Maki 3:7 - Ata New Testament

⁷ Ia Iesua oli'a tatisaipeliou mixexesou tuala ne la milai no kupa toxoxu. Milutu xe milai la tamitema latala e latala so xale lia ne Xalili mimuline'i.

Maki 3:7 ပူးပေါင်းရင်းမြစ်များ

Matiu 10:23

Xe loxo tamitema so taoni vile ilosinge tu'umaxu la nga'ume ngasuku ngalai no taoni vile. Xo avikala­ngengi manina lexe, ngakalusou xaixai noxinge so ngamomoxu taotaoni ne Isilaeli uao ia Itema ane molu noxou Mosinge ulivu une'e tei.

Matiu 12:15

Ia Iesua mulavusou xavutalai'a Tapalisi ne laso anu muxexesou tuala ne. Xe tamitema latala mimulimulinu la anu mupai­poune'i tapipiena noxi'a mukalusi.

Matiu 12:16

La mu'apixa'a lexe ipala'anixu noxi'a tamitema uasi.

Matiu 4:25

La tamitema tavu'alo e tavu'alo so Xalili xe xale lia ne Tekapolisi xe ne Ielusalemo xe ne Iutea xe no xale lia ane muxolu xalevile no lexa Tiotani a mimulimulinu Iesua.

Maki 1:39

Laso muxixausou tuatuala no xale lia ne Xalili mukalusi. La muvotone'i nonano no tatasou lavuloto noxi'a. Xe muxalixalisi'a ta'ei ane ta'angelo tamasua mika­si'a la mukusakusai'a no anu vasi­me'a tamitema ne.

Maki 1:45

Iesua mupela'u axone ia mulai la mua'aloxu mi ane muxali noxou noxi'a tamitema tavu'alo. Xe a'alosou muiaveiave laso umomo­mo so Iesua u'unalai no tuatuala uasi xo loxo 'o io tamitema iveli so isaxisou. U'unalai uasi muxolu no xale lia ane tamitema ixolu no anu uasi laso tamitema mine'ene'e noxousi.

Maki 3:20

Xe mune'e la Iesua muxali no tani mo mu'unalai. Mu'unalai la tamitema mine'e mipitapita. Mipita­­pita axone laso Iesuaena mi'au'au misevile mole i'ani uasi.

Maki 4:1

Xe voxo vilela la Iesua muxoxolu no pa'umolu kupa toxoxu ne la musoko'u so muvotovotola. Tamitema latala mixali mipita noxou la anu tanixu uasi. Laso mutelo no pouti vile so musuku sevile no lexa la mutalupexa no anu. Xe ane'i tamitema latala mita'olu no tasii so ilomusou.

Luku 23:5

Ia ane'i miuolotete pakia'u lexe, “O anu ulavusou uxixao ne Iutea mukalusi, musoko'u ne Xalili xo mo mune'e avile no taoni noxinge 'o. Uxixao mo ulanu vaikala so u'unanu tanu noxi'a tamitema la u'avutinoxu opone'i to!”

Luku 6:12

Ioxe, no voxo anene Iesua mutelai no la'olu vile so uvikala noxou Mosinge. La muxolu olovoxo loloni muvikala noxou Mosingesi xo mo lamana mukea.

Luku 6:17

Xe mukalu la oli'a Iesua milivu milu'e no la'olu mo anu mutulu no anu apu latia vile. La oli'a tatisaipeliou tavu'alo mukalusi xe tamitema se'ila e lapilai uasisi a mixolu mipita ne. Ane'i tatemanu xale lia ne Iutea xe so taoni Ielusalemo xe so luaki pa'umolu no taoni Taili mo Saitoni.

Tioni 7:41

Xe leviani la mi'oxo lexe, “Anu ano'o ane so Kalaisiti.” Ia levianila la mi'oxo lexe, “Xo axova, loxo anu ane so Kalaisiti uxali la umomomo so anu Xalili vile aloxo anu ano'o? Uasi manina.

Tioni 7:52

La ane'i milivuxu lexe, “Uo, nini to masi kalumo so Xalili, ne? Nalai nakakamuli laixe no anu lavukuou Mosinge mo na'itisou so upalasi noxine lexe polopeti vile so uxali ne Xalili uasisi.”

Ta'aposeli 17:10

Xe mune'e xe no olovoxo, la tavivinge Mosinge ta'olu mipa­lusi'a Polu ilou Sailasi milai no tuala ne Velia. Ilou milutu xo xe no voxo loxo mixali la mi'unalai no tasou lavuloto noxi'a Taiuta.

Ta'aposeli 17:14

Tu'umaxu ane a mu'avuti la alaxu vilesisi Mosinge ta'olu mipalusou Polu mulai no luaki. Ia Sailasi ilou Timoti a mixolu ne Velia sevileo.