Maki 10:1 - Ata New Testament

¹ Ioxe, mune'e la Iesua mulutu no apu ne xo la mulai muxali ne Iutea mo mulai avile xalevile no lexa Tiotani. Muxali ne la tamitema tavu'alo mine'e mipita noxoula. La anu mu'oxonu loxo utotomu mu'oxonu so uvotovoto noxi'a.

Maki 10:1 ပူးပေါင်းရင်းမြစ်များ

Matiu 26:55

Xe mukalu la Iesua muvika­lane'i tamitema latala ne lexe, “Eni lasikeli so ngeno'u laviso so oto ilou kulue mo so ngatetelisilo aloxo 'o? Xo voxo utotomu eni exolu no taingengi mo evoto­ngengi no tasou Mosinge. Exolu ne ia ngatete­lisilo uasi xo ma'i?

Matiu 4:23

La Iesua muxixao no xale lia ne Xalili mukalusi mo loxo uxali no tuala ne'ei la ulavusou u'unalai no tasou lavuloto noxi'a so uvotovo­tone'i. Muvotone'i la mulanu vaikala laixesou voxo so Mosinge anu molu u'uli laxune'i tamite­maou. Xe tamitema ta'ei mitavu­lenu tu'utu'umaxu no vasime'a o siki iouiou mukasi'a la anu mupaipoune'isi.

Maki 1:21

Xe mune'e la oli'a milai no tuala ne Kapeniamu. La mixolu xe Voxo so Ma'ila muxali la anu mu'unalai no anu tasou lavuloto. Mu'unalai la musoko'u so uvotovoto.

Maki 10:2

Muvotovoto la Tapalisi se'i mixali noxou so itovonu lexe ukoli axova. La mitali'i lexe, “No anu lo noxou Mosinge la anu umomomo so itema uxotonu taula'i mo ukusaie semau?”

Maki 12:35

Ioxe, Iesua muxolu no tasou Mosinge la muvotovotone'i tami­tema. La muvikala aloxo 'o, “Tamitema so lavulavu no anu lavuloto ivikala lexe anu ane so Kalaisiti ne anu ilusunu Teviti. Axova so ivikala axone?

Maki 14:49

Xo voxo utotomu eni exolu no taingengi mo evoto­ngengi no tasou Mosinge. Exolu ne ia ngatetelisilo uasi xo ma'ia? Ia mi vile uasi, xo vaikalaou Mosinge tapolopeti mikaukavunu tatei a unene'a 'oe.”

Maki 2:13

Xe mune'e la Iesua mumua­mua'i no pa'umolu kupa toxoxu. La tamitema la'oluxa'a mine'ene'e noxou la anu musoko'u so uvoto­ne'i.

Maki 4:2

La Iesua muvotone'i no anu latilovo tapiena. Mutilovo vile aloxo 'o,

Maki 6:2

Ane'i mixolu xe Voxo so Ma'ila la anu muvotovoto no tasou lavuloto. Muvotovoto la tamitema tavu'alo milomu la mikuluke mo mi'oxo lexe, “Iu, itema ano'o muno'u vaikalaou a ne'ei? Mo axova no anu lavulavu noxou 'o? Xe sosovo so xavi u'oxonu axova?

Maki 6:34

La pouti a so usua no tasii la Iesua mumalei la tamitema tavu'alo e tavu'alo. Mumalei axone la anu tanuxa'a misevile xo ane'i loxo tasipisipi ane tatanane'i so usaxila'a uasi. Laso anu musoko'u so upala'anixu mimi tavu'alo noxi'a.

Maki 6:6

La anu tanu­lilii'a tatemanu tualasou ne xo ane'i opone'i mamalaxu so ilopalanu uasisi. La anu mulutu muxixao no tuatuala no xale lia ne so uvoto­voto.

Tioni 10:40

Ioxe, laso Iesua mulivu mulai xalevile no lexa Tiotani la mu­xoxolu no anu tanixu e Tioni musoko'u tei so mu'oxonu ilixo so kelele noxi'a tamitema.

Tioni 11:7

Voxo tamei mupolo mukalui la anu muvikalane'i tatisaipeliou lexe, “Nenge'a talivu talai ne Iutea.”

Tioni 18:20

La Iesua mukolinu aloxo 'o, “Vaikala ma'ia elemolu la no tani keakeasi. Utotomu eni evotovoto no tanitanixu e Taiuta ilavusou ine'e ipipita no anu loxo no tatasou lavuloto xe no anu tasou Mosingesi. Atalume no mailu'a kaio alemolu vaikala vile uasisi.