Luku 9:51 - Ata New Testament

⁵¹ Ioxe, mune'e xe voxo so Mosinge ulaixu Iesua no tualasou lailaixe a mune'e alai mukalu, laso Iesua oponu mututulusi lexe ulai ne Ielusalemosi.

Luku 9:51 ပူးပေါင်းရင်းမြစ်များ

Maki 16:19

Ioxe, Tatananenge Iesua mupelototosi'a mukalu la anu mutelai muxali no tualasou Mosinge. Muxali, la mutalupexa no avolu Mosinge tema.

Luku 12:50

Ia eni so axalisou ilixo so kelele kaini vilemo tei laso opoleli u'avuti mo ututulusi lexe mi ne uxalisi.

Luku 13:22

Ioxe, Iesua mumuamua'i mulai xo la mumulinu vote'isou Ielusa­lemo la mupolo no tuatuala xe no taotaoni ka muvotone'i tamitema.

Luku 17:11

Ioxe, ili'i la Iesua mumulinu vote'i so ulai Ielusalemo la mupolo no tainu xale lia ne Samalia xe ne Xalili.

Luku 18:31

Xe ili'i la Iesua muno'a tatisaipeliou 12 milai va'axu sevile ka muvikalane'i aloxo 'o, “Ngalomu, nenge'a tatelai ne Ielusalemo 'oe. La vaikalai'a tapolopeti e mikau­kavunu tatei so lexe mi ma'ia uxalisou Itema ane molu noxou Mosinge anu uxalixu nene'axu ane.

Luku 19:11

Ioxe, tamitema latala mixolu milomusou Iesua muvivikala laso anu musolonu vaikalaou la mu'oxonu latilovo. Latilovo ne so upalomatanane'i xo anu a muxali alai ne Ielusalemo la ane'i latala opone'i lexe voxo so Mosinge u'uli laxune'i tamitemaou masi a so upala'a.

Luku 19:28

Iesua mutilovo axone noxi'a mukalu la anu mumuamua'i mulu­tula so utelai ne Ielusalemo.

Luku 24:51

La anu a uvivikalasio sila Mosinge muno'u mulaixu no tualasou.

Luku 9:57

La Iesua oli'a tatisaipeli a imuamua'i no vote'i so ilalai la itema vile muvikalanu lexe, “No tuala aneva loxo nini nalai no anu la eni amulinenisi ane.”

Tioni 13:1

Ioxe, voxo vile a uxolusi kaio lavilelu so Mualasi'a uxali. La Iesua mulavu lexe voxo so anu uxexesou lialia mo ulai noxou Maminge a muxali 'oe. Anu mu­sexelaxa'a tanoxou ane mixolu no lialia mo musexelaxa'a axonesi mumomomo avile no anu telexu xoluxolu noxou no lialia 'o.

Tioni 16:28

Xo manina, eni melo noxou Maminge kaio ene'e no lialia 'o. Io eni a so axexesou lialia mo alivu alai noxou Mamingela.”

Tioni 16:5

Ia vaimomo 'o eni a so alai noxou anu ane mupalusilo ene'e 'oe. La axova, vile noxinge utali'i noxilo lexe alai ne'ei uaio?

Tioni 17:11

Eni a so ane'e noxine mo axolu no lialia 'ola uasi. Io ane'i tamitemaxeli 'o la ixolu no lialiasio. Laso Papa, nini ane xoluxoluxene mukalipala xo malemalengamo, nalaxa'ine'i no anu xavinu ualasinesi. Anu uala e nepilixinu lexe ualasilo 'o. Nalaxa'ine'i mo so ane'i ixolu vilesisi aloxo nenge nengei vilesisi.

Tioni 6:62

Xe loxo ngamaisou Itema ane molu noxou Mosinge ulivu utelai no tanixu e muxolu no anu tei laso axovae?

Ta'aposeli 1:2

Mo mune'e muxali no voxo ane Mosinge muno'u muli­vunoxu no tualasou. Mulivunoxu, ia tei la Iesua mupelototosi'a ta'apo­seli ane muiloune'i tatei. Mupelototosi'a la no anu xavi noxou Ulenu Laixe.

Ta'aposeli 1:9

Ioxe, Iesua muvikalane'i axone mukalu la ane'i a isaxisousio la anu mutelai. Mutelai sila sauma vile musu'asou mole imaisoula ua'.

Epesusi 1:20

No anu xavi nesi la mutulusou Kalaisiti no anu soli. Mutulusou la mulaixu mutalupe­xasou no avolu tema no tualasou laixe.

Pilipai 3:14

Eni asoa so axali no anu lamaki so axalisou palaisi. Palaisi e ava noxou Mosinge mupolonu noxou Kalaisiti Iesua. Mua'avalilo so atelai axolu laixe noxou.

1 Timoti 3:16

Mo nenge mukalusi talavu lexe vaikala manina noxou ne anu mi mutiatila. Vaikala ne aloxo 'o. Kalaisiti mupala'a no anu vasimolu loxo itema no ie'i latala. Ulenu Laixe mupala'anixu ilixo noxou lexe malemalengasi. Ta'angelo misaxisou xoluxolu noxou. Tami­temaou mia'aloxu no xale tuatuala. Tatemanu lialia mose'i milopala noxou. Mosinge muno'u mutelaixu no tualasou iaxu.

Ipilu 12:2

Tasaxi noxou Iesuasi xo anusi tava'u lopala na'a nenge mo anusi uxalixu nene'axu mi e talopalanu taxomaiou. Anu ne mutavulenu maila ia uxavutalanu uasi xe no ovu valautu la mu'italonu so musoli no anu xo oponu mu'oxoxu osa ane uxalisou ili'i 'o. Laso maixene anu a utalupexa no anu sia kingi noxou Mosinge no avolu tema.

Ipilu 6:20

Iesua mu'unalai ne la anu mu'uli noxinge ane. Xo anu muxali pilisiti tatila so umulinu tanixu Melikisateki ulai ulai kaluxu uasi.

1 Pita 3:22

Xe vaimomo 'o Kalaisiti ne a mu'u­nalai no tualasou Mosinge mukalu mo a uxoxolu no anu avolu tema noxou Mosinge. Mo ane'i ta'angelo xe ta'ulenu ane xavine'i xe tami ma'ia xavine'i musuku ixolu no laxu xaviou Kalaisiti.