Maki 13:3 - Ata New Testament

³ Xe mune'e la Iesuaena mixolu no la'olu Olivi la iou mulaiou tasou Mosinge muxolu xalevile olele. La Pita xe Tiemisi xe Tioni xe Anitilu mine'e mitali'isou aloxo 'o,

Maki 13:3 ပူးပေါင်းရင်းမြစ်များ

Matiu 13:10

Xe ili'i la tatisaipeli mine'e mitali'i noxou Iesua lexe, “Axova so nini navikalane'i no anu latilovosi 'o?”

Matiu 13:36

Mukalu la Iesua muxexesi'a tamitema latala ka mu'unalai no tani. La tatisaipeliou mine'e noxou mo mivikalanu lexe, “Nalulusou laxu latilovo e so laxalasi masua muleme no xai.”

Matiu 17:1

Ioxe, voxo 6 mulai mukalu laso Iesua mu'avali'a Pita xe Tiemisi xe Tioni so imulinu. Mimulinu la mitelai no la'olu vile teitexi mo ane'isisi mixoxolu ne.

Matiu 21:1

Ioxe, Iesua oli'a tatisaipeli milutu xo mo a so ixali ne Ielusalemo. La mixali no tuala ne Petivaxe a muxolu no la'olu Olivi. Mukalu la Iesua mupalusi'a tatisaipeliou tamei mi'uli.

Matiu 24:3

Xe ili'i la Iesua mutalupexa no la'olu Olivi la tatisaipeli ane'isisi mine'e noxou mo mitatali'i noxou lexe, “Nini napala'anixu noxixe lexe voxosou mi e nelemolu a talu? Axova, sosovo vile so nexi talavu lexe nini a so nalivu nane'e mo talavu lexe lialia 'o so ukalu?”

Maki 10:35

Ioxe, mune'e la Tiemisi ilou Tioni e Sepeti ta'olu mine'e noxou Iesua la mivikala aloxo 'o, “Tisao, nexi talingau mi vile noxine mo so na'oxonu noxixe.”

Maki 13:4

“Nini napala'anixu noxixe lexe voxosou mi e nelemolu a talu? Axova, sosovo vile so nexi talavu lexe nene'axu mi ne a so uxali?”

Maki 14:33

La anu muno'a Pita xe Tiemisi xe Tioni so oli'a milai va'axu sevile. La muxamulinu oponu mu'avuti lexe tu'umaxu mukasou.

Maki 4:34

Mu'oxo aloxo 'o. Loxo tamitema tavu'alo mipita la anu mulanu vaikala no anu latilovosi. Xe ili'i loxo oli'a tatisaipeliou ane'isisi mixolu laso anu mululusou laxulaxu noxi'a.

Maki 5:37

La tamitema latala e mimulimulinu ne mu'apixa'a, lexe ixolu. Ia Pita xe Tiemisi xe Tioni e Tiemisi vimou ane'i tata­lusi muvikalane'i lexe imulinu.

Maki 9:2

Ioxe, voxo 6 mulai mukalu laso Iesua mu'avali'a Pita xe Tiemisi xe Tioni so imulinu. Mimulinu la mitelai no la'olu vile teitexi mo ane'isisi mixoxolu ne. Mixoxolu mixoxolu sila misaxisou Iesua vasimolu muxiu muxali iou vilemo.