Matiu 27:2 - Ata New Testament

² Mukalu la misakinu Iesua mo milaixu mipilixinu no anu Pailati avolu.

Matiu 27:2 ပူးပေါင်းရင်းမြစ်များ

Matiu 20:19

La ane'i i'italonu noxi'a tamitema noale'ale so ane'i imolo sukusou xe ipuapuasou. Ukalu la ililixu no anu ovu valautu so usoli. Usoli ia no anu voxo tatalusou la utulu umaulila.”

Matiu 28:14

Xe loxo tila no anu xamani ulomu axone la nexi mexe tavikalanu mo so ngingi ngatavu­lenu tu'umaxusou mi 'o uasi.

Luku 13:1

Ioxe, Iesua mulanu vaikala axone mukalu la tamitema se'i mia'alou no anu mi vile masua muxalisi'a Taxalili se'i. Ane'i a mixolu mive'ave'a tamisoposi so lexe noxou Mosinge. Mixolu sila Pailati mupalusi'a ta'amiou la mive'ave'a tamitema ne mole sialuxa'a munixi mo mupita no anu sialuxa'a tami­soposi.

Luku 20:20

Ioxe, ane'i tatiatila mituluxu Iesua laixe mo so loxo upolo va'axu no anu vaikalaou vile la itetelisou ka ipilixinu no avolu tila no anu xamani so ukotixu. Laso mipalusi'a tamitema se'i ane mikalavoi lexe ilolomu laixe noxou ia loxo manina la mine'e so milakokongoxusi.

Luku 23:1

Ioxe, tatiatila mukalusi ne mi'a­vuti la milaixu Iesua so itulusou no laxunu Pailati.

Luku 23:12

Tatei la Eloti ilou Pailati mixolu tauluai'a ngato'o ia mu­soko'u no voxo ano'osi la opone'i mulu'e mo mi'osasi'a ngato'o.

Luku 3:1

Ioxe, Sisa Taiveliusi muxolu mukingi noxi'a Talomu tau iexu 15 xe Ponitiasi Pailati mutulu kisou xamani no anu xale lia ne Iutea. Mo no voxo anene kalumo Eloti mu'uli laxunu xale lia ne Xalili xe vimou Pilipi mu'uli laxunu xale lia ne Itulia mo Talakonitisi xe Lisaniasi mu'uli laxunu xale lia ne Avilene.

Tioni 18:12

Mukalu la laili ami oli'a tilasi'a xe tamitema so latolo noxi'a Taiuta mitetelisou Iesua kaio misaki­sakinu no lamota.

Tioni 18:24

Mukalu la Anasi mupalusou Iesua mulai noxou tilasi'a tapilisiti e Kaiavasi. La lamota e misakinu no anu tei a usaki uxoxolu noxousio.

Tioni 18:28

Ioxe, ane'i Taiuta milanu Iesua no tasou Kaiavasi so milaixu no tasou tila no anu xamani. La anene no kakau manina. Milaixu no tasou tila ne ia ane'i me'a i'unalai uasi xo lo noxi'a muvikala lexe mi axone uxalixi'a nuni'a no iou Mosinge, la mimasaxau ixolu malemalengasi mo so ipita i'ani no anu lavilelu so Mualasi'a.

Ta'aposeli 12:6

Ioxe, Eloti musosovosou voxo so itulusou Pita no lakoti loxo ne'iela no kakau. Ia olovoxosio, la Pita muai no taine'i ta'ami tamei. Muai la ane'i misakinu no anu seni aini tamei xe ta'ami tamei a mixolu milo no anu aitengaxu lakalavusu kalumo.

Ta'aposeli 21:33

Ioxe, mixali mukalu la tatila ne muvikalane'i ta'amiou lexe iteteli­sou Polu mo isakinu no anu seni tamei. Mukalu la mutali'i lexe, “Itema ano'o ena'ei? Anu mu'oxonu mi ma'ia?”

Ta'aposeli 22:25

Laso ane'i ta'ami misakinu tava'u ilou avolu mo milalaxi so ipuapuasou. Milalaxi axone ia Polu iou mukaou tila vile noxi'a ta'ami a mututulu la mutali'isou lexe, “Loxova? Loxo tiasi utongonu itema vile Lomu no anu lakoti uao, la anu laixe so ngapuasou vitanisi. Anu lo uvikala axone, ne?”

Ta'aposeli 22:29

La ta'ami ane milalaxi so ipuasou milomu axone, la alaxu vilesisi mi'ume. Mo tila noxi'a ta'ami oponu mu'olo'olo xo anu molu mupalusi'a ta'ami so misa­kinu Lomu vile e Polu no anu seni.

Ta'aposeli 24:27

Muxoxolu muxo­xolu xo mo tau ie tamei mulai mukalu. Peliki ne anu mumasaxau uxilisi noxi'a Taiuta so i'osasou laso anu upilixinu Polu ula no lakalavusu uasi. Xe mune'e la itema vilela muno'u tanixu Peliki so mutulu tila no anu xamani, ualasou lexe Posiusi Vesitusi.

Ta'aposeli 28:20

Eni a'avalinge so tapita 'o xo tava'u aloxo 'o. Eni emasaxau avikala lamana lexe misakileli no anu seni ano'o xo ma'ia. Misakileli xo eni opoleli ututulu no anu mi e nenge Ta'isilaeli taxomaiou.”

Ta'aposeli 3:13

Ngalo­mu. Mosinge e Mosi'a Apala'amu xe Aisaki xe Iakovo xe ta'ilusu­nenge, anu molu mu'itinu itema so xaixai noxou e Iesua. Itema e ngingi nge'italonu no avo'a ta'ulaou so ivau usoli. Pailati mulalaxinu oponu lexe u'oxo mi vile noxou uasi, ia ngingi menge ngexiunu tumalinge noxou mo ngevikala lexe uvau.

Ta'aposeli 4:27

Mosixe, manina misevile, ane'i Eloti ilou Ponitiasi Pailati oli'a Ta'isilaeli xe tamitema so tuatuala noale'ale, ane'i mipita no tuala 'o so milalaxinu opone'i. Milalaxinu opone'i so imasuanu itema so xaixai noxine malemalenga nesosovosou e Iesua no anu vote'i axova.

Ta'aposeli 9:2

Mulai so mulinga noxou lexe ukaukavunu lapasi so anu Sauli ulaixu ne Tamasikusi. Ulaixu ne Tamasikusi mo ulosoie'ixu tatiatila no anu tatasou lavuloto noxi'a Taiuta. Lapasi ne muvikala lexe tatiatila noxi'a tapilisiti ivalaxu xaixai noxou Sauli. Mo so loxo Sauli uxalisi'a tamulu o tasema ta'ei imulinu vote'i noxou Iesua la anu utetelisi'a mo ulaixi'a ilivu ne Ielusalemo.

1 Timoti 6:13

Eni pelototo pakia'u vile so alemolu noxine ia enisisi uasi. Alemolu no iou Mosinge e mosou mauli xe no iou Kalaisiti Iesua e mutulu muvikala lamana no laxunu Ponitiasi Pailati. Pelototo aloxo 'o.

2 Timoti 2:9

Alalanu la anenesi tava'u so tamitema ilosilo tu'utu'umaxu. Ilosilo tu'u­tu'uma­xusou mole mikalavusuleli aloxo eni alasikelisi. Ia mi vile uasi, xo imomomo so ikalavusunu vaika­laou Mosinge uasisi.

Ipilu 13:3

Xe tange­ngixa'a tavivinge ikalavusu a loxo ngingi menge ngaxolu ngakalavusu ne. Xe ane'i ane taxilili ilosi'a tu'umaxu la tangengixa'a a loxo ngingi ngatavulenu tu'umaxu no vasimenge kalumo.