Matiu 3:7 - Ata New Testament

⁷ Ia anu mumaisi'a tavu'alo noxi'a Tapalisi xe Tasatusi ine'ene'e no apu ne so u'oxonu iloxo so kelele noxi'a la muvikala tatila noxi'a aloxo 'o, “Ngingi ne, ngingi nga­xilisi mo nga'oxo loloxa'a tami­tema, ia anu loxo lamalasini masua uxolu no anangene a loxo tasineke tamasua to. Ena'ei muvikalan­gengi so nga'u­mesou voxo so la'ia e unene'e 'o?

Matiu 3:7 ပူးပေါင်းရင်းမြစ်များ

Matiu 12:24

Ia loxo Tapalisi milo­musi'a la mi'oxo lexe, “Uasi, itema anene ukusai'a ta'angelo tamasua no anu xavi noxou tila noxi'a ta'angelo tamasua e Velisevuli tosi!”

Matiu 12:34

Ngingi loxo tasineke tamasua ane lamalasini masua uxolu no anaxa'a to! Ngingi tamitema so sususi laso vote'i so ngalemolu vaikala laixe axova? Xo mi ma'ia uana'ananixu itema oponu la ula no anaxusi ane.

Matiu 15:12

Xe ili'i la tatisaipeli mine'e mitali'isou lexe, “Axova, nini nelavu lexe Tapalisi milomusou vaikalameni ne la opone'i tu'uma­xuou?”

Matiu 16:1

Ioxe, ane'i Tapalisi oli'a Tasatusi mine'e mitovonu Iesua mo mitali'i noxou lexe u'oxonu sosovo vile so umaxa'u lexe anu molu no tualasou Mosinge.

Matiu 16:6

Xe Iesua mupelototosi'a lexe, “Masi ngamalei laixe. Ngala­xa'inu isiti noxi'a Tapalisi oli'a Tasatusi so opongengi ulai no anu uasi.”

Matiu 22:15

Xe mune'e la Tapalisi milai mipitanu xavutalai'a lexe i'oxo loloxu axova no anu vaikala so loxo u'amo no anu.

Matiu 22:23

Ioxe, no voxo anenesi la Tasatusi se'i mine'e mixali noxou Iesua. Ane'i Tasatusi ne xavutalai'a lexe loxo itema usoli la ukalu avile, Mosinge utulusoula uasi. Mine'e mixali noxou Iesua la mitali'isou aloxo 'o,

Matiu 22:34

Ioxe, Tapalisi milomu lexe vaikalaou Iesua mutomunu anaxa'a Tasatusi laso mine'e mipita noxou.

Matiu 23:33

Ngingi taiaulu ane. Ngingi loxo tasineke ane lamalasini masua uxolu no anangenge ne. Mosinge utongo­ngengi ka upalusinge no anu navu so mamulosi, laso ngamaxale axovae?

Matiu 5:20

Xo tamitema so lavulavu no anu lo oli'a Tapalisi i'oxo lexe ane'i tamitema talapusi. Ia avikala­ngengi aloxo 'o. Loxo ngingi ngaxali talapu manina so uua'ulixa'a avile uasi, la umomomo uasi manina so nga'una ngaxolu no voxo so Mosinge molu u'uli laxune'i tamitemaou no tualasou.

Maki 12:13

Ioxe, mune'e la tatiatila mipa­lusi'a Tapalisi oli'a laili e mivalaxu Eloti se'i milai noxou Iesua. Mipalusi'a so i'oxonu loloxu Iesua no anu vaikala. Xo mimasaxau so loxo Iesua ulemolu vaikala ma'ia susu la ikotixu no anu.

Maki 12:18

Ioxe, mune'e la Tasatusi se'i mine'e mixali noxou Iesua. Ane'i Tasatusi ne xavutalai'a lexe loxo itema usoli la ukalu avile, Mosinge utulusoula uasi. Mine'e mixali noxou Iesua la mitali'isou aloxo 'o,

Maki 8:15

Xe Iesua mupelototosi'a lexe, “Masi ngamalei laixe. Ngalaxa'inu isiti noxi'a Tapalisi oli'a Eloti so opongengi ulai no anu uasi.”

Luku 16:14

Ioxe, ane'i Tapalisi ne ane'i tamitema so i'osasou lamoli misevile. Laso loxo milomusou Iesua muvikala axone la ane'i mimolo sukusou.

Luku 18:11

La anu Palisi ne mutulu mo muvikala lexe, 'Mosilo, eni avikala laixe noxine xo eni loxo tamitema se'i uasi. Eni loxo tamitema ane ipakali o i'oxo ilixo masumasua o ilailai noxi'a tasema vitanisi uasi. Mo eni loxo itema so utaxusou taxisi e utulu olele uasi.

Luku 7:30

Ia ane'i Tapalisi oli'a tamitema so lavulavu no anu lavuloto la mixiunu tumali'aou vote'i laixe e Mosinge mulala­xisi'a ne. Ane'i anene ilai so Tioni u'oxonu ilixo so kelele noxi'a uasi.

Tioni 1:24

Ane'i tamitema ane Tapalisi mipalusi'a mine'e ne,

Tioni 8:44

Ngingi tano­xou maminge to e Uluaou mo ngingi opongengi ututulu so nga'oxonu mimi ane maminge ne umasaxau. Musoko'u tei manina mune'e 'o la anu ulavusou uve'ave'a tamitema isoisoli. Anu muamua'i­xu no anu manina uasi xo manina uxolu noxou uasisi. Loxo anu ulemolu kalavoi la anene ula no anu temanu xoluxoluxu xo anu mosou kalavoi xe anu mami'a tamitema so kalavoisi.

Tioni 9:40

Xe Tapalisi se'i mixolu alai noxou Iesua ne milomu axone la mitali'isou lexe, “Xo axova, na'oxo lexe nexi taxolu iexi selevenu kalumo, ne?”

Ta'aposeli 15:5

Ioxe, se'i noxi'a talopala no anu laili noxi'a Tapalisi milomusou a'alo noxi'a ne xe mi'avuti la mivikala lexe, “Loxo axone, la tamitema noale'ale kalumo ixoto­sou vasime'a mo umulinu lo e Mosisi mulosinge.”

Ta'aposeli 20:31

Laso ngalaxa'i laixe, tangengi­vulusiou pelototo noxilo uasi. Xo exolu no taingengi tau ie tatalu mo kakau olovoxo atalo so avikala lamana noxinge vilevilesi uasi. La ieli lexaxu munixi so emolo lolomumengi.

Ta'aposeli 26:5

Milavusou xoluxolu noxilo tatei axone, mo loxo imasaxau la ivalaxu vaikalaxeli 'o. Ane'i ilavu lexe eni vile noxi'a laili Tapalisi mo emulimulinu lavuloto noxixe. Tapalisi ne i'oki'oki so imulinu mi kitukitusou lavuloto. No anu anene la ane'i iua'ulixu laili se'i no anu lalotu noxixe.

Ta'aposeli 5:17

Xe tiatila noxi'a tapilisiti oli'a tamenexu ane laili noxi'a Tasatusi mimalei lexe tamitema latala milailai noxi'a ta'aposeli, la mi'isuisu manina.

Lomu 1:18

Ia nenge talavu lexe Mosinge uxolu no tualasou laixe mo oponu sixulaou susu mo ilixo masua noxi'a tamitema. Mo anu la'ia noxou ne, anu uxalisi'a, xo ane'i itanuxu vaikala manina noxou no anu ilixo masua ne.

Lomu 5:9

Kalaisiti musoli xe sialuxu munixisinge laso Mosinge mumoxo'inge lexe nenge tamitema talapusi. Xe ili'i no anu voxo noxou Mosinge e so mamulo la nenge tamamulo uasi, tamaulisi xo taxolu noxou Iesua.

1 Tesalonaika 1:10

Mo ngaxolu ngaxomaiou lailivu noxou Olu. Olu Iesua e musoli ka Mosinge mutulusou mupamaulinu mo a uxoxolu no tualasou. Ngaxo­maiou lailivu noxou xo anu so u'umenenge no anu la'ia noxou Mosinge e upala'a ili'io.

Ipilu 11:7

Xo no anu lopalasi laso Mosinge muveletalosou Noa no anu mimi so uxali ili'i la mulomuxu. Xo mimi ne usaxisou uao ia mumama'u laso mulalaxinu lasipi so oli'a ta'olu ixalisou pamauli no anu. Ioxe, lopala noxou Noa ne mupala'anixu ilixo masumasua noxi'a tatemanu lialia lexe opone'i pakia'usi. Ia noxou, la Mosinge mu'osasouxu lopala noxou laso mulemolu lexe anu itema mulapusi.

Ipilu 6:18

Laso ane. Telavu lexe anu umomomo so ukalavoi uasi xo no anu mi tamei pumuxu manina ane telavusou lexe uxiu uasi. Mi e vavalima noxou xe ualasou e musakinu no anu. Xo nenge te'ume telai so taxolu tatalume noxou. Laso oponenge utulu pakia'u mo tateteli no anu mi ane talopalanu taxomaiou so taxalisou ili'i.

1 Tioni 3:10

Ioxe, laso vote'i so tatongo lamana noxi'a tamitema lexe ane'i ta'ei Mosinge ta'olu xe ane'i ta'ei Uluaou ta'olu aloxo 'o. Tamitema ane imulinu ilixo mulapusi uasi ane'i tanoxou Mosinge uasisi. Xe ane'i ane imoxo'a tamitema lexe tavimo'a ia isexelaxa'a uasi, ane'i kalumo tanoxou Mosinge uasi.