Luku 9:26 - Ata New Testament

²⁶ Ane'i tamitema mose'i imaila so imulileli mo ane'i ixiunu tumali'aou vaikalaxeli. I'oxo axone ia ili'i la Itema ane molu noxou Mosinge la une'e no anu iaxu Mosinge. La oli'a ta'angelo talaixe ane. Une'e axone laso ane'i ane mixiunu tumali'a noxou vaimomo 'o, la anu ukoline'i mo uxiunu tumalou noxi'a ane.

Luku 9:26 ပူးပေါင်းရင်းမြစ်များ

Matiu 16:27

Xo Itema ane molu noxou Mosinge une'e ili'i no anu iaxu Momu. Une'e la oli'a ta'angelou so ukoline'i tamitema u'isalili no anu ilixo noxi'a.

Matiu 25:31

Ioxe, Iesua muvikala aloxo 'ola, “Voxo so lailivuxu Itema ane molu noxou Mosinge la une'e aloxo kingi. Xo une'e la oli'a ta'angelou mukalusi so utalupexa no anu sia kingi noxou.

Matiu 26:64

La Iesua mukolinu lexe, “A loxo nini mene nelemolu. Ia avikalangengi aloxo 'o. Ili'i la ngamaisou Itema ane molu noxou Mosinge uxolu no anu Mosinge anu Mosou Xavi avolu tema. Mo ili'i la ngamaisou une'e no anu sausauma no loxotolo.”

Maki 8:38

Xo tamitema no voxo ano'o milailai vitanisi va'axu noxou Mosinge mo opone'i utulu no anu sususi. Laso maixene ane'i tavu'alo imaila so imulileli mo ane'i ixiunu tuma­li'aou vaikalaxeli. I'oxo axone ia ili'i la Itema ane molu noxou Mosinge une'e no anu iaxu Momu mo oli'a ta'angelo talaixe ane. Une'e axone laso ane'i ane mixiunu tumali'a noxou vaimomo 'o, la anu ukoline'i mo uxiunu tumalou noxi'a ane.”

Tioni 12:43

Xo mi ane opone'i mu'oxoxu a so tamitema i'osasi'asi, ia ane so Mosinge oponu u'osasi'a la ixavutalanu malaxo uasi.

Tioni 5:44

Ngingi nga'osa so nga'itinu ualasinge ngato'omo, ia no anu vote'i e so Mosinge anu vilesisi molu u'itinu ualasinge la ngaxavu­talanu uasisi. Laso ngingi ngalo­pala axovae?

Ta'aposeli 10:22

La ane'i mivikalanu lexe, “A Koniliasi e tatila noxi'a ta'ami 100 mupalusixe tene'e 'o. Anu ilixo noxou laixe mo umama'u noxou Mosinge. Ane'i Taiuta mukalusi itaxanu mo ivikala lexe anu itema laixe. Anu mupalusixe tene'e xo angelo laixe vile muvikalanu lexe u'avaline nalai no tasou so ulomusou vaikalameni.”

Lomu 1:16

Eni amama'u so alanu vaikala laixe ne uasi. Xo anene vote'i so xavi noxou Mosinge so upamau­line'i tamitema ane'i ane ilopalanu. Anene vote'i so Taiuta xe tamitema noale'ale kalumo ixalisou pamau­lisi.

2 Kolini 12:10

Laso loxo no anu xaixai noxou Kalaisiti la eni xavi so a'oxonu uasi o loxo tamitema ipupuieli o loxo tu'umaxu ilou navunavu uxalisilo o loxo taxilili itovonu so imamuloleli la eni opoleli uai se'isisi. Xo eni alavu aloxo 'o. No voxo loxo eni pelesilosi, la eni axalisou xavi ane.

Xalesia 6:14

Ia loxo noxilo la axamulinu lexe mamu so a'itinu ualasilo o mi vilela. Mi ane so a'itinu a ovu valautusou Tatananenge Iesua Kalaisitisi. Xo no anu soli noxou Kalaisiti la xavi no anu ili'ilixo so lialia musoli no anu vasimelo xe eni la esoli ekalipala no anu.

1 Timoti 5:21

Ioxe Timoti, no iou Mosinge xe Kalaisiti Iesua xe ta'angelou talaixe eni apelototosine pakia'u aloxo 'o. Nini nalaxa'i laixe no anu vaikala manina epilixinu noxine mukalu mo loxo na'isalilinoxu noxi'a Mosinge ta'olu la no anu vote'i vilesisi noxi'a mukalusi. Mamu so na'oxone'i se'i laixe no anu masaxa noxinesi xe se'i la ieni uvaxai'asi.

2 Timoti 1:12

Laso maixene atavulenu navunavusou 'o ia amailamulinu uasi. Xo anu ane alolopalanu la elavusou ilixou, mo elavu manina no opoleli lexe anu umomomo so uutululunu vaikalaou e mupilixinu noxilo 'o. Uutululunu uxolu laixe xo mo uxali no anu voxosou olele.

2 Timoti 2:12

Mo loxo tatulu pakia'inge so tata­vulenu tu'utu'umaxusou, la nenge tapita noxou no anu kingi. Loxo taxiunu tumalinge noxou, la anu kalumo uxiunu tumalou noxinge.

Ipilu 11:26

Xo loxo axolu ne Isipi 'o la masi axolu no latanu mimi. Mo loxo a'una noxi'a olele la atavulenu maila no anu ualasou Itema Mosinge musoso­vosou. Ia mi vile uasi, xo lakolisou ane so axalisou ili'i ne lailaixe mo uua'ulixu ano'o avile.”

Ipilu 13:13

Laso ane, nenge masi loxo talai noale no anu kemu kalumo so tapita no anu maila e mutavulenu ne.

Iuti 1:14

Ioxe, musko'u noxou Atamu xe mulu'e muxali no anu lasilili 7-sou la itema e Inoki muxali no anu. La anu mulanu vaikala so pela'a si'a tamitema tamasua anene. Xo muvikala lexe, “Eni emaisou Tata­nanenge oli'a ta'angelo talaixe tauseni tavu'alo mine'e.

Mupala'a 1:7

Xo ngalomu, ngasaxi utelo. No voxo loxo une'e la upolo no anu sauma ulu'e. Une'e la tamitema mukalusi imaisou no anu ie'i lavo'onusi. La ane'i ane mito'omolu vasimolu la imaisou kalumo. La tamitema no anu lailaili mukalusi no lialia 'o ixavutala mo itatama­sou. Mi anene uxali manina ane.

Mupala'a 20:11

Ioxe, ieli muka loxo 'o la emaisou sia vile noxou kingi. Anu kea mo toxoxu e toxoxu. La emaisou evile muxolu no anu sila lialia ilou loxotolo mi'umolu mo tasiauxu avilesi.

Mupala'a 21:8

Ia noxi'a ane'i ane i'umolu vaikala manina mo ilopala uasi xe noxi'a ane'i ane i'oxonu mimi ane masua no iou Mosinge xe ive'ave'a tamitema isoisoli xe ilai no anu ilixo nuni'u olele xe i'oxonu ta'uluxu masua xe i'itinu momosi'a kalavoi xe i'oxo loloxa'a tamitema, ane'i mukalusi ilai no anu tualasi'a mulovosi. Xo ane'i ne ixalisou soli tameisou no anu taxa toxoxu e navu ilou lavo'o axexaxu u'ani'ani no anu.”

Mupala'a 3:5

Ane'i tamitema so iua'uli ne eni asu'asi'a no anu lavuluti kea ne. Mo umomomo uasi manina so axexenu ualasi'a no anu lavuku so mauli. Axexenu uasi, alemolu no laxunu Mamilo xe no laxune'i ta'angelou.