Luku 9:41 - Ata New Testament

⁴¹ Iesua mulomusou itema ne mukalu la muvikalane'i tamitema latala ne lexe, “Uo, ngingi tami­tema vaimomo 'o ne ngalopala uasisi. Xavutala ilou ilixomengi ukilika­lusi. Axolu noxinge voxo veveni axova mo so ngano'u lavulavu? Ngamolo kalakala'ilo axo'o la ukalu talu?” La muvika­lanu itema lexe, “Nano'u iline une'e noxilo.”

Luku 9:41 ပူးပေါင်းရင်းမြစ်များ

Matiu 11:28

Laso ngingi tamitema ane ngatotosa no anu mimi tu'umaxu ngatavalenu ne, ngingi mukalusi ngane'e noxilo xo eni alosinge ma'ila a.

Matiu 12:39

Ia anu muvikala lexe, “Ai, tamitema ane laili so vaimomo 'o ne ilixo noxi'a masua xe ane'i ixililiou ilixou Mosingemo. Ane'i opone'i ututu­luou sosovo vile, ia avikala lamana lexe sosovo vilesisi ane imaisou a sosovo ane muxali noxou Iona.

Matiu 12:45

Laso anu uno'a ta'angelo tamasua 7-la e ilixo masua noxi'a uua'ulixu noxou. Uno'a ukalu la oli'a i'unalai ixolu noxou itema, mole xoluxoluxu mumasua manina no anu ane tei. La anu uxali axonesi noxi'a tamitema so laili masua e so vaimomo kalumo.”

Matiu 16:4

Ngingi tamitema ane laili so vaimomo 'o ne ilixo noxinge masuamo. Ngingi opongengi ututuluou sosovo vile, ia avikala lamana lexe sosovo vilesisi ane ngamaisou a sosovo ane muxali noxou Iona.” Muvika­lane'i mukalu la muxexesi'a mulai.

Matiu 17:17

Iesua mulomusou itema ne mukalu la muvikalane'i tamitema latala ne lexe, “Uo, ngingi tamitema vaimomo 'o ne ngalopala uasisi. Axolu noxinge voxo veveni axova mo so ngano'u lavulavu? Ngamolo kalakala'ilo axo'o la ukalu talu? Ngano'u molomolo ne une'e noxilo.”

Matiu 23:36

Eni avikalangengi manina lexe lakolisou susu mukalusi ne upita utuvu noxinge laili so vaimomo 'o.”

Matiu 3:7

Ia anu mumaisi'a tavu'alo noxi'a Tapalisi xe Tasatusi ine'ene'e no apu ne so u'oxonu iloxo so kelele noxi'a la muvikala tatila noxi'a aloxo 'o, “Ngingi ne, ngingi nga­xilisi mo nga'oxo loloxa'a tami­tema, ia anu loxo lamalasini masua uxolu no anangene a loxo tasineke tamasua to. Ena'ei muvikalan­gengi so nga'u­mesou voxo so la'ia e unene'e 'o?

Maki 10:14

Xe Iesua mumaisi'a tatisaipeliou lexe mi'oxo axone la oponu tu'umaxu noxi'a. La anu muvikalane'i lexe, “Nga'italone'i tamolomolo ine'ene'e noxilo, nga'a­pixa'a uasi. Xo no voxo olele la tamitema ane Mosinge molu u'uli laxune'i la ane'i so loxo tamolomolo ano'o.

Maki 10:49

La Iesua a mumuamua'i sila mutulu no vote'i la muvikalane'i lexe i'avalou itema ne une'e noxou. La ane'i mi'avalou itema iou selevenu mo mi'oxo lexe, “Opo­neni uai laixe. Natulu xo anu a u'avaline 'oe.”

Maki 9:19

Iesua mulomusou itema ne mukalu la muvikalane'i tamitema latala lexe, “Uo, ngingi tamitema vaimomo 'o ne ngalopala uasisi. Axolu noxinge voxo veveni axova mo so ngano'u lavulavu? Ngamolo kalakala'ilo axo'o la ukalu talu? Ngano'u molomolo ne une'e noxilo.”

Luku 8:25

La anu mutali'isi'a lexe, “Lopala noxinge uxolu ne'eio?” La ane'i mimama'u mo tane'ililiou manina mo mivika­lane'i ngato'o lexe, “Ai, itema ano'o ena'ei a? Xo upalusou sivo ilou lexa la ulomuxu kenasi!”

Luku 9:40

Mo eni elinga pakia'u noxi'a tatisaipelimeni lexe ikusaou ia imomomo to uasi.”

Luku 9:42

Ioxe, molomolo uao une'esio mo a so uxali noxou Iesua la angelo masua mupalapeipeni mo mumua­muainu. Ia Iesua mulavixu angelo masua so uxexesou molomolo ne. Iesua mupamaulinu axone mukalu laso mulaixu noxou momu.

Tioni 14:9

La Iesua mukolinu lexe, “Pilipi, eni exolu no taingengi voxo maxuveni mukalu 'oe, ia axova, nalavusilo uao? Itema aneva mumaisilo ne anu mumaisou Mamilo ane. Laso aloxova so nalinga lexe alosoiengixu Mamilo?

Tioni 20:27

Mukalu la muvikalanu Tomasi aloxo 'o, “Nane'e namulaxu avone simisou 'o mo namaisou avolo 'o. Xe namulaxu avone u'una no vaimelo 'o. Mamu so oponeni tamei, nalopalasi.”

Ta'aposeli 13:18

Mo no anu tau ie 40 e mixixao no xale lia vitanisi la anu mutavulenu tu'uma­xusi'a.

Ta'aposeli 2:40

Pita muvikala axone mukalu la mupelototosi'a no anu vaivaikala se'ila. La muvikala pakia'u lexe, “Ngalaxa'i laixe. Xo uasi la ngingi ngoli'a laili noxinge so susu 'o ngamamulo.”

Lomu 2:4

Xo vaimomo 'o Mosinge uiaiama noxinge mise­vile so ukolinu susu noxinge palea uao. Anu uxoxomaiengi so ngaxiu­nu opongengi mo nga'isalilinoxu noxou. Ngingi ngamaisou sexela noxou axone ia anu loxo ulapu­ngengi uasi. Masi nge'oxo lexe anene mi vitanisi, ne?

Ipilu 3:19

Laso ane, nenge tamaisou lexe i'unalai no anu xale lia so ma'ila uasi ne xo tava'u vilesisi ane so ilopala uasi.

Ipilu 4:11

Laso laixe so oponenge u'oxoxu tanixu ma'ila so ta'unalai. Xo loxo 'o io se'i noxinge imulinu ilixone'i ane'i tatei so ilomu uasi. Xe axone la i'unalai uasi ane, ilapau ilivusi.

Ipilu 4:2

Xo manina nenge telomusou votovoto so vaikala laixe a loxo ane'i tatei ne. Ilomusou vaikala laixe, ia usu'uline'i uasi xo ipitanu no anu lopala so ilomuxu uasi.

Ipilu 7:25

Anu uxolu axone laso ta'ei ipolo noxou so ilai noxou Mosinge la anu upamauline'i. Upamauline'i la mi ne utalo uasi xo anu a uxoxolu uvalaxa'a noxou Mosinge kaluxu­sou uasi.