Maki 2:16 - Ata New Testament

¹⁶ La tamitema so lavulavu no anu lavuloto no anu laili noxi'a Tapalisi mimaisou Iesua u'ani noxi'a tamitema anene. La mitali'isi'a tatisaipeliou lexe, “Loxova so anu oli'a tamitema so itaxusou taxisi xe tamitema so ili'iloxo masua iouiou a i'ani ne?”

Maki 2:16 ပူးပေါင်းရင်းမြစ်များ

Matiu 18:17

Ia loxo ulomuxu vaikalai'a kalumo uasi la ngalai ngapala'a­nixu mi ne no anu pita. Xe loxo ulomuxu vaikali'a tatemanu pita mukalusi uasi la nga'oxonu noxou a loxo anu itema so isivoxo o itema so utaxusou taxisi.

Matiu 5:46

Xo loxo ngasexe­laxa'a tamitema ane isexelangengesi la ngaxalisou lakolisou axovao? Ai, ane'i tamitema so itaxusou taxisi ilavusou i'oxo axone to kalumo.

Matiu 9:11

Xe Tapalisi mimaisi'a la mitali'isi'a tatisaipeliou lexe, “Axova so tisamengi upita so u'ani noxi'a tamitema so itaxusou taxisi xe tamitema so ili'ilixo masua iouiou to ne?”

Maki 2:15

Xe ili'i la Iesua oli'a tatisai­peliou mixolu mi'ani no tasou Livai. Mi'ani la oli'a tamitema so itaxusou taxisi tapiena xe tamitema so ili'ilixo masua iouiou. Xo ane'i tamitema tavu'alo ne mimuli­mulinu Iesua.

Maki 2:7

“Loxova laso itema ano'o ulemolu vaikala noxou Mosinge vuluvulusi loxo 'o? Mosinge anusisi umomomo so ukalusou tina'u so susu.”

Luku 18:11

La anu Palisi ne mutulu mo muvikala lexe, 'Mosilo, eni avikala laixe noxine xo eni loxo tamitema se'i uasi. Eni loxo tamitema ane ipakali o i'oxo ilixo masumasua o ilailai noxi'a tasema vitanisi uasi. Mo eni loxo itema so utaxusou taxisi e utulu olele uasi.

Luku 19:10

Xo Itema ane molu noxou Mosinge mune'e so ukakamuline'i mo upamauline'i ane'i ane milusi.”

Luku 19:7

Ia ane'i latala mimaisou axone la opone'i tu'umaxu mo minuminuxu lexe, “Ai anu a ulai so uxolu no tasou itema ane so ilixo masumasua to ne!”

Luku 5:30

Oli'a i'ani'ani io Tapalisi oli'a tamitema se'i noxi'a so lavulavu no anu lavuloto mine'e misoko'u so ito'oto'ome'a tatisaipeliou no anu vaikala aloxo 'o, “Ai, loxova so ngingi ngoli'a tamitema so itaxusou taxisi xe tamitema so ili'iloxo masua iouiou a nga'ani mo ngaie ne?”

Ta'aposeli 23:9

Mixililii'e axone laso mikaikaitolone'i ngato'o la vaikalai'a ne mutomunu tani. La tatisa so lo se'i noxi'a Tapalisi mitulu mo mivikala pakia'u lexe, “Nexi tatongonu itema ano'o lexe u'oxonu susu vile uasi. Masi ulenu vile o angelo vile mulosou mupilixinu vaikala noxou 'o.”

1 Kolini 2:15

Xe itema ane Ulenu uxolu noxou la utongonu mimi mukalusi. Ia noxou itema ne, la tamitema imomomo so itongonu uasi.

Ipilu 12:3

Ioxe, ngaxavutala laixe noxou Iesua. Xo tamitema so susu mixililiou mu'oki ia anu mutulu pumuxusi. Laso ngingi kalumo ngatulu axone, ngatatosa uasi mo opongengi u'olo'olo uasi.