Luku 9:19 - Ata New Testament

¹⁹ La ane'i mikolinu lexe, “Se'i ivikala lexe nini Tioni e itema so u'oxo ilixo so kelele. Xe se'i i'oxo lexe nini Elaitia. Xe se'i ivikala lexe nini polopeti vile so tatei mumauli ane.”

Luku 9:19 ပူးပေါင်းရင်းမြစ်များ

Matiu 14:2

La anu muvikalane'i tamitema so xaixai noxou lexe, “Itema ne anu Tioni e itema so kelelesi ane. Anu mutulu no anu soli laso maixene xavinu so u'oxonu sosovo so xavi ne.”

Matiu 3:1

Xe no voxo anene la Tioni itema so ilixo so kelele muxali mo muxoxolu muvotone'i tami­tema no xale lia esi'esi ne Iutea.

Maki 6:14

Ioxe, mune'e la tamitema tapiena no tuatuala milavusou ualasou Iesua. La anu Kingi Eloti kalumo mulomusi'a tamitema ivikalasou lexe, “Mane Tioni e itema so u'oxonu ilixo so kelele mutulu mumaulila ne. Laso maixene anu umomomo so u'oxonu sosovo so xavi 'o.”

Maki 6:15

Xe se'i mivikala lexe, “Anu masi Elaitia ane.” Xe se'i mi'oxo lexe, “Anu polopeti kaini loxo ane'i tapolopeti tatei ane.”

Luku 9:18

Ioxe, no voxo vile la Iesua muxoxolu so uvikala noxou Mosinge la tatisaipeliou a oli'a mixoxolusi. La anu mutali'isi'a aloxo 'o, “Tamitema latala ivikala lexe eni ena'eio?”

Luku 9:20

La anu mutali'isi'a lexe, “Ia ngingi ngaxavutala lexe eni ena'eio?” La Pita mukolinu lexe, “Nini ane Mosinge musosovosou lexe Kalaisiti a.”

Tioni 1:21

La ane'i mitali'isou lexe, “Laso axova? Nini Elaitia?” La anu mu'oxo lexe, “Eni amitema ne uasi.” La mitali'ila lexe, “Nini Polopeti oleleo?” Ia anu mukoline'i lexe, “Uasi to.”

Tioni 1:25

a mitali'i noxou Tionila. Mi'oxo lexe, “Loxo nini ane so Kalaisiti o Elaitia o Polopeti olele uasi laso tava'u axova so na'oxonu ilixo so kelele noxi'a tamitema?”

Tioni 7:40

Ioxe, leviani noxi'a tamitema latala milomusou vaikalaou Iesua axone laso mivikala lexe, “Ani manina, ano'o Polopeti olelesi ane.”

Tioni 9:17

La ane'i mitali'i noxou itema e iou selevenu tei olelela lexe, “Nini namosou e na'oxo lexe mupaipounu ieni ne, laso nini navikalasou axova?” La anu mukoline'i lexe, “Anu polopeti vile ane.”