Maki 9:2 - Ata New Testament

² Ioxe, voxo 6 mulai mukalu laso Iesua mu'avali'a Pita xe Tiemisi xe Tioni so imulinu. Mimulinu la mitelai no la'olu vile teitexi mo ane'isisi mixoxolu ne. Mixoxolu mixoxolu sila misaxisou Iesua vasimolu muxiu muxali iou vilemo.

Maki 9:2 ပူးပေါင်းရင်းမြစ်များ

Matiu 14:13

Ioxe, Iesua mulomusou a'alosou soli noxou Tioni laso anu mutelo no pouti so ulai no apu vile ane tamitema ixolu no anu uasi. Ia tamitema tavu'alo milomu lexe anu mulai ne laso ane'i me'a no taotaoni milutu mimuamua'i milai so imulinu.

Maki 14:33

La anu muno'a Pita xe Tiemisi xe Tioni so oli'a milai va'axu sevile. La muxamulinu oponu mu'avuti lexe tu'umaxu mukasou.

Maki 16:12

Xe ili'i la tatisaipeli tamei milutu mi'umesou tuala la mimuamua'i milai. Mimuamua'i la Iesua muxali noxi'a la vasimolu iou vilemo.

Maki 5:37

La tamitema latala e mimulimulinu ne mu'apixa'a, lexe ixolu. Ia Pita xe Tiemisi xe Tioni e Tiemisi vimou ane'i tata­lusi muvikalane'i lexe imulinu.

Luku 6:12

Ioxe, no voxo anene Iesua mutelai no la'olu vile so uvikala noxou Mosinge. La muxolu olovoxo loloni muvikala noxou Mosingesi xo mo lamana mukea.

Tioni 1:14

Anu Vaikala ne muxolu itema no anu vasimolu, mo mune'e muxolu no tainexi. La temaisou xoluxolu noxou lailaixe mo xaviou misevile la mupala'a lexe anu Olu e vilesisi anu molu noxou Mami­nge. Anu mosou iaiama ilou vaikala anu temanu manina.

Lomu 12:2

Mo ngingi ngamuamua'i loxo tamitema ane ixoxolu no isivoxosio uasi. Ngingi ngapilixingengi noxou Mosinge so anu uxiuxiunu xavuta­lamengi mo uxalixu alavua. Uxa­lixu alavua laso no anu xoluxolu noxinge ngingi ngamomomo so ngatilovosou masaxa noxou Mosinge. Mo axone la ngalavu no anu ilixo laixe mo ulapusi ane u'osasou.

2 Kolini 13:1

Ioxe, eni a so ane'e noxinge la anu alaxu tatalusou 'o. Laso ngalaxa'i laixe xo loxo Mosinge vaikalaou mulemolu lexe, “Vote'i vilesisi so talovonixu susu, a so tamitema tamei o tatalu isaxisou ka ilemolu susu noxou menexi'a.”

Pilipai 3:21

No anu xavi noxousi la umulaxu mimi muka­lusi no laxu so u'uli laxunu. La no anu xavi anenesi uxiunu vasi­menge pelepelesou 'o uxali iou vilesisi loxo anu vasimolu lailaixe mo iaxu.

Mupala'a 20:11

Ioxe, ieli muka loxo 'o la emaisou sia vile noxou kingi. Anu kea mo toxoxu e toxoxu. La emaisou evile muxolu no anu sila lialia ilou loxotolo mi'umolu mo tasiauxu avilesi.