Maki 7:34 - Ata New Testament

³⁴ La anu mutala telo no loxotolo xe muemuaxu la muvikala no anu vaikalai'a Taiuta lexe “Evata!” Anu laxu lexe, “Nakisi!”

Maki 7:34 ပူးပေါင်းရင်းမြစ်များ

Maki 1:41

La Iesua tanuxu misevile sila mumexinu avolu mo mumulaxu no vasimolu itema, la muvikala lexe, “Eni amasaxa. Nini namalema­lenga.”

Maki 15:34

Xe aso iou 3 ne la Iesua mu'ava tatila lexe, “Eloi, Eloi, lama savakatani?” Laxu vaikala ne lexe, “Mosilo, Mosilo, loxova so ne'ita­loleli mo ne'umesilo?”

Maki 5:41

Mi'unalai la Iesua mutila'e no avole mo muvikalane no anu vaikalai'a Taiuta lexe, “Talita kumi!” Laxu vaikala ne lexe, “Aliku se 'o, avikalaneni lexe natulu.”

Maki 6:41

Mukalu la Iesua muno'u pileti ta'uve xe sinana tamei ne. La anu mutala telo no loxotolo mo muvikala laixe noxou Mosinge so la'ilali ne. Mukalu la anu muse'ise'inu pileti ilou sinana tamei ne mo mulosi'a tatisaipeliou so ivelunuxa'a tamitema.

Maki 7:35

Sila sangalou itema ne mukisi mo levexu papaxexu so muvikala lamanasi.

Maki 8:12

Mivikalanu axone la anu muemuaxu xo oponu tu'umaxu. La mu'oxo lexe, “Ai, loxova so tamitema vaimomo 'o imasaxau isaxisou sosovo no ie'i 'o? Eni avikala manina lexe tamitema ano'o imaisou sosovo vile uasi e uasi manina.”

Luku 18:42

La Iesua muvikalanu lexe, “Ieni ukasi. Nini nelopala laso maixeni laixenenisi.”

Luku 19:41

Ioxe, Iesua mulutu xo xe muxali alai ne Ielusalemo xe musu'anu iouou taoni ne la tanuxu mo mutamasou.

Luku 7:14

Muvika­lane mukalu la mulai mumulaxu avolu no lusou itema vasimolu laso ane'i ane mitavulenu la mitulusi. Xe Iesua muvikala lexe, “Mauluo, eni avikalaneni lexe natulu.”

Tioni 11:33

Xe Iesua mumaisie Malia itatama xe mumaisi'a Taiuta e oli'a Malia mine'e ne a itatama kalumo. Mumuaisi'a axone la anu oponu tu'umaxu mo muamuavuti misevile.

Tioni 11:35

La Iesua mutatamasi.

Tioni 11:38

Ioxe, Iesua oponu tu'umaxu misevilela la mulai muxali no lulu. Lulu ne anu maia taxanu no alaele tava'u. Anu lavo'o toxoxu mutulu no anaxu so mitaulovonu no anu.

Tioni 11:41

Ioxe, laso ane'i mixexenu lavo'o. Mukalu la Iesua mutala mutelai la muvikala lexe, “Mamilo, eni avikala laixe noxine xo nini nalolomuxu linga noxilo.

Tioni 11:43

Muvikala axone mukalu la mu'ava tatila lexe, “Lasalusuo, nauatu.”

Tioni 17:1

Ioxe, mimi anene Iesua mule­molu mukalu la mutala mutelai aloxo no tualasou Mosinge. La muvikala aloxo 'o, “Papao, voxo olele a muxali 'oe. Laso na'itinu ualasou Iline u'uli'uli mo so Iline u'itinu ualasine u'uli'uli avile.

Ta'aposeli 9:34

La Pita muvikalanu aloxo 'o, “Aineasi, alala'e 'osi Iesua Kalaisiti upaipou­neni. Natulu mo nano'u lusine.” Sila anu mutulu alaxu vilesisi.

Ta'aposeli 9:40

Mitatama mitatama xo la Pita mupalusi'a milai noale. Ia anu muxolasou tava'u mo muvikala noxou Mosinge. Muvi­kala noxou Mosinge xe iou mukaie Tavita la muvikala lexe, “Tavita, natulu.” Sila alaxu vilesisi iei muka. Iei muka xe mimaisou Pita la ane mitulu mitalupexa.

Ipilu 4:15

Xo loxo tovotovo uxalisinge la nenge taxamulinu lexe pelesingesi. Ia anu laixe xo pilisiti tatila na'a nenge ukali­palanu va'axu no anu tu'umaxu tatavulenu uasi. Anu oponu upita no anu mo uxamulinu xo tovotovo ma'ia uxalisinge ne la muxalisou tatei kalumo. Ia loxo anu la ususu no anu uasi.