Matiu 10:2 - Ata New Testament

² La ualaualasi'a ta'aposeli 12 ne aloxo 'o. Saimoni ane ualasou vile lexe Pita xe vimou e Anitilu xe Tiemisi ilou vimou Tioni e Sepeti ta'olu.

Matiu 10:2 ပူးပေါင်းရင်းမြစ်များ

Matiu 17:1

Ioxe, voxo 6 mulai mukalu laso Iesua mu'avali'a Pita xe Tiemisi xe Tioni so imulinu. Mimulinu la mitelai no la'olu vile teitexi mo ane'isisi mixoxolu ne.

Matiu 20:20

Xe ili'i la Sepeti ta'olu tamei oli'a neni'a mine'e noxou Iesua. Mine'e la ane mixolasou tava'e so itangatuluou Iesua so lexe ilingau mi vile noxou.

Matiu 26:37

La anu muno'a Pita xe Sepeti ta'olu tamei so oli'a milai va'axu sevile. La muxamulinu oponu mu'avuti lexe tu'umaxu mukasou.

Matiu 4:18

La voxo vile Iesua mumua­mua'i no pa'umolu kupa toxoxu ne Xalili. Mumuamua'i la muxalisi'a Saimoni e ilemolu lexe Pita ilou vimou Anitilu a i'oxo so isu'anu uveni no kupa ne xo anene xaixai noxi'a so ikaine'i tasinana.

Matiu 4:21

Xe Iesua mumuamua'i musuku sevilela la mumaisi'a tamitema tamei oli'a mami'a ixolu. Vile ualasou lexe Tiemisi xe vimou ualasou lexe Tioni. Ane'i oli'a mami'a Sepeti a mixolu no poutii'a tatila so i'isalilinoxu uvenixa'a. Iesua mumaisi'a la mu'avali'a ilou.

Maki 1:29

Ioxe, anu oli'a milala no tasou lavuloto la milai avile no tasi'a Saimoni ilou Anitilu. Milai la oli'a Tiemisi xe Tioni.

Maki 13:3

Xe mune'e la Iesuaena mixolu no la'olu Olivi la iou mulaiou tasou Mosinge muxolu xalevile olele. La Pita xe Tiemisi xe Tioni xe Anitilu mine'e mitali'isou aloxo 'o,

Maki 6:30

Ioxe, tatisaipeliou Iesua mixi­xao­xao xo xe milivu mipita noxou. La mia'alo noxou no anu xaixai mo votovoto e mi'oxonu no tuatuala.

Luku 11:49

Laso lavulavu u'asi'asi noxou Mosinge muvikala aloxo 'o, “Eni apalusi'a tapolopeti oli'a ta'aposeli ilai noxi'a. Ilai ia tamitema i'oxonu masua noxi'a se'i mo se'i la ive'a isoisoli.

Luku 22:14

Mune'e xe voxo so ani'ani muxali la Iesua mutalupexa so u'ani no latevolo, la oli'a ta'apo­seliou.

Luku 22:8

Laso Iesua mupalusi'a Pita ilou Tioni milai. La muvikalane'i lexe, “Ngingi ngolou ngalai ngala­laxinu la'ilali so ta'ou xo taso­sovosou Mualasi'a.”

Luku 5:10

Ane'i Saimoni tavaita­miou tamei Tiemisi ilou Tioni e Sepeti ta'olu la mikuluke kalumo. La Iesua muvikalanu Saimoni lexe, “Na'ume uasi, xo vaimomo 'o ngataxusi'a tasinana ia ili'i la xaixai noxinge so ngataxusi'a tamitema.”

Luku 9:10

Ioxe, ta'aposeli mixixao no tuatuala xo xe milivu mixalii la mia'alou Iesua no anu mimi mukalusi ane milai mi'oxonu. Laso Iesua mu'avali'a lexe oli'a ixexesi'a latala so ane'isisi ilai no tuala vile ualasou lexe Vetisaita.

Tioni 12:22

Laso Pilipi mulai muvikalanu Anitilu kaio ilou mikei milai milemolu noxou Iesua.

Tioni 13:23

La tisiape­liou Iesua vile ane musexelaxu misevile muxolu alai se no pa'umolu.

Tioni 20:2

Laso ane miiave xo la mixali noxi'a Saimoni Pita ilou tisaipeli e Iesua musexelaxu misevile kaio mivikalane'i lexe, “Ane'i mixexenu Tatananenge vasimolu mula no lulu mo talavu lexe mimulaxu ne'ei uasi.”

Tioni 21:2

Voxo vile la Saimoni Pita xe Tomasi e ualasou vilela lexe Titimusi xe Natanieli anu so taoni Kana ne Xalili xe Sepeti ta'olu tamulu tamei xe tatisaipeliou Iesua tameila ane'i mukalusi mixoxolu.

Tioni 21:20

Ioxe, Pita muxiu loxo 'o mo musaxisou tisaipeli e Iesua musexelaxu misevile a umuline'i ilou. Tisaipeli ne anu e musae alai no pa'umolu Iesua no olovoxo loxo mixolu mi'ani ka mutali'isou lexe, “Tatanaleli, ena'ei so upilixineni no avo'a tauluameni?”

Tioni 21:24

Anu tisaipeli nesi anu a ulalanu vaikala so upala'anixu mimi 'oe. Anu molu mukaukavunu mo a uxoxolu 'o. Xe nenge telavu lexe vaikalaou mulalanu ne anu maninasi.

Tioni 6:67

Laso Iesua mutali'isi'a tati­saipeliou 12 olele lexe, “Axova, ngingi ngaxexesilo ngalailai ka­lumo?”

Tioni 6:70

La Iesua mukoline'i lexe, “Eni melo eiloungengi ngingi 12 'o ia vile no taingengi anu noxi'a ta'angelo tamasuamo.”

Tioni 6:71

Anu mutotoka­lasou Iutasi e Saimoni Isikalioti olu xo anu vile noxi'a tatisaipeli 12 olele mo anu mosou e so upilixinu Iesua no avo'a tauluaou ili'i.

Tioni 6:8

Ioxe, tisaipeliou vile ualasou lexe Anitilu e Saimoni Pita vimou, mune'enu molomolo vile noxou Iesua la muvikala lexe,

Ta'aposeli 1:13

Ane'i mixali no tani la mitelai no anu ngiou tameisou teitexi ane mixoxolu no anu. La ualaualasi'a aloxo 'o. Pita xe Tiemisi xe Tioni xe Enitilu xe Pilipi xe Tomasi xe Patolomiu xe Matiu xe Tiemisi ane Alipiusi olu xe Saimoni ane so laili Seloti xe Iutasi Tiemisi olu.

Ta'aposeli 1:26

Mivikala noxou Mosinge muka­lu la ane'i mi'oxonu ilixo so uala. La Matiasi ualasou muxali. Laso ane'i mipitanu noxi'a ta'aposeli 11.

Ta'aposeli 12:2

Mo anu muvi­kala laso tamitemaou mivau Tiemisi e Tioni vimou musoli. Ane'i mivau no anu laviso so oto.

Ta'aposeli 3:1

Ioxe, no o'olovoxo vile no aso iou tatalu la Pita ilou Tioni milai no tasou Mosinge. Xo anu aso iou anene ane'i milavusou mivikala noxou Mosinge.

1 Kolini 15:7

Xe mune'ela la anu mupala'a noxou Tiemisi xe mukalu la mupala'a noxi'a ta'aposeliou muka­lusi.

Epesusi 4:11

Mimi lailaixe muiti'a tamitema ne lavulavu so xaixai aloxo 'o. Noxi'a se'i la ane'i tamitema ta'aposeli xe se'i tamitema so pela'a xe se'i la ane'i tamitema so ilanu vaikala laixe so Kalaisiti xe se'i so ivu'uline'i mo ipelototosi'a Mosinge ta'olu.

Ipilu 3:1

Ioxe tavivilo, Mosinge muxolu no tualasou la mu'avalinge so ukali­palangengi lexe ngingi tano­xou mu'isalili. Laso ngaxolu tangengi utaxunu Iesua. Anu apo­seli xo anu musosovosou Mosinge noxinge. Xe anu Pilisiti Tatila xo anu usosovosinge noxou Mosinge mo so no anu lopala noxinge talemolu, la anu uvalaxu.

1 Pita 1:1

Eni Pita a. Eni aposeliou Iesua Kalaisiti. Akaukavunu lapasi 'o ulai noxinge tamitemaou Mosinge e ngepaxelele ka ngaxolu loxo taasila no anu polovinisi ne Ponitusi xe Xalesia xe Kapatosia xe Esia xe Vitinia.

2 Pita 1:1

Ioxe, eni Saimoni Pita a. Eni amitema so xaixai noxou Iesua Kalaisiti mo a aposeliou. Eni akaukavunu lapasi 'o ulai noxinge ngingi ane ngexalisou lopala manina iou vilesisi noxixe 'o. Vote'i so ngexalisou lopala ne a no anu ilixo mulapusi noxou Iesua Kalaisiti e Mosinge xe mosou pamaulisinge.

2 Tioni 1:1

Eni amitema so saxila'u a, akaukavunu lapasi ano'o ulai noxine nini nasema ne ngoli'a ta'iline.1 Mosinge muilouneni lexe nini nanoxou mu'isalili mo avika­laneni lexe asexelaxene misevile. Ia enisi uasi, noxi'a ane'i ane ilavusou vaikala anu temanu manina mukalusi isexelangenge kalumo.

3 Tioni 1:1

Eni amitema so saxila'u a, akau­kavunu lapasi ano'o ulai noxine vivilo Xaiusi ane asexelaxene manina.

Mupala'a 1:1

Ioxe, tatei vaikalasou mimi ane so uxali la mutalumesi. Ia Mosinge mupilixinu noxou Iesua Kalaisiti so upala'anixu lamana noxi'a tami­tema so xaixai noxou. Laso Kalaisiti mupalusou angelou so uvulunu noxilo. Xo eni Tioni 'o, eni amitema so xaixai noxou.

Mupala'a 1:9

Ioxe, eni avivinge Tioni a xo nenge nenge'a taxolu noxou Iesua. Taxolu noxou laso nenge so taxolu no voxo loxo Mosinge molu u'uli laxune'i tamitemaou. Laso maixene nenge tatavulenu tu'utu'umaxusou ia taxolu se'isisi so taxomaiou. Xo eni elanu vaikalaou Mosinge mo ea'aloxu Iesua laso ane'i mikusailo xe mipalusilo so axoxolu no anu ailani Patimosi 'o.

Mupala'a 18:20

Ane'i tamitema mitamasou Vaviloni axone ia loxo ngingi no tualasou Mosinge xe tamitemaou u'isalili xe ta'aposeli xe tapolopeti, ngingi nga'osa'ilasi. Xo Mosinge mutilovosou mi ma'ia mi'oxonu noxinge la a mukolinu 'oe.”

Mupala'a 22:8

La eni Tioni a elomusou mo emaisou mimi ano'o. Elomusou xe emaisou sila no tava'u angelo ane mupala'anixu noxilo la elalusi so atangatuluou mo a'itinu.