Matiu 10:4 - Ata New Testament

⁴ Mo Saimoni anu so laili noxi'a Taseloti xe Iutasi Isikalioti e itema ane so upilixinu Iesua no avo'a tauluaou.

Matiu 10:4 ပူးပေါင်းရင်းမြစ်များ

Matiu 26:14

Xe no voxo anene vile noxi'a tatisaipeli 12 e ualasou lexe Iutasi Isikalioti mulai noxi'a tatiatila noxi'a tapilisiti.

Matiu 26:15

La anu muta­li'isi'a lexe, “Loxo eni apilixinu Iesua no avonge la ngingi ngako­linu no anu mi ma'ia so ngalosilo?” Laso ane'i mipilixinu lamoli siliva 30 noxou.

Matiu 26:2

“Ngingi nge­la­vu, voxo tameisi a uxolu so lavilelu so Mosinge Mualasi'a uxali. La ane'i ipilixinu Itema ane molu noxou Mosinge no avo'a tauluaou ka ililixu no ovu valautu so usoli.”

Matiu 26:47

Iesua a uvivikala axonesio la Iutasi e vile noxi'a tatisaipeli 12 oli'a tamitema latala mine'ene'e mixali. Ane'i a mitetelisou lavilaviso so oto ilou kulukulue. Ane'i tatiatila noxi'a tapilisiti xe tatiatila noxi'a Taiuta mipalusi'a mine'e axone soitetelisou Iesua.

Matiu 27:3

Xe Iutasi e mupilixinu Iesua no avo'a tauluaou mumalei lexe tatiatila noxi'a tapilisiti oli'a tatiatila noxi'a Taiuta misakinu vaikala no lakoti lexe ivau Iesua usoli. Mumalei axone xe muxa­mulinu lexe oponu muto'omolu laso mulivunoxu lamoli siliva 30 olele noxi'a tatiatila ne.

Maki 14:10

Ioxe, tisapeliou ane ualasou lexe Iutasi Isikalioti mulai noxi'a tatiatila noxi'a tapilisiti. Mulai noxi'a so uvikala lexe anu upilixinu Iesua no avo'a.

Maki 14:43

Iesua a uvivikala axonesio la vile noxi'a tatisaipeli e Iutasi mune'e muxali. La oli'a tamitema latala mine'ene'e. Mine'ene'e la mitete­lisou lavilaviso ilou kulu­kulue. Ane'i tatiatila noxi'a tapilisiti xe tamitema so lavulavu no anu lavuloto xe tatiatila noxi'a Taiuta mipalusi'a. Mipalusi'a mine'e so itetelisou Iesua.

Luku 22:3

La Uluaou mu'unalai noxou Iutasi e ilemolu lexe Isikalioti. Anu vile noxi'a tatisaipeli 12.

Luku 22:47

Ioxe, Iesua uvikalane'isio la tamitema latala a mine'e. La itema e ilemolu Iutasi, anu vile noxi'a tatisaipeli 12 a mu'uli so ulo­soie'ixu vote'i. Anu mune'e muxali noxou Iesua sila mu'oxo so lexe umaxa'u sexela noxou.

Tioni 13:2

No anu olovoxoe la Iesua oli'a tatisaipeli mixolu so i'ani. La no voxo ne Uluaou mu'unanu xavutalaou noxou Iutasi tanu mukalu so lexe upilixinu Iesua no avo'a tauluaou. Iutasi ne anu Saimoni Isikalioti olu.

Tioni 6:64

Ia ane'i mose'i noxinge ilopala to uasi.” Mulemolu axone xo loxo mala'o musoko'u xaixai noxou la mu­lavusi'a ane'i ane so ilopala uasi xe anu ane so upilixinu no avo'a tauluaou.

Tioni 6:71

Anu mutotoka­lasou Iutasi e Saimoni Isikalioti olu xo anu vile noxi'a tatisaipeli 12 olele mo anu mosou e so upilixinu Iesua no avo'a tauluaou ili'i.

Ta'aposeli 1:13

Ane'i mixali no tani la mitelai no anu ngiou tameisou teitexi ane mixoxolu no anu. La ualaualasi'a aloxo 'o. Pita xe Tiemisi xe Tioni xe Enitilu xe Pilipi xe Tomasi xe Patolomiu xe Matiu xe Tiemisi ane Alipiusi olu xe Saimoni ane so laili Seloti xe Iutasi Tiemisi olu.

Ta'aposeli 1:25

Laso anu uxali aposeli so uno'u tanixu Iutasi. Xo Iutasi muxexesou xaixai ano'o mukalu mo mulai no anu tuala ane mulovo no anu ilixo noxou.”