Maki 13:9 - Ata New Testament

⁹ Mo Iesua musolonu aloxo 'ola, “Ia ngingi ngalaxa'i laixe. Xo ane'i itulusinge so ikotingenge mo ipua­pua­singe no anu tatasou lavu­loto. Mo tava'u xo ngingi ngaa'aloxo laso itulusinge no laxune'i taxa­mani xe takingi. Itulu­singe laso ngingi ngaa'aloxo noxi'a.

Maki 13:9 ပူးပေါင်းရင်းမြစ်များ

Matiu 5:22

Ia eni avikalangengi aloxo 'o. Loxo itema la'iaxuou vimou la anu utulu no lakoti mo so susu noxou upala'a. Xe itema loxo usa'isa'isou vimou la utulu no anu lakoti ane mutiatila manina. Xe itema loxo uvikalanu menexu vile lexe, 'Nini longulongu to!' la itema ne susu noxou anene masua umomomo so upalusou no navu so mamulomo.

Maki 1:44

“Nalaxa'i laixe. Mamu so napala'anixu mi ane muxali noxine 'o. Na'oxo aloxo 'o. Nalai namaxa'ine noxou pilisiti mo na'oxonu ilixo so navu no anu vote'i u'isalili loxo Mosisi mulemolu so tamitema ixali tamale­malenga no vasime'a. Mo so axone la tamitema ilavu lexe nini namalemalengala.”

Maki 13:5

La Iesua mukoline'i lexe, “Ngalaxa'i laixe, xo loxo 'o io tamitema ikala­voingengi ane.

Maki 13:8

Xe tamitema no anu laili se'i i'alivulane'i laili se'i. Xe takingi so xale lia se'i ilai i'alivu­lane'i takingi so xale lia se'i. Mo no xalexale lia se'i la uni'uni tatila mo anene voxo so vitolo kalumo. Mimi anene uxali ia anene soko'u no anu tu'umaxusi. Anu loxo sema ilie ukitikitinesi so ivo'onu, u'oki uao.”

Maki 6:11

Xe loxo ngaxali no tuala aneva xe i'osasinge mo ilomungenge uasi la nga'umesou tuala ne. Xe loxo so ngalutu no iouxalengae la ngapu­panu tava'inge so io'isou tuala ne uxexe. Mo so axone la anu latilovosou ilixo masua noxi'a ane.”

Luku 9:5

Ia loxo tatemanu tuala vile i'osasinge uasi la ngaxexesi'asi ngalaisi. Xe loxo so ngalutu la ngapupanu tava'inge so kalaisou uxexe mo so ilavusou lexe anene latilovosou ilixo masua noxi'a.”

Tioni 15:20

Tangengi uno'u vaikalaxeli e elemolu noxinge lexe, 'Uokuvoi tanixu uua'ulixu ane noxou tilasou uasi.' Laso loxo ane'i milosilo tu'umaxu aloxo 'o, la ane'i ilosinge tu'umaxu kalumo ane. Mo loxo ane'i mimulinu vaikalaxeli la ane'i imulinu vaikalamengi kalumo.

Tioni 16:2

Xo Taiuta ikusainge so nga'una no anu tatasou lavuloto noxi'ala uasi. Mo voxo vile uxali ili'i la tamitema ivenge ngasoisoli xo ikalavoi lexe no anu anene la ane'i a i'oxonu xaixai noxou Mosingemo.

Ta'aposeli 21:11

Muxali noxixe la muno'u laletiou Polu xe molu musakinu tava'u ilou avolu mo muvikala aloxo 'o, “Ngamalei 'o. Ulenu Laixe upala'anixu lexe Taiuta so Ielusalemo isakinu mosou laleti 'o aloxo 'osi. Ane'i isakinu ka ipilixinu noxi'a tami­tema noale'ale.”

Ta'aposeli 7:54

Ioxe, ane'i tatiatila milomusou vaikalaou Sitiveni la la'iaxa'a manina mole anaxa'a mukala­kikiou.

Ta'aposeli 9:16

La eni alosoiou lexe ua'aloxo axone mo utavulenu tu'umaxu xe navuna­vusou.”

Pilipai 1:29

Ai ngalomu, Mosinge mu'alaunasinge xo mu'italongengi so nga'oxonu xaixai noxou Kalaisiti. Ia so ngalopalasi uasi, anu so ngatavulenu navunavu no anu ualasou kalumo.

2 Tesalonaika 1:5

Xo anu umaxa'u lamana lexe loxo Mosinge utilovo la anu ulapusi, u'oxonu mi vile vuluvulusi uasi. Laso ngalavu lexe ngatavulenu navunavu vaimomo 'o so ulalaxingengi mo so no voxo loxo anu molu u'uli laxune'i tami­temaou la xoluxolungenge umo­momo mukalu.

2 Tioni 1:8

Laso ngalaxa'i laixe mo so nene'axu xaixai noxinge tasiaxu vitanisi uasi. Ngatulu pumungenge xo mo ngaxalisou lape loloni so xaixai noxinge ne.

Mupala'a 1:9

Ioxe, eni avivinge Tioni a xo nenge nenge'a taxolu noxou Iesua. Taxolu noxou laso nenge so taxolu no voxo loxo Mosinge molu u'uli laxune'i tamitemaou. Laso maixene nenge tatavulenu tu'utu'umaxusou ia taxolu se'isisi so taxomaiou. Xo eni elanu vaikalaou Mosinge mo ea'aloxu Iesua laso ane'i mikusailo xe mipalusilo so axoxolu no anu ailani Patimosi 'o.

Mupala'a 2:10

Xe ngingi la maxuveni uasi la ngata­­vulenu navunavu ia opongengi kalaua uasi. Xo ngalomu, Uluaou upamuxane'i tamitema so ikalavu­sungengi ngingi mose'i. Utovo­ngengi mo ngatavulenu tu'umaxu ulai ulai umomomo no anu voxo 10. Ia ngatetelisou lopala noxinge pumuxu umomomo no anu soli, xo ili'i la eni alosinge mauli so palaisi na'a ngingi.

Mupala'a 2:13

Eni elavu no anu tuala ane ngaxoxolu no anu lexe xavi noxou Uluaxeli u'okisi. La mala'o se'o tamitema mivau Anitipasi xo mulanu vaikalaxeli mo mulopala­­lelisi. Anu vile noxinge ia ngingi ngapilixinu ualasilo uasi, ngeka­makulunusi. Mo ngaxiunu tuma­lingeou lopala noxinge uasi, ngexolu pumungenge no anu tuala ane Uluaxeli ukasou ne.