lexe, “Iesua, Mosinge anu Mu'uli'uli Olu, nini nene'e so na'oxo ma'ia noxilo? Eni alinga pakia'u noxine no anu ualasou Mosinge lexe namasualeli mamu.”

Luku 1:35

La angelo mukoline lexe, “Mosinge Anu Ulenu Laixe une'e noxine mo xavinu Anusisi U'uli'uli usu'asine. Laso ili'i nini navo'onu iline vile ilixo noxou malema­lengasi mo ane'i ilemolu lexe Mosinge Olu.

Luku 22:70

La ane'i mitali'isou lexe, “Laso nini Mosinge Olu, ne?” La anu mukoline'i lexe, “Ani, enisi ane.”

Luku 4:3

La Uluaou muvikalanu aloxo 'o, “Ai, loxo nini Mosinge Olu manina la navikala mo lavo'o 'o uxiu uxali pileti.”

Luku 4:41

Xe noxi'a se'i la ta'angelo tamasua mixexesi'a mo mi'unga tatila lexe, “Nini ne Mosinge Olu ane!” Ia anu mulavixa'a lexe ixolu tasiau xo ane'i milavu lexe anu ane so Kalaisiti ne.

Luku 4:9

Xe ili'ila la Uluaou mutelaixu ne Ielusalemo la mutulusou teitexi e teitexi no latanu Mosinge Tasou. La muvikalanu lexe, “Loxo nini Mosinge Olu manina la naili'e nalu'e 'osi.

Tioni 1:34

Xe eni melo emasiou mo a alalanu vaikala so apala'anixu lexe anu ano'o Mosinge Olu.”

Tioni 1:49

Sila Natanieli muvikala noxou lexe, “Tisa, manina, nini Mosinge Olu. Nini nakingi noxixe Ta'isilaeli.”

Tioni 20:31

Ia mimi ano'o mukaukavu muai aloxo 'o mo so ngingi ngalopala lexe Iesua anu ane so Kalaisiti e Mosinge Olusi. Xe loxo ngalopala la ngaxalisou mauli no anu ualasousi.

Tioni 9:35

Xe mune'e la Iesua mulomu lexe mikusaou itema olele laso anu mulai so uxalisou. Muxalisoui la Iesua muvikalanu lexe, “Nini nelopala noxou Itema ane molu noxou Mosinge, o uasi?”

Ta'aposeli 9:20

Ia no voxo ane Ananaiasi muxali noxou la Sauli musoko'u so uvotovoto no anu tatasou lavuloto. Anu muvotovoto lexe Iesua anu Mosinge Olu.

2 Kolini 1:19

Xe nexi noxi'a Sailasi mo Timoti texolu no taingengi la tevotongengixu Mosinge Olu e Iesua Kalaisiti. Mo mulamana noxinge lexe ani xe uasi upita noxou kalumo uasi. Noxou, la mi ma'ia ulemolu ne ani no anusi, uxiunu oponu uasi.

Xalesia 2:20

Xo loxo mililixu Kalaisiti no ovu valautu so musoli la eni kalumo ane. Laso no anu xoluxoluxo alavua 'o la enisi uasi, Kalaisiti a upolonu maulixu noxilo 'o. Mo so no anu xolu­xoluxo so lialia 'o la eni alopala noxou Mosinge Olusi e muse­xelaxo ka mupilixinu maulixu so silo.

1 Tesalonaika 3:5

Laso epalusou Timoti mune'e noxinge xo exolu exolu xo mole talelilili noxinge. Epalusou so ukiloloinge no anu lopala noxinge lexe axova. Xo e'oxe axova, masi tovotovoto noxou Uluaou mu'oki la xaixai noxixe no taingengi mulapau vitanisi.

Ipilu 12:16

Xe mamu so se'i noxinge tamitema so ilixo nuni'u. Xe se'i la tamitema so imatapianu mimi noxou Mosinge a loxo Iso. Xo tanixu laposalaxu ne anu mu'oxo lexe mi vitanisi mo mupilixinu so uno'u lakolisou e la'ilali soxu vilesisi.

Ipilu 4:14

Ioxe, pilisiti tatila na'a nenge u'uli'uli avile ne mu'unalai no anu tasou Mosinge mukalu. Anu Iesua e Mosinge Olu. Laso lopala na'a nenge talemolu la tatetelisou pakia'u.

Ipilu 7:3

Itema ne Mosinge vaikalaou upela'ingexu uasi laso anu loxo momu uasi xe nenu uasi xe nanasou uasi. Anu tava'u uasi mo kaluxusou uasi. Maulixu muxali a loxo noxou Mosinge Olu xo anu uxoxolu no anu tanixu pilisiti ane kaluxu uasi.

1 Tioni 3:8

Mo aloxo 'o. Musoko'u tei tei manina mo mune'e avile 'o la Uluaou usususu utotomu to. Laso loxo itema ulavusou u'oxonu susu la anu noxou Uluaou ane. La tava'u so Mosinge Olu mune'e mupala'a a so umamulonu xaixai noxou Uluaou usu'a avilesi.

Mupala'a 2:10

Xe ngingi la maxuveni uasi la ngata­­vulenu navunavu ia opongengi kalaua uasi. Xo ngalomu, Uluaou upamuxane'i tamitema so ikalavu­sungengi ngingi mose'i. Utovo­ngengi mo ngatavulenu tu'umaxu ulai ulai umomomo no anu voxo 10. Ia ngatetelisou lopala noxinge pumuxu umomomo no anu soli, xo ili'i la eni alosinge mauli so palaisi na'a ngingi.