Matiu 2:2 - Ata New Testament

² Mixali la mitalitali'i lexe, “Keakea e so kingi noxi'a Taiuta a uxolu ne'ei? Nexi texolu no tualasixe no aso uxali la temaisou taoto vile so musoso­vosou laso tene'e so taitinu ualasou.”

Matiu 2:2 ပူးပေါင်းရင်းမြစ်များ

Matiu 2:3

Xe Kingi Eloti mulomusou tali'i noxi'a la anu mukuluke la tanulili. Mo tamitema ne Ielusalemo ane'i tane'ilili kalumo.

Matiu 21:5

“Ngavikalane'i tatemanu tuala Saioni lexe, 'Ngamalei kingimengi a une'e 'oe. Anu ulu'enu xo une'e no anu tonikisi. Utalupexa no anu toniki maulu sika une'esi.'”

Matiu 27:11

Ioxe, Iesua mutulu no laxunu tila no anu xamani e Pailati la anu mutali'isou Iesua lexe, “Nini kingi noxi'a Taiuta, ne?” La Iesua mukolinu lexe, “Ani, aloxo nini mene nelemolu.”

Luku 19:38

La mi'ava'ava aloxo 'o, “Oponenge u'osasou Mosinge misevile mo ta'itinu ualasou. Tatananenge u'oxonu laixe noxou kingi ane molu mupalusou 'o. Anu uxolu no anu xoluxolu lalavulusi mo iaxu no tualasou.”

Luku 2:11

Xo no anu taoni noxou Teviti la sema vile mivo'o mo ilie ne anu so upamau­lingengi. Anu ane Mosinge muso­so­vosou so Kalaisiti mo anu Tatananenge ane.

Luku 23:3

La Pailati mutali'isou Iesua lexe, “Nini kingi noxi'a Taiuta, ne?” La Iesua mukolinu lexe, “A loxo nini mene nelemolu ne.”

Luku 23:38

La ane'i mikaukavu no anu mi vile mo miteinoxu no ovu valautu teitexi no kisou. Kaukavu ne aloxo 'o, “Ano'o kingi noxi'a Taiuta.”

Tioni 1:49

Sila Natanieli muvikala noxou lexe, “Tisa, manina, nini Mosinge Olu. Nini nakingi noxixe Ta'isilaeli.”

Tioni 12:13

Laso ane'i mixoto­sou pamu teti avo'avolu ka milai miaalaxu no vote'i. La misoko'u so i'ava'ava lexe, “Oponenge u'osasou Mosinge misevile mo ta'itinu uala­sou. Tatananenge u'oxonu laixe noxou Itema anu molu mupalusou. Anu e kingi so xale lia Isilaeli.”

Tioni 18:37

Ka Pailati mutali'isoula lexe, “Laso anu manina lexe nini nakingi, ne?” La Iesua muvikalanu lexe, “Nini mene nelemolumo lexe eni akingi. Tava'u so evo'o exali no lialia a so apalapala'anixu vaikala anu temanu maninasi. Xe tamitema mukalusi ane so vaikala anu temanu mani­nasi ne ilavusou ilolomuxosi.”

Tioni 19:19

Xe aloxo 'o. Pailati mupilixinu vaikala so lexe kaukavu vile ulili teitexi no anu ovu valautusou Iesua. Kaukavu ne aloxo 'o, “Ano'o Iesua so Nasaleti, anu kingi noxi'a Taiuta.”

Tioni 20:28

Sila Tomasi muvikalanu lexe, “O, nini Tata­naleli mo nini Mosilosi.”

Tioni 5:23

Mu'oxonu axone mo so tamitema mukalusi itaxanu ualasou Olu iou vilesisi aloxo ane'i itaxanu ualasou Maminge. Maminge molu mupa­lusou Olu laso loxo itema utaxanu ualasou Olu uasi la anu utaxanu ualasou Maminge uasi ane.

Tioni 9:38

Sila anu muvikalanu lexe, “Tatanaleli, eni alopalasi.” La muxolasou tava'u mo mutanga­tuluou Iesua xe mu'itinu ualasou.

Ipilu 1:6

Mo no voxo loxo mupalusou Olu laposalaxu mulu'e no lialia la muvikala lexe, “Ngingi ta'angelou Mosinge muka­lusi nga'itinu ualasou.”

Mupala'a 22:16

Eni Iesua a. Eni ane epalusou angeloxeli une'e noxinge. Mune'e la pelototosi'a tatemanu pitapita la muvulunu noxinge. Eni e vuvulu'u kingi Teviti mo eni a ilusunu a. Eni taoto ane uiei tatila no maxasesela.”