Matiu 3:2 - Ata New Testament

² La anu muvivikala lexe, “Ngaxiunu opon­gengi so susu noxinge mo nga'isa­lilinoxu no anu Mosinge oponu. Xo voxo so Mosinge molu u'uli laxune'i tamitemaou no tualasou a alaimanasi.”

Matiu 3:2 ပူးပေါင်းရင်းမြစ်များ

Matiu 10:7

Ngalai la ngalanu vaikala lexe, 'Voxo so Mosinge molu u'uli laxune'i tamitemaou no tualasou a mune'e alai mukalu 'oe.'

Matiu 11:20

Ioxe, anu muxavutalanu tao­taoni se'i e anu mu'oxonu sosovo so xavi tapiena no anu la tatemanu ixiunu mo i'isalilinoxu opone'i uasi. Laso anu musoko'u so uvikala lamana so ilixo masua noxi'a tamitema anene.

Matiu 12:41

No voxo so lakoti tatila ili'i la Tanenive itulu ipala'anixu susu noxi'a tamitema so laili vaimomo 'o. Xo ane'i milomuxu votovoto noxou Iona la mixiunu mo mi'isalilinoxu opone'i. Ia ngalomu, vile uxolu no taingengi 'o ne uua'ulixu Iona avile.

Matiu 13:11

La anu muvika­lane'i aloxo 'o, “Vaikala so voxo ane Mosinge molu u'uli laxune'i tamitemaou no tualasou ne mutalume tatei. Ia vaimomo 'o Mosinge mupala'anixu noxingesi 'o. Mupala'anixu noxinge ia noxi'a levianila uasi.

Matiu 13:24

Ioxe, anu mu'oxonu latilovo vilela noxi'a lexe, “Alulusou voxo so Mosinge molu u'uli laxune'i tamitemaou no tualasou aloxo 'o. Anu loxo itema vile mupeinu uiti ngiaxu laixe so utapu'u no xai.

Matiu 13:31

Xe anu mulosi'a latilovo vile lexe, “Alulusou voxo so Mosinge molu u'uli laxune'i tamitemaou no tualasou aloxo 'ola. Anu loxo ovu masiteti ngiaxu ane itema vile muno'u la mutapu'u no xaixu.

Matiu 13:33

Xe muvikalala lexe, “Voxo so Mosinge molu u'uli laxune'i tamitemaou no tualasou la anu aloxo 'ola. Sema vile mino'u isiti se ka miilanu ilou palaua latala­musou. Miilanu mukalu xe muai sevile sila palaua loloni ne musoxo kena.”

Matiu 13:47

Xe muvikala aloxo 'ola, “Voxo so Mosinge molu u'uli laxune'i tamitemaou no tualasou la aloxo 'o kalumo. Anu loxo kae ane tamitema isu'anu ulu'elai no luaki so ilapune'i tasinana iouiou.

Matiu 13:52

Laso anu muvika­lane'i lexe, “Tamitema so lavulavu no anu lo se'i mixalisou lavulavu no anu voxo so Mosinge molu u'uli laxune'i tamitemaou no tualasou. La ane'i ne loxo mosou tani tatila vile. Anu ulai no tasou iauvaxe noxou so uliulixu mimi lailiaxe e teiteinu xe alavua ula.”

Matiu 18:23

Laso ngalomu, eni a'oxonu latilovosou voxo so Mosinge molu u'uli laxune'i tamitemaou no tualasou aloxo 'o. Anu loxo kingi vile mumasaxau lexe tamitema ta'ei tinatina'uxa'a noxou la ilovonixu.

Matiu 20:1

Ioxe, no anu ngiou so itema loxo u'uli o uili'i la Iesua mulemolu latilovosou. Muvikala lexe, “Xo voxo so Mosinge molu u'uli laxune'i tamitemaou no tualasou la anu aloxo 'o. No kakau manina la itema vile liaxu tavu'alo mulai so utaxusi'a tauokuvoi so ixaxai no anu xai so uaini noxou.

Matiu 22:2

“No voxo so Mosinge molu u'uli laxune'i tamitemaou no tualasou la anu aloxo kingi vile u'oxonu lavilelu so olu utaula'i.

Matiu 23:13

La Iesua musolonu aloxo 'ola, “Anu masua noxinge ngingi tamitema so lavulavu no anu lavuloto xe ngingi Tapalisi. Ngingi tamitema so vaikalamengi tamaxu vilemo no anu ilixomengi to ne. Xo ngingi ngatatuxa'a tamitema laso vote'i uasi so i'unalai ixolu no voxo so Mosinge molu u'uli laxune'i tamitemaou no tualasou. Ngingi menge nga'unalai uasi xe loxo tamitema a so i'unae la ngatanutanuxa'a to!

Matiu 25:1

Ioxe, Iesua musolonu vaikalaou lexe, “No anu voxo olele so Mosinge molu u'uli laxune'i tami­temaou no tualasou la latilovosou aloxo 'o. Tavuanga 10 milai no vote'i so ialaxu itema vile mutaula'i alavua. La mino'u lalamo xo masi olovoxoie'i.

Matiu 25:14

Ioxe, Iesua musolonu aloxo 'ola, “Voxosou Mosinge molu u'uli laxune'i tamitemaou no tualasou la anu aloxo itema vile so mulutu mulai no tuala vile nopaxa. Anu so mulutui la mu'avali'a tauokivoiou mine'e noxou so mupilixinu mimiou no avo'a so isaxila'u.

Matiu 4:17

Ioxe, no voxo anene la Iesua musoko'u so uvotovotone'i tami­tema la muvikala aloxo 'o, “Ngingi ngaxiunu mo nga'isalilinoxu opo­nge­ngi so susu noxinge xo voxo so Mosinge molu u'uli laxune'i tamitemaou no tualasou a mune'e alai mukalu 'oe.”

Matiu 4:23

La Iesua muxixao no xale lia ne Xalili mukalusi mo loxo uxali no tuala ne'ei la ulavusou u'unalai no tasou lavuloto noxi'a so uvotovo­tone'i. Muvotone'i la mulanu vaikala laixesou voxo so Mosinge anu molu u'uli laxune'i tamite­maou. Xe tamitema ta'ei mitavu­lenu tu'utu'umaxu no vasime'a o siki iouiou mukasi'a la anu mupaipoune'isi.

Matiu 5:10

Laixe noxi'a ane'i ane imulinu ilixo mulapusi ka itavulenu tu'umaxusou no avo'a tamitema. Xo voxo so Mosinge molu u'uli laxune'i tamitemaou no tualasou la ane'i a nonano ne kalumo.

Matiu 5:3

“Laixe noxi'a ane'i ane ilavu lexe no anu xoluxoluxu ulene'i la ane'i ta'olo­xolasi. Xo voxo so Mosinge molu u'uli laxune'i tamitemaou no tualasou la ane'i ixolu nonano ne.

Matiu 6:10

Mo voxo so nini mene na'uli laxune'i tami­temameni la laixe so une'e 'osi. Xe naxalixu nene'axu masaxa noxine no lialia 'o a loxo nalavusou naxalixu no tualasine lailaixe ne.

Matiu 6:33

Laso laixe so ngingi opo­nge­ngi u'oxoxu voxo ane Mosinge molu u'uli laxune'i tamitemaou xe ilixo malemalenga noxou. Xo loxo mimi so xoluxolungenge 'o ne anu a upipilixinu noxinge 'oe.

Maki 1:15

La muvikala aloxo 'o, “Taimu mutiatila a muxali 'oe. Voxo so Mosinge molu u'uli laxune'i tamitemaou a mune'e ala'alai mukalu. Ngingi ngaxiunu opongengi mo nga'isalilinoxu no anu Mosinge oponu so susu noxinge. Mo opongengi ukasou vaikalaou laixe lexe maninasou.”

Maki 1:4

Laso maixene Tioni itema so u'oxonu ilixo so kelele muxali no xale lia esi'esi. Muxali la mulanu vaikala noxi'a tamitema lexe ixiunu opone'i mo i'isalilinoxu no anu Mosinge vaikalaou. Mo i'oxonu ilixo so kelele so imaxa'u lexe Mosinge muiasou susu noxi'a.

Maki 6:12

Iesua mupela'a tatisaipeliou axone mukalu la ane'i milai. Milai la milanu vaikala noxi'a tamitema lexe ane'i ixiunu opone'i so susu noxi'a.

Luku 1:16

La anu itema ne ulivunixi'a tamitema Ta'isilaeli tavu'alo ilai noxou Tatananenge anu Mosi'a.

Luku 11:20

Ia loxo Mosinge avolu uxolu noxilo so akusai'a ta'angelo tamasua la masi ngalavu lexe voxo so Mosinge molu u'uli laxune'i tamitemaou a mune'e alai noxinge 'oe.

Luku 13:3

Uasi to, anene tava'u uasi. Ia avikalangengi lexe loxo ngingi ngaxiunu opongengi mo nga'isalilinoxu uasi, la ngingi ngamamulo axone kalumo.

Luku 13:5

La uasisi, tava'u axone uasi. Ia avikalangengi lexe loxo ngingi ngaxiunu opongengi mo nga'isalilinoxu uasi, la ngingi ngamamulo axonesi.”

Luku 15:10

La Iesua muvikalane'i lexe, “Avikalangengi lexe osa'ila axone uxali no taine'i ta'angelou Mosinge no voxo loxo itema so ilixo masumasua soxu vilesisi uxiunu oponu mo u'isalilinoxu.”

Luku 15:7

La Iesua muvikala aloxo 'ola, “Avikalangengi lexe tami­tema 99 loxo milapusi mukalu la tava'u so ixiunu opone'i mo i'isalilinoxula uasi. Laso anu laixe, ia loxo itema so ilixo masumasua soxu vilesisi uxiunu oponu mo u'isalilinoxu la osa'ilasou no tualasou Mosinge uua'ulixu ane so si'a 99 olele.”

Luku 16:30

La anu itema ne muvikala lexe, 'Uasi, mamilo Apala'amuo, ane'i ilo­muxu anene uasi. Ia loxo itema vile ane musoli umaulila xe ulai noxi'a, laso ane'i ixiunu opone'i mo i'isalinoxu ane.

Luku 21:31

La anu axonesi. Loxo ngamai­sou mimi ne uxaxali la ngatongonu lexe voxo so Mosinge u'uli laxune'i tami­temaou a mune'e ala'alai ne.

Luku 24:47

Xe no anu ualasou la ane'i tamitemaou ilanu vaikala noxi'a tamitema so xale tuatuala mukalusi. Ilanu vaikala lexe ane'i ixiunu mo i'isalilinoxu opone'i laso Mosinge uiasou tina'uxa'a so susu. Laso ane, xaixai anene ngasoko'u ne Ielusalemo 'o.

Luku 6:20

La Iesua iou muxiu mulaii'a tatisaipeliou la muvikala aloxo 'o, “Laixe noxinge ane xoluxolu­ngenge loxo ta'oloxola xo ili'i la ngingi ngaxolu nonano no voxo so Mosinge molu u'uli laxune'i tamitemaou.

Luku 9:2

Xe mupalusi'a so ilanu vaikala laixe so voxo ane Mosinge molu u'uli laxune'i tamitemaou xe so ipai­poune'i tamitema loxo itavu­lenu tu'umaxu no vasime'a.

Ta'aposeli 11:18

Taiuta talopala ne milomusou vaikalaou Pita laso ane'i opone'i lelemesou mo ivikala mi vilela uasi. Ane'i mi'itinu Mosinge ualasou mo mivikala lexe, “Ai vaimomo 'o nenge talamana. Mosinge mu'oxonu vote'i so tamitema noale'ale kalumo loxo ixali lamana no anu susu noxi'a la ixalisou pamauli.”

Ta'aposeli 17:30

Xo tatei la tamitema ilamana axone uasi la Mosinge iou muvaxaousi. Ia vaimomo 'o anu uvikala pakia'u lexe tamitema ixiunu opone'i mo i'isalilinoxu noxou.

Ta'aposeli 2:38

La Pita muvikalane'i lexe, “Ngingi mukalusi ngaxiunu mo nga'isalilinoxu opongengi no anu Mosinge vaikalaou. Ukalu laso nexi ta'oxonu ilixo so kelele noxinge no anu lexa. Takeleni­ngenge axone no anu ualasou Iesua Kalaisiti xo anu ukalusou tina'u­ngenge so susu xe u'oxonu iaiama so ulosinge Ulenu Laixe.

Ta'aposeli 20:21

Uto­tomu eni epilixinu vaikala lamana noxi'a Taiuta xe noxi'a Takiliki lexe vote'i vilesisi ane so ta'isalilinoxu oponenge so susu noxinge mo talopala noxou Tatananenge Iesuasi.

Ta'aposeli 26:20

Laso tei la eni evotovoto noxi'a tamitema ne Tamasikusi. Xe mune'e la ene'e ne Ielusalemo xe no xale tuatuala ne Iutea. Mo esuku avile elai noxi'a tamitema noale'ale kalumo. Evoto­voto lexe ane'i ixiunu opone'i mo i'isalilinoxu noxou Mosinge. Xe loxo i'oxo axone la anu uxalixu nene'axu no anu xoluxolu noxi'a.

Ta'aposeli 3:19

Laso ngingi ngaxiu­nu opo­ngengi so susu noxinge mo nga'isa­lilinoxu no anu Mosinge vaikalaou. Laso Mosinge uiasou susu noxinge mo Tatananenge u'oxonu vasi­menge uxolu mana­mana'u.

2 Kolini 7:10

Xo tu'umaxu no oponu itema loxo u'avuti no anu masaxa noxou Mosingesi la anene uxalixu xiu ane. Xe ili'i la itema ne u'osasou tu'umaxu anene xo muxalixu pamauli noxousi. Ia loxo itema oponu tu'umaxuou mimi so lialia 'osi la anene uxalixu nene'axu uasi, uxalixu solisi.

Kolosi 1:13

Xo tei la nenge texolu no anu xavinu isivoxosi. Ia anu mu'umenenge ka muvulanenge so taxolu no anu laili noxou Olu e usexelaxu so molu u'uli laxunenge.

2 Timoti 2:25

Mo ane'i tamitema so xilili la uxaxaisi'a se'isisi so ulovonixu xavutalai'a. Xo axone la Mosinge masi uxalixu vote'i so ixiunu mo i'isalilinoxu opone'i so susu noxi'a kaio vaikala manina upalasi noxi'a.

Ipilu 6:1

Ioxe, laso votovoto tavatava'u so Itema Mosinge musosovosou la ta'oso'oso no anusi uasi. Tasu'anu talanengeou mo xavinenge so tasukusuku talai no anu mimi ane so u'oxonu lopala noxinge uleme. Xo tei la telamana mo tepilixinu xaixai ane mauli no anu uasi mo so telopala noxou Mosingesi. Anene tava'u lopala na'a nenge ia mamu so talivulivuou utotomu.

2 Pita 3:9

Tava'u ma'ia so Tatananenge uxalixu nene'axu vavalima noxou ne uao? Xo anu uvovoxo vitanisi aloxo tamitema se'i ilemolu 'o? Uasi to, anu uxomaiengi se'isisi xo masaxa noxou lexe vile noxinge umamulo uasi. Oponu lexe ngingi mukalusi ngaxiunu opongengi so susu noxinge mo nga'isalilinoxu noxou.

Mupala'a 2:21

Ako­line kolokolo uasi xo mo ixiunu opone so susu noxie. La uasi, imasaxau so ixiunu opone so ilixo nuni'u ne uasi.

Mupala'a 2:5

Xo ngaxa­vutalanu vote'i laixe ngemulinu tei a ngapolo no anula uasi. Laso ngaxiunu opongengi mo nga'isa­lilinoxu no anu ilixo laixe noxinge tei. Ia loxo nga'oxonu axone uasi la eni ane'e noxinge so axexenu lalamo noxinge no anu tanixu ne.