Matiu 2:6 - Ata New Testament

⁶ 'Ia nini Peteliemuo no xale lia ne Iuta, nini ualasine kitua no taine'i tuatuala uasi. Xo ane'i tamite­masou tuatuala se'i itulutulu tatiatila, ia Itema vile so usaxila'a tamite­maxeli Ta'isilaeli molu noxinesi.'”

Matiu 2:6 ပူးပေါင်းရင်းမြစ်များ

Matiu 2:1

Ioxe, Malia mivo'onu Iesua no xale lia ne Iutea no tuala ne Peteliemu no mine Eloti muxolu kingisio. Ane mivo'onu la tamitema se'i so lavulavu me'a no anu xale lia no Isiti loxo aso uxali. Me'a nopaxa ne mine'e xo laso mixali ne Ielusalemo.

Matiu 28:18

Xe Iesua mune'e alai noxi'a la muvikalane'i lexe, “Mosinge mulosilo xavi so a'uli laxunu mimi mukalusi no lialia xe no tualasou.

Tioni 21:16

Xe Iesua mutali'i noxou alaxu tameisoula aloxo 'o, “Saimoni e Tioni oluo, axova, nini nasexe­laxo?” La anu mukolinu lexe, “Ani, Tatanaleli, nini nelavu lexe eni asexelaxene ane.” Laso Iesua muvi­kalanu aloxo 'o, “Ioxe, laso nalaxa'ine'i tasipisipixeli.”

Tioni 7:42

Xo vaikala no anu lavukou Mosinge muvikala lexe anu ane so Kalaisiti loxo uxali la anu ilusunu Teviti mo anu itema so tuala Peteliemu e nunisou Teviti.”

Epesusi 1:22

Mo Mosinge mumulaxu mimi mukalusi uai no laxu Kalaisiti so umaloxo'u. Mumaxa'u axone lexe anu kisou mimi mukalusi. Xe no anu pita noxou la anu anusisi kisou kalumo.

Kolosi 1:18

Anu kisou pita noxou xe pita anu vasimolu. Anusisi tava'u maulixu pita. Anu laposalaxu ane mutulu mumauli no anu soli la mu'uli noxi'a leviani ane so itulutulu. Mo so axone la anu upalasi lexe anu u'uli'uli no anu mimi mukalusi.

Ipilu 7:14

Xo loxo telavu, Tatananenge anu muxali no anu laili noxou Iuta. Xe no anu tanixu pilisiti no anu laili anene, la Mosisi vaikala vile no anu uasi.

Mupala'a 11:15

Ioxe, angelo 7-si'a mutaunu piuka noxou. La elomusou xolixoli no tualasou Mosinge muvikala aloxo 'o, “Tatananenge ilou Itema e musosovosou lexe Kalaisiti ne ane'isisi takingi, xo ilou mino'u tanixa'a takingi so lialia mukalusi. Ane'isi ixolu i'uli'uli avile kaluxu uasi.”

Mupala'a 2:27

I'uli laxu­ne'i mo so loxo tamitema ta'ei ixilili la ikasi'asi. Anu loxo itema ukapikapinu pilika so u'oxo lasopeni xe umaisou lexe masua la uno'u aini so umamulonu. Xavi anene exalisou noxou Mamilo laso apilixinu noxi'a kalumo.

Mupala'a 7:17

Xo Sipisipi Ilie uxolu nonixi manina no anu sia kingi. La anu usaxila'a a loxo itema usaxila'a tasipsipi. Mo upamuxane'i so ilai iie no anu lexa so mauli no luxu. Xe ie'i lexaxu la Mosinge uiasou mo so itamala uasi.